بين الماضي والحب

البداية

قبل 10 سنوات
سمر:استيقظت صباحا الساعة العاشرة ونهضت من فراشي بسرعة واخذت هاتفي واتصلت بي علي
سمر:الو
علي:الو هلو حبيبتي
سمر: هلو حبيبي اكلك انت وين اريد اشوفك بسرعة
علي:خير حياتي شكو
سمر:من اجي احجيلك كولشي
علي:اوكي منتظرج على البحر
سمر:ماشي فد نصف ساعة واجي
علي:اوكي باي
سمر:باي
سمر.
غيرت ثيابي󾓖󾓰وخرجت من البيت رتبت سيارتي وذهبت الى البحر وكان علي واقف على البحر اوقفت سيارتي بجانب سيارتة وخرجت وذهبت له واحتضنته وقبلني󾠧 💏وابعدني عنه
علي:عمري شكو شبيج خوفتيني
سمر:علي بابا يريد يزوجني
علي:بصدمة شنو
سمر:اي بابا مصمم لازم اتزوج وما اعرف شسوي
علي: انتي شنو جاي تحجين مستحيل اسمح تتزوجين اي احد غيري
سمر:ساعدني علي اني احبك وماريد اتزوج احد غيرك
علي: ماكو غير حل واحد اواجه اهلج
سمر:مستحيل اسمحلك تسويها اخواني اذا عرفو راح يقتلونك
علي:لعد شلون فهميني مستحيل اعوفج ترحين لغيري
سمر:عندي حل
علي: شنو
سمر:ننهزم اني وياك ونروح لمكان بعيد محد يعرفنا بيه
علي:لا هاي خطرة واخاف عليج
سمر:لعد عندك حل ثاني فهمني
علي: لا
سمير:لعد خلص احنا لازم ننهزم ونروح نعيش اني وياك بخير وسلامة صدكني هذا احسن حل ها شنو قررت
علي: ماشي موافق
سمر:اوكي لعد باجر انتظرك من الصبح حتى نطلع من وقت
علي:اوكي ماشي
سمر:يلا هسة صار لازم اروح اتأخرت
علي: ماشي حبيبتي احبج 󾠧💏
سمر:واني هم 💏 يلا باي
علي: باي
شغلت سيارتي و رجعت الى البيت وكانت ابي واخواني موجودين في البيت
وليد:هاي وين جنتي
سمربخوف:جنت يم صديقتي منى
كان اخي وليد واخي هشام ينظرون لي بغضب لا اعرف لماذا صعدت الى غرفتي فورا قفلت الباب وفتحت الخزانة وجمعت اغراضي المهمة وضعتهم في الحقيبة و وضعتها في مكانها الى ان يأتي الليل وينام الجميع انزل اضعها بالسيارة ونزلت إلى الاسفل وكان اولاد اخي وليد يلعبون في الحديقة كريم واسيل كانو في غاية الجمال انني احبهم كثيرا اعتبرهم مثل اولادي لا اعرف كيف سوف اتحمل فراقهم ذهبت لهم
سمر:حياتي شنو جاي تسوين
صارو ينظرون الي نزلت دمعتي
سمر:احبكم كولش هواي شلون راح اكدر استحمل غيابكم عني اتمنى ما تنسوني ابدا اسيل حبيبتي يااحلى بنت بالعالم كله راح اشتاقلج هواي وانت هم كريم يا اجمل ولد بالعالم احتضنتهم وصرت ابكي احبكم كلش هواي مسحت دموعي
سمر:يلا حبايبي امشو ندخل للبيت
ادخلتهم للبيت وذهبت الى غرفتي وانتظرت الى ان نام الجميع من في البيت اخذت حقيبتي ونزلت إلى الاسفل فتحت الباب الكراج و وضعت الحقيبة في سيارتي
و رجعت الى غرفتي لكي انام
@rewayat_sara33
وفي اليوم التالي استيقظت الساعة السابعة صباحا اخذت حمام وغيرت ملابسي ونزلت إلى الاسفل وكان ابي وامي جالسين في غرفة الجلوس.
