نور
بعد خروج رامي رتبت المنزل واستحممت وغيرت ملابسي كنت انتظر قدومه لكن اتتني رساله عندما فتحتها كان المحتوى
(حبيبتي نور اني وبابا راح نجي هسه احنه بالطريق كتلج علمود لتنصدمين )
عندما قرات الرساله احسست بفرح كبير ليس لمقابله والدي وانما لمقابله اخي وحبيبي مراد كنت انتظرهم لكن سوف اعود الى طبيعتي البارد بوجوده بوجود والدي العزيز انا لا اود شكره على شي سوى جمعي برامي هو اكثر شي جيد فعله لي جلست انتظر الى ان سمعت صوت الباب وقفي وذهبت اليهم وقلب بكل برود
نور: سلام شلونك مراد شلونك رامي تعالو رتاحو بين ما احضر الغده اميد جوعانين
نظر لي رامي بصدمه وكانه لم يفهم شي ومراد ينظر لي بحزن وكان ابي منزل راسه ادخلهم رامي ذهبت الى المطبخ ودخل ورائي رامي
رامي: ليش سويتي هيج
نور: بعدين احجيلك لان هسه مو وكته
دخل اخي ابتسمت بالم لاني احرف ان الذي افعله يجرح لكن هو يجب ان يشعر بالذي فعله بي خلال هذه السنين ويتانيب الضمير الذي يقتلني اتى نحوي وعانقني بقوه رايت رامي يبتسم ويخرج حضنت مراد
نور: اشتاقيتلك كلش
مراد: اني الاكثر والله احس البيت خنكه بدونج
نور: شلونه شلون صحته دياخذ الدوه لو لا
مراد: هههه ادري بيج متكدرين هو زين وتدرين هو.دائما يدخل غرفتج ومرات ينام بيه
نور: احبه مو بيدي بعد ابويه هو الشي الوحيد الي بقالي من ماما
مراد: واني وين رحت
نور: انت بالكلب متطلع
مراد: هههه شكد احبج وما اكدر ازعل منج
نور: اكو احد يكدر يزعل مني
مراد: يله شنو مسويه غده
نور: سويتلك احله باميه وتشويب دجاج
مراد: الله شكد شتاقيت الاكلج
نور: يله خلصت صيحلهم
بعدها ذهب مراد ونادى ابي ورامي جلسو ياكلون وانا اكل بهدوء دون النظر الى احد
ابي: عاشت ايدج
نور: بالعافيه.............قلتها اكثر نبره بازده ممكن ان تسمعها في حياتك
رامي: حبيبتي اخذتي الدوه
نور: اممم اخدته
مراد: يادوه شبيج مريضه
رامي: ههههه لا بس راح تصير خال
نظر لي مراد بصدمه: صدك
اومئت له بمعنى اجل
وقف وعانقني: فدوه اختي راح تصير ام
نور: هسه انت مراح تخليني اشوف ابني اذا بقيت هيج
مراد: ههههه اسف والله بس بس مو بيدي
نور: ههه يله كمل اكلك
لم يتكلم ابي ولا حرف لكن رايت في عينيه نظره نظرت فرح حزن لايمكن معرفتها
ابي: مبروك بتي مبروك ابني
رامي: الله يبارك بيك عمي
وانا لم اجب ولم اتكلم من الاساس اكملنا الطعام نظفت السفره وخرجت لهم بالشاي اعطيت كل شخص كوبه وبدئو يتكلمون بالسياسه وبعدها بالتجاره ومن ثم العمل مللت كثيرا وقفت وذهبت الى الاعلى احسست بغصه ودموع متجمعه في عيني بعد تقريب ربع ساعه من البكاء اتى الي رامي وجاس بجانبي
رامي: ليش سويتي هيج
نور: انت متدري هو شنو سوه بيه هو اذاني كلش من بعد وفات ماما وهو ما حجه ويايه واصلا مجان يباوعد بوجهي المكان الي اني موجوده بي يعوفه ويطلع جان دائما يحسسني بتانيب الضمير يحسسني اني سبب موتها شعليه اني اذا طلعت اشبه اني شعليه
احتضنني وبدء يربت على ظهري
نور: رامي
رامي: همم
نور: اذا اني صاربيه شي هم راح تعامل بتنه هيج
ابعدني من حضنه ونظر لي وقال
رامي: اياج تعيدين هذا الحجي وبعدين انت مراح يصير بيج شي واني وياج راح نربي طفلنه
نور: بس انت متعرف القدر شنو راح يكتبلنه وانت لحد هسه مجاوبتني راح تسوي هيج لو لا
رامي: لتتخيلين انو الموضوع سهل تره انتولم تشوفين شخص تحبي راح من عندج مراح تكدرين تتحملين وخصوصا اذا جان اكو احد يشبه كدامج بس لا جوابي لا راح اخليه بعيوني ومراح اخليه تتاذه ابد او انو تحس هي ماعده ماعده......
