امير:ايمن رجاء أجل الموضوع بعدين نحجي اني تعبان واريد انام
ايمن: شنو بعدين لا هسة اريدك تحجيلي كل شي امير
جلست بجانبه و مسحت وجهي بيدي واخذت نفس كان اخي ينظر لي بي أستغراب
امير:شتريد تعرف
ايمن:كل شي من وين تعرف اسيل جاوش أغلو وشلون تعرفت عليها وكل شي احجي
امير بأتفف:ماشي راح احجيلك كل شي
وسرت له كل شي من اول يوم شفت بي اسيل الى هذا اليوم ثم نظرت الى اخي كان مصدوم
ايمن: مو معقول يعني من بين كل للبنات بالكلية كلها ما لگيت غير اسيل اتحبها يعني هاي هي لبنية لحجيتلي عنها قبل شوية بالحفلة
امير:أي هي اسيل
ايمن:مستحيل شلون صار هيج
امير:والله مادري
ايمن:زين هي تدري بيك انت ابن منو
امير:لا ما تدري
أيمن : امير تدري اذا أبوك عرف شنو راح يصير راح تصير مصيبة
امير:شنو يعني اتركتها
ايمن:ليش انت عندك حل ثاني أهلي وأهل لبنية مستحيل يوافقون انت تريد تكرر قصة عمك علي وعمتها بيكم لك ابوي اذا عرف احتمال يروح بيها مايتحمل مو كافي عليه اخو انوب ابنه هم امير فكر بالموضوع زين ابوية اذا صارلك شي ما يستحمل يجوز يموت وعمها هشام هذه واحد مجرم واخاف يدرون ويصيرلك شي يامعود
امير:لعد شسوي فهمني شسوي
ايمن:عوفها
اميربعصبية:ماكدر ماكدر اعوفها ماكدر لك جاي اگلك احبها وماگدر اعيش بدونها افهمني شوف اي حل بس لا تطلب مني اعوفها
ايمن وضع يده على شعره وقال بعصبية
امين:لك انت خبل جاي اگلك يكتلونك ويجوز يكتلوها هي هم وياك هذول ناس ماعدهم اي رحمة و مثل ماصار بعمك يجوز يصير وياك اسمعني امير تريد تنساهه لازم تترك الكلية روح بغير وحدة وساعتها لا هي راح تشوفك ولا انت فكر بكلامي زين
يلا هسة صار لازم اروح انام تصبح على خير أمير.
أخي عنده حق بكل كلمة بس اني ماگدر انساهه شلون راح انساهه شلون اني اتعودت عليها لازم كل يوم اشوفها ماكدر ماشوفها بعد ماكدر ما احاجيها بس اني لازم اتعود على فراگها هذا احسن شي إلي ولها هم لازم اطلع من الكلية
ثاني يوم في الكلية
اسيل:هاي هدى شلونج
هدى:هلو حبي شبيج ليش وجهج تعبان
اسيل:ولج لبارحة مصيبة
هدى:شكو
اسيل:ابن عمي بالمستشفى
هدى:ياربي ليش
سرت لها ماحدث
هدى:يالله خطية وشلونة هسة
اسيل:حالته مو زينة دخل بغيبوبة
هدى: ياالله خطية الله يشافيه
اسيل:انشالله
هدى:اكلج شنو أخبار أمير
اسيل:والله مادري على أساس ليوم يحجي وياية بالموضوع نطلع اي ويا
هدى:اسيل اجة أمير هذاك هو وسمير
ألتفت وكان شكلة حزين لا أعرف لماذا
سمير:صباحو بنات
اسيل وهدى:صباح الورد
امير :صباح الخير
اسيل :صباح النور هلو أمير شلونك
امير:تمام وانتي شلونج
اسيل: الحمد الله
سمير:شبيج اسيل شكلج تعبانة
هدى: لك اي ابن عمها ياسر بالمستشفى
سمير:خير ليش شبيه
اسيل:البارحة صارت مشكلة وضربو وهسة هو بالمستشفى وحالته خطيرة
سمير: يالله خطية وشلون صار هسة
اسيل:دخل بغيبوبة
امير:بصدمة شنو
سمير:هاي شبيك امير شكو شبيك اخترعت
امير:ها لا لا ماكو شي اني لازم اطلع هسة
سمير:لك وين رايح هسة اجيت
امير:صارت عندي شغلة مهمة لازم اطلع
استغربت كثيرا من ردت فعل امير ياترى ماذا به لماذا تصرف هكذا من سمع بأمر ياسر ماهو الموضوع
هدى:هذا شبيه امير ليش اتصرف هيج شكو
سمير:والله ما ادري اني استغربت من تصرفة من سمع بموضوع ياسر انگلب مادري شبيه
هدى: يلا هسة يجوز ماكو شي امشو راح يجي الاستاذ
امير.