امي هي وين طالعة
سمر:عندي شغل ويا منى هسة ارجع ما اتأخر
ام سمر:اوكي روحي
خرجت من البيت ذهبت الى علي كان ينتظرني على الطريق أشار إلي بأن ألحق بسيارته وألحقت به إلى ان وصلنا الى بيت معزول عن المدينة ولا يوجد اي بيت هناك اوقفت سيارتي ونزلت منها هو أيضا نزل
سمر:هاي وين احنه
علي:حبيبتي هذا بيت صديقي ماهر واحنا لازم نبقى هنا لفترة قصيرة بس على ما الوضع يصير احسن ونطلع
سمر:ماشي
علي:يلا تعالي نشوف البيت من جوه
ذهبنا الى ذلك المنزل فتح علي الباب ودخلنا الى البيت وكان بيت جميل وبسيط جدا
علي:شنو رأيج
سمر:واووو كولش حلو
علي:راح نبقى هنا كام يوم وبعدين انسافر لأمريكا ونعيش هناك طول حياتنا
سمر:انشاء الله
علي:يلا هسة تعالي حبيبتي خل نشوف شنو ناكل
ذهبنا الى المطبخ وكان فارغ لا يوجد اي شي ناكلة
علي:ابقي انتي هنا واني راح اجيب اكل من على الشارع
سمر:شنو وتعوفني لوحدي لا مستحيل اخاف ما ابقى اروح وياك
علي:لعد يلا امشي نروح
و اول ما فتحنا الباب رأيت سيارات كثيرا واقفة امام البيت ياللهي انها سيارات اهلي كنت خائفة جدا وارتعش من الخوف كيف عرفو اهلي وماذا سوف يفعلون بنا امسك علي بيدي بقوة وقال
علي:لا تخافين حبيبتي اني وياج ما راح يصير شي
سمر:علي اني خايفة عليك مو على نفسي وكنت ابكي
علي:لا تخافين ياعمري
ونزل اخي وليد من السيارة معا اخي هشام
هشام: ها يا حلوين وين تردون تنهزمون
عبالج اخليج تنهزمين وتشوهين سمعتنا يا كلبة
وانت الثاني شنو شايفها سهلة تاخذها وتروح احنا وين عايشين
اليوم اقتلكم واغسل عاري بيدي وحدي
ونادئ على الحراس
هشام: تعالوا اخذوهم للبيت
اراد شخص يمسك بي وأمسك علي يده
علي:دير بالك تمد يدك عليها اكسرها لك والله
وليد:سبع والله سبع
وأشار للحارس الذي كان يقف امامي بأن يمسك بعلي وامسك بيد علي لكي يربطه ولكن لا يقدر عليه لان علي كان قوي جدا وجاء ثلاثة حراس وامسكو بة بكل قوة وانا كنت اصرخ وابكي وأتوسل بهم ان يتركوا
وجاء اخي وامسكني من شعري بقوة وسحبونا الى داخل البيت و وضعونا على الارض وقيدو يدانا وانا كنت ارتعش من الخوف وضع اخي هشام المسدس على رأس علي وانا كنت ابكي وأتوسل إليه
سمر:اخي لا ارجوك الله يخليك عوفه اخي الله يوفقك اتركة اترجاك موتني اني بس عوفه
هشام:حقيرة (رفسني بقوة على بطني)
علي بصراخ:اتركها لا تضربها يا حيوان
جاء اخي و ضربة بقوة على رجله
@rewayat_sara33
فتح عينة وقال:لا تخافين ياعمري مابيه شي
