يابنات دي اول روايه ليا انا بحب لوي توملينسون جدا ..انا لقيت كل اللي بيكتبوا حاجات عن البويز مش مصريين مع احترامي الكامل ليهم انا بس عايزة اشجع البنات المصريين او اللي مش مصريين من الاخر اللي بيحبوا البويز اكيد عندهم حلم نفسهم يحققوه معاهم يكتبوه هنا ...انا هبتدي اول بارت دلوقتي ولو لقيت فيه تشجيع هكمل
الحوار هيبقا بالعاميه
انا اسمي ساره عندي 20 سنه مش مهتمه بالفن والفنانين قربت اخلص الجامعه عايشه في لندن
القصه كلها ابتدت لما حسيت بفراغ كبير اوي ..بابا مشغول بفلوسه وشغله .ومعنديش اخوات ..اتصاحبت على بنت كل كلامها عن الفنانين اسمها ماري بقت تحكيلي كل حاجة عنهم ..مين طلق مين ..مين اتجوز مين ..وانا مبركزش ,في مره حكتلي عن فرقه ون دايركشن
ماري:سمعني اغنيه ون دايركشن الجديده دي حلوة اوي كنت حساهم بيغنوا من قلبهم
انا:مسمعتهاش انا مليش في الاغاني والكلام ده
ماري:معايا على الموبايل ...تحبي تسمعيها
انا:لالالاالالاللالا خلينا في الامتحان اللي كمان يومين
ماري:دي فرقه مكافحه وبنوا نفسهم بنفسهم و...
مكملتش كلامها وسبتها وقعدت بعيد لوحدي ..لقيتها جت هي وواحده تانيه مكنتش عارفاها انا:مين دي
ماري:دي خطيبه لوي
انا:لوي مين
ماري:انا من 5 دقايق كنت بكلمك عن فرقه ون دايركشن ودي خطيبه لوي واحد منهم وكده
انا:يعني المطلوب مني ايه
الينور:انا صاحبه ماري من حوالي 3 شهور.وعايزينك تيجي تقعدي معانا اللي انا عارفاه انك بنت راجل غني ومش مهم تذاكري
انا:بس انا عايزة اذاكر عشان ابقا اثبتت لنفسي اني اقدر انجح في حاجة
ماري:سيبك منها دي اصلا مش بتحب النجوم
الينور:طب ممكن تحضري الحفله بتاعتهم بكره
انا:انتي فهمتيني غلط انا مبحبش الجو ده
ماري:لا انتي هتيجي الينور عامله حساب4 كراسي في الصف الاول
انا:بس انا مش..4 ليه انتوا 2
الينور:لا انتي هتبقي معانا انتي وبيري
انا:بيري مين
ماري:لا ده انتي محتجالك حد رايق عشان يفهمك..بيري خطيبه زين وزين ده واحد برضه مع لوي في الفرقه
الينور:هتيجي ولا لأ
انا:هشوف
ماري:لا انتي مش هتشوفي انتي هتيجي
انا:قلت هشووووف
روحت البيت متأخر لقيت بابا قاعد في الصاله
انا:بابا انت ليه قاعد لوحدك هنا
بابا:حبيبتي انا و اليكس هنسافر فرنسا(اليكس مراته(
انا:هتسافروا امتا
بابا:بعد بكرة
انا:وانا هاجي معاكوا ولا زي كل مرة
بابا:حبيبتي انتي مينفعش تسافري معانا
انا:خلاص مفيش مشكله
بابا:يلا تصبحي على خير
انا:وانت من اهله
روحت خدت دش ونمت صحيت تاني يوم لقيت 10 اتصالات من ماري
..طلبتها
ماري:الو
انا:خضتيني عليكي فيه ايه
ماري:هتلبسي ايه في الحفله انا والينور جهزنا هدومنا
انا.بزعيق:يعني ده هو اللي هيفرق معاكي اوي
ماري:فيه ايه متعصبه ليه
انا:مفيش ومش هحضر الحفله و يلا سلام
وقفلت السكه في وشها
تابعوني في البارتات القادمه