انصدمت كثير عندما سمعت بأن ياسر دخل بغيبوبة ذهبت فورا إلى الشركة
امير:اين ابي
السكرتيرة: بالمكتب استاذ امير
دخلت على ابي
احسان:امير خير ابني شكو شبيك
امير:بابا وين ايمن خل يجي هسة
احسان:شكو
امير:بابا اتصل بي خل يجي هسة بسرعة الله يخليك
احسان:ماشي راح اتصل بي هسة
اخذ ابي التلفون واتصل بأيمن وطلب منه ان يأتي للمكتب بسرعة وبعد دقائق دخل اخي للمكتب وكان متفاجئا برأيتي
ايمن:امير شعندك جاي هنا خير شكو
امير:اجيت حتى اگلك ياسر دخل بغيبوبة بسببك
ايمن:شنو
امير:اي شفت حضرتك شنو سويت
احسان:يالله وانت شلون عرفت
امير:اكو ناس اعرفهم حجولي
ايمن:اني ماجان قصدك اضربة اني بس ردت أخوف كريم بس مو قصدي اقتله
امير:وشلون هسة اكيد راح تصير كارثة اذا لولد مات
احسات:ماشي اني راح احاول اتصرف
امير:يلا هسة اني راح ارجع للبيت
ايمن:دير بالك على نفسك امير
امير:انشاء الله
ايمن:انتظرني اريد احجي وياك
امير:انت من وين عرفت ياسر دخل بغيبوبة من اسيل
امير:اي
ايمن:شنو هي عرفت انت ابن عائلة دوغان
امير:لا بس حجت لصديقتها واني جنت واگف يمها وسمعت
ايمن: امير انت لازم تترك هاي الجامعة بأقرب وقت ممكن
امير:ماشي يلا هسة اني رايح للبيت سلام
ايمن:سلام
بعد مرور اسبوعين
اسيل.صار اسبوعين واني ماشايفة امير جاي يتهرب مني حتى اتصل بي وما يرد شنو القصة ياربي
هدى: هاي شبيج ليش جاي تحجين ويا نفسج
اسيل:لج هدى امير ما اعرف شنو قصتة ليش جاي يتهرب مني صار اسبوعين وهو جاي يتهرب مني شنو القصة ماجاي افهم
هدى: اخاف صايره مشكلة عنده
اسيل:مثل شنو يعني
هدى: والله ما ادري
اسيل: يلا اجة الأستاذ بعدين نحجي
وبعد انتهاء الدرس خرجت من القاعة كان أمير واقف خارجا كان يتكلم مع شاب
اسيل:أمير ممكن احجي وياك بموضوع
امير:عن اذنك باسم
امير:نعم اسيل شكو شبيج
اسيل:انت شبيك ليش متغير وبعدين ليش صارلك اسبوعين تتهرب مني اكو شي اني سويت شي مو زين لك
امير:لا ما سويتي
اسيل:لعد ليش تتهرب مني
امير:وليش حتى اتهرب منج ماكو اي شي بيني وبينج وانسة اسيل يخليني اتهرب منج انتي افتهمتي الموضوع بالغلط
اسيل:شنو بالغلط
امير:اي بالغلط ولصار بيني وبينج هي بوسة يعني مجرد مزح لا تفهمين غلط اتصير بين كل بنية و ولد عادي
اسيل:شنو عادي انت حاولت تلعب بمشاعري وهسة جاي تگول عادي
امير:اني ما لعبت بمشاعرج قبل گلتلج احبج وبعدين تركتج لا طبعا
اسيل:انت واحد تافه واني الغلطانة لان خليت واحد مثلك يتقرب مني
دفعتة بقوة وطلعت اركض وكنت ابكي
حقير الله ياخذك 😭😭
هدى: اسيل شبيج حبيبتي ليش تبجين
اسيل:😭😭
هدى: شكو صار شي بينج وبين امير
اسيل:لا تجيبين طاري بعد خل يولي هذا الحقير
هدى: لج شكو احجي
اسيل:يگول لصار جان غلطة عادية واني افتهمت الموضوع غلط
هدى: شنو لك هذا شبيه
اسيل:طلع واحد حقير جان يلعب بية واني الغبية صدگت 😭😭
هدى: اهدي حبيبتي اهدي ما يستاهل
اسيل:فعلا ما يستاهل انزل دمعة علية بس بسيطة اني اعلمة يشوف
اسيل:خلاني احبه وهسة يريد يعوفني😭😭 امير.