صرت ابكي واقول: سامحني كلة بسببي ياريت ما اقترحت عليك هاي الفكرة جان ما صار كل هذا الشي
علي:وليش انتي شتتوقعين اخليج تتزوجين غيري مستحيل اني احبج وما يهمني اذا اموت في سبيل حبج هاي راح تكون احلى شي صار بحياتي راح اموت واني يمج
هشام:ياعيني شنو هاي الرومانسية مشهد رومانسي حلو بس لاسف النهاية غير سعيدة وصار يضحك بكل قوة ويشتم بي وبي علي
علي:انت واحد تأفة وجبان وحقيرة عبالك راح ينتهي حبنا اذا موتتنا لا ابدا ماراح تنتهي راح تعيش وراح تجي قصة حب جديدة وراح تعيش وغصبا ما عليكم وعلى عداوتكم هاي واني متأكد
هشام:ما راح تصير قصة حب بين العائلتين لا هسة ولا بعدين طول ما اني عايش طااا
سمر:لااااااااااا علي لااااااااااا 😭😭 لا ليش ليش قتلتة ليش حرام عليك علي لا تعوفني علي 😭😭الله يخليك لا تعوفني وتروح علي سامحني حبيبي سامحني ياعمري كله بسببي 😭😭
كنت اصرخ كالمجنونة
هشام:لا تخافين ماراح يعوفج انتي هم راح ترحين ورأى لازم تموتين انتي هم
سمير:حقير كلب الله يلعنك الله ياخذك..طااا
ضربني وأنتهت قصة حبي لم تكن نهاية سعيدة كما تمنيت ولكن اتمنى ان تلد قصة حب جديدة تغير هذه العداوة وتتحدى المستحيل وتفعل ما لم نفعله انا وعلي وتكون نهاية ليس مثل نهايتنا
بعد مرور 25 سنة
@rewayat_sara33
عائلة جاوش أغلو
الخادمة:انستي استيقضي انها الساعة الثامنة
نهضت من فراشي بفزع
ماذا ياللهي اذهبي انتي الان اذهبي
يارب لازم اجهز نفسي بسرعة أتاخرت
او لحضة نسيت اعرفكم بنفسي 😊
اسمي اسيل جاوش أغلو عمري 19 سنة ادرس ادارة اعمال اصلي من العراق بس عايشين بتركيا مع بابا وماما واخي كريم اكبر مني ب 5سنوات احنا عائلة غنية جدا ابي تاجر عنده مصانع لسيارات اغنى رجل الأعمال بتركيا يلا هسة تأخرت لازم اجهز نفسي واروح الكلية لان ليوم هو اول يوم بالدراسة
العائلة دوغان
احسان: امير ايمن وينكم يلا تعالو الفطور
امير:اي بابا جاي بس دقيقة
اسمي امير دوغان عمري 26سنة ادرس ادارة اعمال وهاي اخر سنة الي اصلي عراقي وعايشين بتركيا احنا عائلة غنية جدا ابي اكبر رجل اعمال بتركيا عايش مع ابي وامي واخي الكبير ايمن اخي متزوج وليس لديه اطفال عمره 32 سنة يشتغل بالشركة مع ابي
ايمن: يلا امير وينك
امير:اي جاي هسة
نزلت الى الاسفل
امير:صباح الخير
الجميع:صباح النور
ام امير: تعال افطر وبعدين اطلع
امير:لا امي راح افطر بالجامعة لان ليوم هو اول يوم وما اريد اتأخر
ام امير:ماشي ابني بس افطر مو تنسى
امير:󾰀󾰀لا اكيد يلا سلام
الجميع: سلام
خرجت من البيت وذهبت الى للجامعة
اسيل.