سكت قليلا ولم يتكلم كان متضايق كثيرا
نور: ام
رامي: ها
نور: تقصد ماعده ام رامي اريد توعدني اني اذا صارلي شي لتاذي طفلنه
رامي: اوعدج بس حبابه لتحجين بالموضوع بعد
نور: ماشي
مرت الايام وكان والدي ومراد يعيشون معنا مرت اسبوعين على بقائهم وكنت دائما اتجنب ابي ولا انظر له ااى ان اتى ذلك اليوم وياليته لم ياتي كنا جالسين ورامي يريد الذهاب للعمل
ابي: رامي راح اخذ نور واطلع اتمشه
رامي: براحتك عمي اني استاذن
نور: وين نروح
ابي: امشي نروح نمشي شويه
نور: ماشي
خرجنا من المنزل وكنا نمشي جلسنا على احدى المصاطب الموجوده في الشارع
ابي: تدرين اني مشتاقله
نظرت له وكانت الدموع في عينيه واكمل
ابي: كليوميه اشوفه كدامي احسه ويايه وكلما اباوعلج اشوفه كبالي وكلما اشوفج اموت الف موته لانو كل هذا بسببي ما جان لازم اعوفكم وحدكم تدرين اني احس اني انسان ماعنده روح من 14 سنه تعاركت ويه امج وهي اخذتج وطلعت جنت منتظركم علمود ترجعون واني اطلب منه تسامحني بس انتظرت جنازته انتظرت يجيبولي جثته ردت اموت لحظته ردت ادفن روحي مكانه بس مكدرت مكدرت اعتذر الها مكدرت اشوفج لان جنت احس بالذنب لان اني خليتج تشوفين امج وهي ميته
نور: بابا
ابي: اسف اخاف اعيد الغلطه وما اعتذر
نور: لتحجي هيج اني احبك ما اكدر اشوفك بهاي الحاله
ابي: نور
نور: اذا تريدني اسامحك لتحجي هيج ولتسوي هيج
عانقني احسست بالراحه
ابي: اروح اشتري مي من هذا المحل واجي
نور: ماشي....... قلتها بابتسامه وانا لا اعرف ماذا سيحدث لي
ذهب والدي واشترى الماء وكان يريد العبور من اجل ان يعطيني ماء لكن حصل ما لم يكن بالحسبان عادت لي ذاكرتي الى الوراء 14سنه نفس الشي الحدث السيارات الدماء الناس اقتربت من ابي وقال لي رجل
رجل: ابنتي ابتعدي من هنا
لم استطع التكلم واغمي علي ولم احس بعدها
استيقظت وجدت نفسي في غرفه بيضاء وسرير ابيض وهناك رجل يجلس بجانبي انا اعزف هذا الوجه اين رايته اين
نور: منو انت
رجل: شلونج بنتي شلون صرتي ها
نور: اني اعرفك بس مين............ انت انت الرجال الي جنت يوم الحادث اني اعرفك اعرفك انت هو اني متاكده
رجل: العفو بس منو انت
نور: اني الطفله الي جنت ابجي على امي الي ماتت بالحادث
نظر لي باستغراب وقال
الرجل: الحادث الي صار قبل 14سنه
نور: اهئ اهئ اي اني هي بس ابويه ابويه وين
دخل رامي
رامي: كعدتي شلون صرتي حبيبتي
نور: بابه وين وشلون صار حباب كاي عايش
رامي: لتخافين هو عايش بس
نور: شنو شبي
رامي: هو..................
****************************
هلو شلونكم شنو رايكم ادري كصير ومابي هواي احداث بس هسه اني مالي واهس اكتب والله لس علمودكم كتبت
ارأكم توقعاتكم
فويت كومنت
أنت تقرأ
حب حياتي
Randomفتاه وحيده هادئ يتيمه ليس لي علاقه باحد كان كل همي هو دراستي لكن فجاه تغيرت حياتي مئه وثمانون درجه تغيرت عندما التقيت بك ، بك انت ياحب حياتي