ادري اني جرحتها بهذا الحچي بس مجبور اسوي هيج ماعندي حل ثاني حتى اخليها تكرهني وتنساني لازم اتركها ادري كسرت گلبها وجرحتها بس خليها تزعل مرة ولا الف مرة ماريد يصير عليها شي ما اتحمل اذا صار عليها شي
سمير.
كنت اتحدث مع صديقي ماهر
ماهر:لك هذا مو امير ابن عائلة دوغان
ألتفتت ورأيت امير يخرج من باب الجامعة
سمير بصدمة:شنو امير دوغان 😮
ماهر:لك اي هذا امير دوغان ابن عائلة دوغان اكبر العائلات بتركيا
بقيت مصدوم معقول امير جان يضحك علينا استغل صداقتي حتى يوصل لاسيل
ماهر:هاي شبيك شكو
سمير: ها لا لا ماكو شي بعدين اشوفك يلا سلام
ماهر:سلام
خرجت اركض بأتجاه امير
سمير:امير امير اوكف
ألتفت لي
امير:ها سمير شبيك
سمير: اريد احجي وياك بموضوع
امير:شنو
سمير: ممكن نروح لمكان غير الكلية
امير:خير شكو
سمير: بعدين راح تعرف
امير:يلا امشي
اسيل.
هدى: يلا حبي لا تقهرين نفسج خل يولي هو الخسران صدگيني
اسيل:ولج لقاهرني اني شلون سمحت لواحد مثله يلعب بمشاعري ولج وفوگاهه يگول اني ما گلتلج احبج هي بوسة عادي لك هذا شنو من بشر
هدى:كله بسبب سمير اني اعلمه
اسيل:ليش سمير شعلية
هدى:ليش هو مو صديقة هو عرفنة عليه
اسيل:لا سمير ما الا علاقة اصلا هو واحد سافل سمير شعلية يلا هسة سدي الموضوع ما اريد احجي بي بعد
هدى: ماشي
اسيل:يلا رايحة للبيت
هدى: ماشي حبي لا تزعلين نفسج
أبتسمت لها وذهبت للبيت
امير.