أخذت حمام ساخن وغيرت ملابسي ونزلت وكانت عائلتي جالسين على المائدة الفطور ☕🍴🍚🍲🍞
اسيل :صباحو ماما 😚
اسيل: صباحو بابا 😚
أم اسيل:صباح النور حبيبتي هاي شبيج ليش مستعجلة تعالي افطري بالاول
اسيل:لا ماما ماكدر اتأخرت على هدى راح تموتني هسة
وليد:ديري بالج على نفسج حبيبتي
اسيل:ماشي بابا
اسيل: يلا بأي 󾌬
خرجت من البيت ركبت سيارتي وذهبت الى الجامعة وكان هناك ضجة كبيرة لأنه هذا أول يوم لنا هو ايضا يوم عيد الحب وكانت الأجواء جميلة وكانت كل فتاة تتفق مع حبيبها على الخروج الليله وانا ليس لدي حبيب اخرج معه اليوم هو يوم عيد الحب و يقولون اكبر واجمل قصص الحب لما الفتاة تتعرف على شريك حياتها بهذا اليوم معقول اني راح اتعرف على شريك حياتي بهذا اليوم يمكن
دخلت إلى الجامعة وكانت هدى تنتضرني
اسيل:صباحو
هدى:صباح النور عيني هاي وينج صارلي ساعة وإني واكفة كتلتني الشمس
اسيل :سوري حبي بس والله جان ازدحام وماكدرت أوصل من وقت
هدى:ديلا فوتي بسرعة لان أتخرنا على الدرس بسببج
ودخلنا الى القاعة وكان هناك كثير من الطلاب والطالبات في القاعة
جلسنا في إحدى المقاعد نظرت الى الامام
وكان يجلس أمامنا سمير خطيب هدى وكان يجلس بجانبه شاب كان شديد الوسامة
ضربتها على كتفها
اسيل:هدى هدى
ألتفتت لي
هدى:ها شبيج
اسيل:لج هذا مو سمير
@rewayat_sara33
هدى:اي.هو الزفت سمير
اسيل:ها شبيج شكو زعلانة منة
هدى: اي على الاساس نطلع البارحة نتعشاء بس ماجة وضربني بوري
اسيل:󾰀󾰀على هاي يجوز صارت عندة شغلة ما كدر يجي وبعدين اكيد ليوم راح يطلعج حتى تحتفلون بعيد الحب
هدى:ماريد احتفل ويا
اسيل: ديلا هسة من تنتهي المحاضرة احجي ويا لان هسة اجة الاستاد
شركة عائلة دوغان.
ايمن: شهد بابا بالمكتب
شهد السكرتيرة: اي استاذ ايمن
دخلت إلى ابي
ايمن: بابا تعال اقرة هاي الورقة
اخذ الورقة قرأها
احسان:شنو صار بيها تهديد
ايمن:اي هذول تعدو حدودهم
احسان:اني ادري جاي يسوون كل هذا بس على مود انسحب من المناقصة بس ما انسحب وعناد بيهم راح اخذها منهم اني مستحيل انسى الشي لصار لاخي علي دمه مستحيل يروح هيج حتى لو اخر يوم بعمري لازم اشوف الكلب هشام واقتلة بيدي لازم يجي يوم ويرجع قابل راح يبقى مهزوم لازم يرجع ولحد ما يرجع راح ادمر هاي العائلة واحد واحد لازم ادمرهم اخذ منهم كل شي اخليهم تحت الصفر
اسمع ايمن هسة تروح لاخوك وتشوف شنو الاخبار اخاف صاير شي
ايمن:امرك بابا
ايمن: اسمع لا تحجي على موضوع التهديد خلي الموضوع بيني وبينك
ايمن:ماشي يلا رايح اني سلام
احسان:اخذ الحرس وياك
ايمن:انشاء الله
خرجت من الشركة ذهبت الى جامعة امير
اسيل.
