طيب اللى مش هيعمل فوت وكومنت هيعضه التعبان ويلسعه العقرب ويهشم عظامه التمساح
لوي
#
شوفتها......كانت حلوه اوي عن المرة الاولانيه اللي شوفتها فيها ..اول ماشافتني بصتلي بصه غريبه حسيتها هتشتمني
سارا:انت ايه اللي جابك هنا انت ازاي تيجــ
لوي:اهدي شويه كنت عايز اتطمن عليكي بس تليفونك مكانش بيرد وملقتكيش في الجامعه
سارا:مين قالك عنواني ..اه اكيد الينور ماهي حبيبتك بقاا
لوي:اول حاجة دي كانت خطيبتي مش حبيبتي و فركشنا...وبعدين ايه اللي جاب سيرتها دلوقتي
سارا #
صوته حلو اوي تحسه هادي كده ..معرفش بس اول ماسمعته وهو بيكلمني معرفتش امسك نفسي عيطت بحرقه ووقعت على الارض
سارا:انا عملتلكم ايه مش عارفه ماكنت الاول تمام اول ماتعرفت على خطيبتك او اللي كانت خطيبتك ابتدت المصايب..انا عارفه اني مش حلوه ومحدش هيحبني وبتقولوا اني شبه الولاد كل ده عارفااه بس سيبوني في حالى انا عمري مأذيت حد سيبوني بقاا
لوي:انتي بتتكلمي في ايه مش فاهم طب هدي نفسك شويه .اهدي
لوي #
اول مالقيتها وقعت على الارض عرفت ان فيه مصيبه..صعبت عليا اوي حاولت اقومها بس هي كانت قاعده على الارض وبتعيط مكنتش عارف اعمل ايه
لوي:طب قومي ..ولا عايزانا نبيت هنا ولا ايه قومي بجد يلا
قامت ودخلت وقعدت على الكنبه وكملت عياط
لوي:طب ممكن تحكيلي ايه اللي حصل
سارا:عايزاك تسيبني في حالي وارجع لخطيبتك عشان كل شويــــ
لوي:خطيبتي..؟؟!عملتلك ايه بقاا
سارا:كنت في المطار بجيب بابا وقابلتها
لوي:وطبعا دخلت فيكي شمال
سارا:طب مانت عارف اهو
لوي:دي طبيعتها من زمان عارفه في مرة كانت معايا وماشيين بقا لقيتهالك مسكت بنت من شعرها عشان غمزتلى
سارا:هي فاكراني انا وانت وكده يعني
لوي:اااه وكده يعني لا هو احنا لسه مبقيناش وكده يعني بس ....انتي فاهمه حاجة
سارا #
لقيت نفسي بضحك من غير ماحس
لوي:طب مانتي بتضحكي اهو امال ايه الصحرا اللي كنا عايشين فيها دي
سارا:ملكش دعوة يلا قوم روح بقاا
لوي:اروح..لا ده انا هبيت هنا النهارده
سارا:نـــــــعــــــم
لوي:خلاص انا ماشي ...اتصل بيكي ولا هتكهربي التليفون
سارا:لا هولع فيه يلا امشي
لوي #
احسن يوم في حياتي كلها مش مصدق نفسي هي اه كانت بتعيط في الاول وفي الاخر بقت رخمه بس يلا ماعلينا
زين:مش قولتلك مفيش امل
لوي:هاري هو انا بحكيلوا نفس اللي بحكيهولكوا صح؟؟
هاري:المفروض
لوي:امال ايه مفيش امل ده
زين:لا دي كلمه سمعتها في فيلم ومعلقه معايا
لوي:حدف الموبايل علي زين
زين:كفايه كرهتني في الموابايلات
نايل:البيتزا تووحفه شكرا يا زيزو
ليام:واحنا ملناش نفس ناكل ولا ايه مش فاهم
نايل:اللي هيمد ايده عليها هقطعهاله
هاري:المهم اتفقتوا هتتقابلوا تاني امتا
لوي:ياعم عارف عنوان بيتها وعارف الجامعه بتاعتها وعارف رقم تليفونها مش هتفرق بقا
هاري:العمليه تمام معااك بس معرفتش الينور قالتلها ايه
لوي:لا بس شكلها دخلت فيها شمال ...البنت انهارت
زين:ليه هي قهوه
هاري:مش فاهم
زين:مش احنا بنقول القهوه فارت وهو قال انهارت علي وزن ....ماعلينا كمل
لوي:هاري ممكن موبايلك
هاري:خد فيه ايه
حدفه علي زين
زين:انا بقت حاجات كتير تتحدف عليا اليومين دول ع فكرة
لوي:يلا ياد انت وهو عايز انام
ليام:نفسي في مرة نخرج احنا من اوضتك براحتنا مش نتطرد
لوي:طب بص اخرج دلوقتي وخد نايل عشان بياكل على السرير وكمان شويه هقتله
نايل:ىبلتتتلتمبسفهلتلعاتل
زين:ايه
نايل:كان فيه اكل في بقي بس...كنت بقوله ايه المشكله يعني
لوي:يلا اخرج منك ليه بجد عايز انام
هاري:ياعم دي اوضتي اصلا
لوي:تصدق معاك حق ....انا رايح انام تصبحوا ع خير
كلهم:وانت من اهل الخير
توقعاتكم بقاا