ذهبنا الى المطعم كان قريب من الجامعة
امير:خير شكو خوفتني
سمير:اني ابد ماجنت متوقع يطلع منك هيج
امير:لك شكو شبيك
سمير: انت تستغل صداقتي وياك حتى توصل لأسيل
امير: شنو
سمير:واني اعتبرتك مثل اخوية وصديقي وانت تسوي هيج
امير:ولك انت شنو جاي تحجي فهمني
سمير:انت استغليت صداقتي حتى توصل لاسيل وتنتقم لعمك من عائلة اسيل مو بس الحق مو عليك الحق علية اني لان اتعرفت على واحد مثلك عن اذنك امير دوغان ارت الخروج ولكن امسكني امير
امير:انتظر انت فاهم الموضوع غلط بس اسمعني واذا كلامي ماعجبك روح
سمير:ماشي راح اسمعك احجي
امير:احلفلك بالله ماجنت ادري هي بنت منو قبل اسبوعين يلا عرفت من ياسر ابن عمها انضرب يلا عرفت انصدمت من شفتها ماعرفت شسوي اخوية ايمن گال عوفها واترك الجامعة اني راح اترك الجامعة بس گلت قبل لا اتركها لازم اخليها تكرهني وتنساني وليوم حجيت وياهه حجي جرحه كولش هواي حتى تعوفني واذا مامصدگني خابرهه هسة
سمير: يالله سامحني والله ماجنت ادري اعتذر منك امير
امير: لا ولك ماكو زعل بينه اصلا اني اعتبرك مثل اخوية ايمن واكثر والله
سمير: واني هم والله يلا هسة احجيلي شنو راح تسوي على موضوع اسيل صدك راح تعوف الجامعة
امير:اي لازم
سمير: بس امير هاي اخر سنة لك حرامات
امير: ماعندي حل ثاني
امير: ماعندي حل ثاني
سمير: زين انت احجي لاسيل الحقيقة
امير:اسيل اذا عرفت ما راح تعوفني ادري بيها واني ما اريد اعرض حياتها للخطر عمها واحد مجرم واهلها اكيد راح يكتلوها اذا عرفو
سمير: اي صدك كلامك
امير: يلا هسة صار لازم ارجع للبيت
سمير: يلا امشي
سمير.ذهب خالد اتصلت على هدى
هدى:الو
سمير: الو هدى وينج انتي
هدى: بالكلية
سمير:اسيل يمج
هدى: لا ليش
سمير: تمام اني جاي ابقي على تروحين
هدى: خير شصاير
سمير: من اجي افهمج
هدى: ماشي راح انتظرك
وبعد لحضات وصلت للجامعة وكانت هدى تنتظرني
هدى: خير حبيبي شكو
سمير: قبل شوية جنت ويا امير
قاطعتني هدى
هدى: خل يولي هذا شفت شنو سوه بي اسيل
سمير: ادري وانتم فاهمين الموضوع غلط
هدى:لك يا موضوع هو گلها اني ما احبج
سمير: لج اي مو اني هسة گعدت ويا وفهمني الحقيقة
هدى: يا حقيقة بالله
وسرت لها كل ما قال لي امير
هدى بصدمة: شنو
سمير: اي
ضربت خدها:اصخام لصخمج اسيل يعني امير هو ابن عائلة دوغان واسيل او ياربي دخيلك لك اهلها اذا عرفو...... لا لا لا لا ما اريد افكر بالموضوع احسن شي سوه امير انو عافها احسن
سمير:لج اني جايبج هنا حتى نحل المشكلة مالتهم
هدى:لك يا مشكلة مستحيل تنحل هاي
سمير: لج امير راح يترك الكلية خطية وبعدين اسيل اذا عرفت انتي جنتي تدرين ما ساعدتها اكيد راح تزعل هي لازم تعرف حتى تاخذ القرار بنفسها من انتي تاخذي بمكانها
هدى: اففف ماشي يلا شنو راح انسوي هسة
سمير: فكري انتي بخطة من خططج العبقري
سكتت قليلاً ثم قالت
هدى: عندي خطة اسمع
هدى.
شرحت له كل شيء
سمير:والله خطة حلوة
هدى:يلا نفذ
أخذ سمير الهاتف واتصل بأمير
امير:الو
سمير: الو امير وينك انت
امير: اني بالبيت
سمير:تعال بسرعة للكلية هدى تخربطت وماكو أحد يمي وسيارتي خربت وماكو احد موجود
