يـوم9/29
فتح عيونه بكسل ع صوت اخته المزعج : غنىىى اطلعي برا
غنى: اووف خالد طفشانه والساعه صارت9:00 ومحد طلعني للمول وبكرا عيد بسرعه يلا اصحى
خالد بصوت نعسان:طيب السواقين وش كثرهم ليش م تروحين معاهم
غنى بصوت عالي متضجر : اووف لو ابوي موجود كان انا الحين في المول ومخلصه بعد.
طلعت من الغرفه وضربت ب الباب بعدها او ب الاصح من الجناح بكبره وهي معصبه من اخوانها،هم يعرفون هي شكثر تكره السواقين وعندها عقده منهم
غنى بنفسها: اووف الحين انا شسوي،بعد ثواني وهي تفكر بصوت عالي : لقيتهاا حبيب قلبي اكييد لو بقوله بيوافق
:من حبيب قلبك هذا !
غنى التفت لصوت الي من وراها و بخوف: وجععع اياادوه وقفت قلبي،بعدين ناظرته باستلطاف: ايادي قلبي انت عمري حياتي كوني و...
قاطعها اياد: و اكثر اخواني احبهم واجملهم وكل شي، بقهر : حفظتهم ولو تساليني عن اسمي بسمعهم لك اخلصي وش تبين .
غنى : ابي اروح المول وبكرا عيد ولا احد بيوديني.
اياد:ليش فيصل وعزيز وينهم!
غنى:عزيز م ادري فيصل اكيد بمكتبه ،بس بتوديني!.
اياد:تماام ابدل واجيك .
غنى وهي تحضنه وتبوسه بقوه: ويلموني بحبك
اياد بضحكه:انا كم عندي غنى،يلا خمس دقايق والقاك جاهزه تمام!
غنى وهي تطلع الدرج بسرعه: ثواني وجايتك .
بعد م راحت غنى اياد بتنهيدت تعب: الله يقدرني اني اعوضك.
وطلع يتجهز لطلعه مع غنى
---------------------------------------------
غنى دلوعه العايله او بالاصح دلوعه اخوانها وبتحديد اياد بس يصير اخوها! م ندري
جميله شعرها قاصته فكتوريا يناسب رسمت وجهها عمرها 18 سنه
خالد اكبر من عزيز عمره 23 سنه انسان حاله بباله يحب اهله كثييير تميزه عيونه العسيله النعسانه وجسمه المتناسق .
فيصل اكبرهم عمره26 حمل العايله عليه كله اتعب وانا اقول جميل طالع ع امه بجماله عيونه العسليه الفاتح شعره الي مايل للبني الفاتح جسمه المتناسق انسان كتوم وغامض ومستحيل يعجبه شي وبعد عنيد
اياد عمره 24 جميل وفله دائما هو وغنى م يفترقون حياته غامضه بنسبه لغنى ليش! بنعرف بعدين
عبدالعزيز او عزيز اكبر من غنى عمره 20 سنه ب الجامعه حريص جداا ع دراسه وامنيته ب الحياه يصير نفس اخوه فيصل وهو بعد جمييل نفسهم .
NEXT.
