في يوم كنت واكف بشارع حيفا أريد تكسي إجه ابو سايبه،،،
السلام عليكم عمي تروح للكرادة؟ أي عمي اروح
شكد تاخذ كروه؟ عمي 5 الف كتله لا عمي كال صاعد ب4 الف صعدنا وياء
الرجل يصنفن.....! عبالي مريض او بي شي......!
على العموم ضل يسوق صار نقاش كتله عمي متزوج؟ كال..لا ......!
كتله شنو تشاقه لو صدك ....! كال لا والله عمي اني احب وحده 20 سنه...........وما صارت القسمه !!
كتله عمي شكد عمرك ؟ كال مواليد 1966
كتله زين عمي بصراحه بعدك تحبها؟ والله مو قصدي اشو الرجال سكت ......!! باوعت على الرجال اشو ضل ييجي خطيه ......! دموعه نزلت بسكته....! كتله شبيك عمي خير ؟
كال وحق العباس أبو فاضل احبها .......! (((((ويبجي))))........!!
كتله عمي هي بعدها منتظرتك ؟ كال لا ازوجت
كتله وين تزوجت بغداد؟ كال لا بالمحافظات الجنوبيه......! كتله هي تحبك؟ كال بلي تحبني وقسمت الي بالعباس ماتعوفني ولا تزوج غيري........! كتله زين وهسه ضل يبجي كال والله من اتمرض تحس بيه وتخابرني
كتله شلون عرفتها كال اجرتني هي وأمه ........صفن ...........كال اني اكدر اخليها تعوف زوجها ....كال بس
حرام خطيه ......صفن طلعلي ورد كتله شنو هاي عمي ؟كال منها دزته الي وياء اقاربها ....! طبعا لازالت تخابرة بس مي رد عليها يكول مااكدر أضل بس ابجي .......!!
كتله شنو رايك بالحب هاي الايام كال قليل اصحاب الوفه
كتله لعد انت شكد وفي واصيل وصاحب اخلاق بالنهايه كال والله افديها بروحي .......!!
المهم بعدين وصلنا وما قبل يأخذ كروة بعدين قنعته واخذها ،،،،
طبعا للتنويه كتله انشر كال أنشر...... الله لأ يفرق كل اثنين بحق الحسين