امير:يالله وانت وين هسة بالقاعة مال الاجتماعات
امير:ماشي جاي هسة
وقفل الخط
سمير: يلا هسة دورج
اخذت هاتفي واتصلت على اسيل
اسيل:الو
هدى: الو اسيل وينج انتي
اسيل:بالبيت خير شكو
هدى: تعالي بسرعة للكلية سمير اتخربط وسيارتي خربت ماكو احد يمي
اسيل:ماشي هسة جاية بس انتي وين
هدى: اني بالقاعة مال الاجتماعات فدوة تعالي بسرعة
وقفلت الخط وذهبت للقاعة ولم يكن احد هناك وفجاة انفتح الباب ودخل امير وكان فتفاجأ برأيتي
امير:اسيل
امير:انتي شتسوين هنا
اسيل:وانت شعليك
امير:احترمي نفسج واحجي عدل
اسيل:شنو شايفني اعوج بحلگي
امير:اوف ياربي دخيلك
اسيل:شكو اتفف
وفجاة سمعنا الباب 🚪انقفل علينا
ركضت🚪 على الباب وصرت اضرب على الباب
اسيل:وينكم افتحوا لباب اكو احد هنا
امير: لك سمير وينك
اسيل: لج هدى وينج افتحي لباب
وفجاة رن موبايل📱 امير وكان سمير يتصل
امير:هذا سمير
امير: الو
سمير:😁😁 حلوة الخدعة
امير:لك سمير شنو هاي التصرفات مال الأطفال افتح الباب احسلك اريد اطلع
سمير:ما افتح الباب لا اتعب نفسك احجي وياهه وفهمها الحقيقة وخليها هي تختار
امير:لك سمير انت
قفلت الخط
سمير وهدى:😂😂😂نجحت الخطة
امير.قفلت الخط ونظرت الى اسيل
امير:تره هاي خطة من سمير وهدى
اسيل:شنو خطة اني اعلمج هدى
ركض وانا أحاول أن افتح الباب بكل قوتي
امير:هاي شبيج اسيل اهدي
اسيل:ما أريد أهدى أريد اطلع منا لج هدى افتحي لباب افتحي لباب ولج
سمعت صوت هدى من وراء الباب
هدى:لا تعبين نفسج اسيل مراح افتح لباب
امير:تعالي اكعدي اسيل
اسيل:ما أريد اكعد أريد اطلع افتح لباب
امير :انتي ليش جاي تسوين هيج اسمعيني
اسيل:ما اريد اسمعك اريد اطلع منا وبس
امير:بس انتي لازم تسمعيني
اسيل:شتريد مني تريد تلعب بمشاعري مرة ثانية لا يا استاذ هاي المرة ما اسمحلك
امير:اني ماجنت العب بمشاعرج وكل شي صار جان صدگ مو مزح مثل ما گتلج ليوم
اسيل:لعد ليش حجيت هيج وياي
امير: جنت مجبور لازم اخليج اتبعدبن عني
اسيل:ليش تريدني ابعد عني
امير:إذا عرفتي الحقيقة راح تكرهيني
اسيل:اكرهك ليش
بقى صامت وهو ينظر الى الاض
اسيل:أمير ليش ساكت جاوبني
امير: اسيل انتي تعرفين شنو اسمي
اسيل:مفتهمت عليك
امير:اسمي هو أمير دوغان
اسيل:دوغان اني وين سمعت هذا الاسم
وفجأة تذكرت وفتحت عيني
اسيل : لا مستحيل انت انت ابن عائلة دوغان
امير:أي اني ابن العائلة دوغان
اسيل:مستحيل ما جاي اصدك
امير: اني ما جنت ادري انتي بنت منو قبل اسبوعين يلا عرفت من ابن عمج ياسر انضرب وكتها رحت اني واخوية أيمن للمستشفى وهناك شفتج ولهذا السبب قررت ابتعد عنج حتى ما أذيج واخلي الماضي يرجع يتكرر مرة ثانية ولصار بعمي وعمتج يرجع يتكرر مره ثانية بيني وبينج ونهايتنا تصير مثل نهايتهم لهذا السبب احنا مستحيل نكدر انكمل مع بعض اهلج وأهلي مستحيل يقبلون اذا عرفو راح تصير مصيبة واحنا لازم نترك بعض وننسى هذا الحب احسن الج وإلي
انا بقيت صامتة لا أتكلم اي شي
أمير :اسيل ليش ساكتة جاوبيني احجي شي اسيل
اسيل:شتريد احجي
امير:انطيني حل اني ما اريد اعوفج عندج حل ثاني الله يخليج احجي اكو حل
كنت تبكي هزت رأسها بمعنى لا
امير:لعد هاي هي
هدى.