وبعد انتهاء المحاضرة خرجنا من القاعة جلسنا بالكفتريا وفجاه وجاء سمير ومعا شاب الوسيم الذي كان يجلس بجانبه
سمير:هلو بنات شلونكم
هدى لم ترد عليه و لا حتى تنظرإليه 😕
اسيل: هلو سموري شلونك
سمير:الحمد الله وانتي شلونج اسو
اسيل: تمام
سمير:هلو حبي شلونج اعذريني البارحة ما اجيت بس والله ابوية جان مريض ماكدرت اجي بس اوعدج ليوم نطلع نحتفل بالعيد الحب اني وياج
هدى:لا شكرا ماريد احتفل انت لوحدة
سمير:وتقبلين احتفل لوحدي
هدى: اي اقبل
سمير:مو اني جايبلج هدية تخبل
هدى: شكرا ماريدها خليها لك
سمير:هاي شبيج انتي
لحضة لك هذا وين راح تعال هنا
ألتفت و رأيت ذاك الشاب الوسيم الذي كأن يجلس بجانب سمير
سمير:اعرفك هاي حبيبتي هدى وهاي صديقتي اسيل وهم عراقيات
الشاب:أهلا وسهلا
اسيل وهدى:أهلا بيك
سمير: اعرفكم هذا صديقي أمير طالب ويانة
اسيل:أهلا وسهلا اتشرفنا
امير:هلا بيج الشرف لي
هدى:يلا اتفضلو اكعدو
جلس أمير أمامي وسمير أمام هدى
ونادى سمير على النادل
سمير:لو سمحت
جاء النادل
سمير:يلا اطلبو
امير:قهوى ☕
اسيل:عصير برتقال🍸
هدى:واني هم نفس اسيل 🍸
سمير:لو سمحت قهوى ثنين وعصير البرتقال ثنين ☕☕🍸🍸
اسيل:وانت شنو تدرس
امير:ادارة اعمال هاي اخر سنة
اسيل:ها بس هاي اول مرة اشوفك هنا
rewayat_sara 33
امير:اي مو اجيت نقل اني
اسيل:ها مو اكول
سمير:اي واني اتعرفت عليه باليوم لاجة يسوي الاواق مالتة
سمبر:اكلج اسيل شلونه كريم اشو ماكو
اسيل:والله مشغول بالشغل ويا بابا
سمير:مشتاقلة صارلي هواي ما شايفة
اسيل:مشغول بالشغل شوية انت تعال
سمير: اي انشاء الله اشوف يوم واجي
اسيل:اهلا وسهلا اتشرف بس اني اخلي يخابرك
امير:ليش ابوج واخوج شنو يشتغلون
اسيل :بابا عنده اكبر شركة لسيارات
امير:اه شنو هاي الصدفة وإني هم عائلتي يشتغلون بمجال السيارات يعني ابوج منافس لأبي
قلت بكل ثقة :لا طبعا محد يكدر ينافس بابا
ابتسم وقال: انتي شنو اسمج عائلتج
اسيل:احنا عائلة جاو.......
قبل أن أكمل قاطني سمير
سمير:لك أمير هذاك مو اخوك أيمن
ألتفت الجميع إلى الوراء وكان شاب وسيم ولكن ليس بوسامة أمير
ذهب أليه أمير
امير.
تفاجأة كثيرا من قدوم اخي
امير:هلو أيمن خير شكو
ايمن :لا ماكو شي بس جان عندي شغل قريب على الجامعة مالتك وكلت أنزل اشوفك شوية
امير:ها
ايمن: شلونك انت صار شي ليوم وياك
امير: لا ماصار شي بس ليش تسئل شبيك
ايمن: لا ماكو شي بس حبيت اسئل يلا اني صار لازم اروح هسة يلا سلام
امير:سلام󾰕
استغربت كثيرا من قدوم ايمن وكلامة معي اظن ان هناك شي يخفي عدت إليهم
سمير:ها ليش أجة اخوك ايمن شكو
امير:والله مادري يكول جان عنده شغل قريب بس ماادري ليش ماصدكته
سمير:وبرأيك شنو الموضوع
امير:والله مادري بس ارجع واشوف شكو
اسيل:يلا ياجماعة اني صار لازم اروح اتأخرت
امير:يلا لعد امشو
سمير:لا انتو روحو اني وحبي راح نطلع سوه
امير:اوكي يلا اتفضلي اسيل
وخرجنا معا من الجامعة ألتفت له وقلت
اسيل:اتشرفت بمعرفتك امير
امير:واني اكثر
اسيل:يلا صار لازم اروح اشوفك باجر
امير:اكيد سلام
اسيل: سلام
اسيل.
ركبت سيارتي ورجعت الى البيت
اسيل:هلو ماما
أم اسيل :هلو حبيبتي
اسيل:جوعانة ماما الاكل بعد ماجاهز
أم اسيل :أي جاهز بس غيري ملابسج على ما يجي ابوج واخوج
اسيل :اوكي
عائلة دوغان
امير.