هدى:هذول شنو اخبارهم اشو ماكو صوت
وفجأة سمعنا صوت الباب
امير:سمير افتح لباب يلا
هدى:يلا افتح لباب بسرعة
فتح سمير الباب وكان شكل امير حزين جدا
سمير:ها أمير بشر شصار
لم يرد علينا تركنا وذهب
سمير: لك امير اوكف امير
هدى:لك شكو شصار
سمير:ما ادري اكلج روحي شوفي اسيل وإني راح اشوف أمير
هدى:اوكي يلا بأي
دخلت للغرفة كانت اسيل گاعده على الأرض وكانت تبكي ركضت عليها
هدى: اسيل حبيبتي هاي شبيج شكو شصار وكنت تبكي كثيرا
هدى:لج اسيل جاوبيني ليش تبجين شكو
كانت الكلمات متقطعة
اسيل:أمير طلع ابن عائلة دوغان
هدى:اي ادري
نظرت لي باستغراب
اسيل:تدرين من اشوكت تدرين
هدى:ليوم دريت قبل شوية
اسيل:شفتي حظي حبيت ابن أكبر عدو لاهلي لبسببهم ياسر دخل بغيبوبة وما ينعرف وضعة لحد الان راح يعيش لو لا
اسيل:ليش جاي يصير وياية هيج ليش
هدى:وشنو قررتي
اسيل:لازم نترك بعض
هدى:شنو
اسيل:أي هذا احسن حل بس اني ما أكدر أتركه وهم ما اكدر أبقى ويا يگلي انطيني حل من وين الحل ساعديني هدى 😭😭
وصارت تبكي بقوة احتضنتها😭😭 هدى:اهدي حياتي اهدي كل شي راح يتصلح
اسيل:الا مشكلتي ماكو حل
مسحت دموعها
اسيل: يلا اني راح ارجع للبيت
هدى: يلا حبيبتي باي
اسيل:باي
عائلة دوغان
ام امير:مساء الخير
امير:مساء النور
ام امير:احطلك الاكل
امير:لا يمة ما اشتهي اكل
ام امير:شبيك يمة صاير شي
امير:لا يمة مابية شي راح اصعد لغرفتي ارتاح
ام امير:على راحتك ابني
ياتره شبية امير شنو قصتة
ايمن:شبيج يمة شكو اشو تحجين ويا نفسج
ام امير:اخوك امير ما ادري شبيه اجة ضايج ايمن:وين هو هسة
ام امير:فوگ صعد
ايمن:ماشي هسة راح اصعد اشوفة
ذهبت الى امير فتحت الباب
ايمن:ممكن ادخل
امير: مو انت دخلت
جلست بجانبه
ايمن:خير شبيك امك تگول اجيت ضايج شكو بس لا على موضوع اسيل
امير: ليوم عرفت كل شي
ايمن:شنو
امير: اي حجيت لها كل شي
ايمن:امير باجر لازم تترك الكلية فورا يجوز تروح تحجي لاهلها
امير:انت شنو تحجي اسيل تحبني ومستحيل تسوي شي مو زين
ايمن: لا ياعني اني ما اثق بيهم
امير:لا تخاف اني اصلا باجر راح اتركها لان ما اكدر ابقى بعد بالكلية
وفي اليوم التالي
اسيل.
لم استطيع النوم البارحة كنت افكر بامير شلون راح استحمل غيابك عني يعني بعد ما اشوفك شلون راح استحمل ماكدر اعيش من غيرك ساعدني ياربي
ذهبت للكلية وهذا اخر يوم الي بهاي الجامعة بعد ماراح اشوف اسيل ذهبت الى غرفت المدير وفي طريقي رأيت سمير
سمير:هلو امير شلونك
امير:الحمد الله همزين شفتك اريد اودعك
سمير: شنو تودعني قابل بعد ماراح اشوفك حتى لو تركت الجامعة اكيد راح نبقى اصدقاء
امير:طبعا لعد شلون
سمير: والله تعودت عليك شلون راح امشي بالكلية وانت ماكو
امير:اي بس احنا اكيد راح نبقى اصدقاء وشوكت ما تريد تعال يمي
سمير: اكيد عبالك راح تخلص مني
امير😂😂
سمير: ما تريد تودع اسيل
امير:ما ادري والله
سمير: روح ودعها هاي اخر مرة اتشوفها
ذهبنا الى الكفتيريا كانت اسيل وهدى موجودين بالكفتيريا