أمير وصلت الى البيت ورأيت امي تجهز الاكل
امير:مساء الخير يا أمي
أم امير:مساء النور ابني
امير:لعد ابوية وأيمن وين
أم امير:بالمكتب
امير:اوكي لعد راح اشوفهم
أم امير:ماشي روح على ما اجهز الاكل
امير:والله مليت واني احجي يا امي احنا مو عدنه خدم اي ليش تشتغلين واتعبين نفسج
ام امير:لان اريدكم تاكلون بس من ايدي مو من اي احد
قبلت يدها تسلم يدج يالحنونة😘
ذهبت الى ابي وأخي
rewayat_sara 33
امير:مساء الخير
أيمن احسان :مساء النور
امير:شلونك بابا
احسان: الحمد الله ابني
ايمن :ها أخي صار شي ليوم وياك
أمير :مثل شنو يعني
ايمن:لا بس يعني جاي اسئل
امير:لا ماصارشي وبعدين انت ليش ليوم أجبت للكلية
ايمن:مو كتلك جان عندي شغل قريب عليك
امير:ما اعرف ليش احس اكو شي
احسان:مو گلك ماكو شي ليش جاي تتحقق ويا اخوك
امير:لا بس حبيت اعرف لان بصراحة عذرا ما اقنعني
نظر ايمن الى ابي وقال:ابي احنا لازم نحجي لامير كلشي حتى يفهم الموضوع
امير:خير شكو خوفتوني
احسان:ابني مثل ما تعرف احنا عائلة كبيرة لنا أعداء هواي واني خايف عليكم هواي
امير:ليش بابا شكو شصاير
احسان :وهسة دخلنا بالمناقصة وعائلة جاوش أغلو هم دخلوا بالمناقصة وطلبو منا ننسحب وطبعا اني رفضت بس وصل لاخوك والي تهديدات بالقتل حتى ننسحب من المناقصة
امير:شنو وصلت وياهم لتهديد هذول زودوها هواي
ابي اترجاك اترك هاي المناقصة اني خايف عليك وعلى اخوية بابا اتركها وبعدين انت شنو جابرك تدخل بيها فهمني
ما كافي المشاكل لحد هسة شوف هسة بسبب هاي العداوة مالتكم شكد ناس راحت بية متوكفوها وتريحونا
احسان: واترك دم عمك يروح هيج من غير ما احاسبهم مستحيل ما اكدر انسى لصار لعلي و لازم اخسرهم كل شي وهذا وعد مني مثل ما اخذوا اخوية مني لازم اخذ اعز شي عدهم مو بس هشام الكلب لا عائلة جاوش أغلو كلها راح تدفع الثمن من اكبر واحد الى اصغر واحد هذا وعد
امير.
هاي اول مرة اشوف ابي يبكي فعلا موت عمي دمرنا عمي كان اغلى شخص عندي لحد الان نحن لم نستوعب امر وفاتة بعد كل هاي السنين واحنا لم نستوعب موته
عائلة جاوش أغلو
اسيل.
كنت في غرفتي ادرس و انطرق الباب غرفتي اسيل:اتفضل
الخادمة:انستي الطعام اصبح جاهز
اسيل:اذهبي انتي سوف انزل الان
نزلت للاسفل وجلست اكل 󾥶󾥲󾥫󾥰󾦇󾦃󾦀
وليد: اسو شنو اخبارج ليوم بالجامعة
اسيل:تمام بابا كولش زينة
وليد:عفية بنتي اريدج ترفعين رأسي وتكملين دراستج حتى تساعديني وتساعدين اخوج بالشغل
اسيل:انشالله بابا
وليد:كريم ابني شنو أخبار المناقصة اسويت عليها
كريم:كلشي تمام بابا
وليد: لازم نأخذها احنا ماريد عائلة دوغان يأخذها تفهم
كريم :اكيد بابا لا تخاف اكيد راح نأخذها
احنا وغصبا عليهم
وليد:لازم ناخذها بأي ثمن سمعت
كريم:انشاء الله بابا
وليد:يلا اني راح اشتغل بالمكتب شوية
rewayat_sara 33