امير:مرحبا
هدى: مراحب شلونك امير
امير:تمام اني اجيت حتى اودعكم اليوم راح اروح
اسيل جانت ما اتباوع علية حتى ما تيجي بس اني جاي اشوف عيونها تدمع وجانت الدمعة بطرف عينها
هدى: الله يوفقك انشاء الله
امير: اشكرج راح اشتاق لخبالج
هدى :😢واني هم راح اشتاقلك
امير:اني رايح اسيل
رأيت دمعتها نزلت من عينها😢 وقالت وهي لا تنظر الي و بصوت مخنوك
اسيل:مع السلامة والله يوفقك
تركتها وذهبت بسرعة
اسيل:راح امير😢
هدى: اي راح
اسيل:شلون راح استحمل هدى راح اموت حاسة روحي راح تطلع اريد اتنفس
هدى: مدام تحبينه لهدرجة روحي وگفي
اسيل:ماگدر شلون
هدى: اني ادري بيج انتي تحبينه اكثر من نفسج روحي وگفي روحي اسيل قمت من مكاني ذهبت اركض الى غرفت المدير
دخلت للغرفة
اسيل:اسفة استاذ وين امير
المدير: طلع هسة
ركضت مسرعة الى الجامعة و رأيت امير يخرج ناديت عليه وصوت عالي
اسيل:امير لا تروح
ألتفت لي
امير:اسيل
تقربت منه
اسيل:لا تروح ماريدك تعوفني ماگدر اعيش بدونك
اراد ان يتكلم وضعت يدي على فمة
اسيل:لا تحجي ولا حرف اسمعني وبس امير اني احبك وماگدر اعيش بدونك انت النفس بالنسبة لي وبعدك عني معناته موتي انا راح ابقى وياك وخل شيصير يصير ما يهمني مستعدة اتحداء العالم كله على مودك وانت تكدر تواجه أهلي واهلك
ابتسم:مو بس اهلي واهلج مستعد أواجه الكون كله
ابتسمت واحتضنتة
وفجأة سمعنا صوت تصفيق وتصفير ألتفت 👏👏👏
وكان سمير وهدى
سمير وهدى:اووووو برافوووووو 👏👏
اسيل وامير:😂😂😂😂
هدى:أي وأخيرا موتوني
سمير:لك أمير بوسها بوسها
وفجأة سحبني إليه وقبلني 💏
سمير:اوو لك هذا ما صدك لا تباعين ولج عيب
هدى:دروح 😂😂
سمير:لك أمير استحي شوية احنا واكفين يمكم
ابتعد عني وقال
امير:وانتم ليش واكفين ماتروحو منا
سمير:مو صوجكم صوجنا احنا واكفين نشجعكم يلا كافي عيب تعالوا نروح للمطعم امير:امشي حبي هذول لزكو
اسيل:😁😁
سمير:امشي لك
ذهبنا للمطعم
سمير:أمير هسة راح شتسوي بموضوع اسيل
امير:راح احجي لأهلي
اسيل:وإني هم
سمير:أي حتى يكتلوكم مثل عمك وعمتج
اسيل:لعد شلون
سمير:عندي لكم حل ماكدرو عمتج وعمك يسوونة
امير:شنو
سمير:تتزوجوا من غير ما يدرون أهلك واهلج
اسيل وأمير:شنو
سمير:أي شبيكم اذا اتزوجتو ساعتها اهلكم مراح يكدرون يسوون أي شي لان صارت مرتك صح بالبداية راح تصير هوسة بس بعدين راح يتقبلون الوضع شوية شوية
امير:فكرة حلوة شنو رأيج اسيل
اسيل:ما ادري
هدى:شنو متدرين فكري بالموضوع
اسيل:خايفة
امير:شنو خايف لعد وين اتحدا العالم وصرتي صابر الرباعي 😂😂😂
اسيل:😀😀لا بس خايف يصير شي مو زين
سمير:اكيد ما راح يصير شي
امير:أي لعد شوكت راح نزوج
اسيل:انت ما صدكت 😂😂
سمير:اني برأيي بأجر شنو رأيكم
هدى:وليش بأجر أصبرو شوية
سمير:لا أخاف يصير شي وتخرب الخطة ها موافقين
اسيل وامير:موافقين
سمير :مبروووك مقدمة
اسيل:عزه تأخرت اشوفكم بأجر
سمير:مو تنسين باجر من الصبح
اسيل:اوكي
امير:انتظري اوصلج
اسيل اوكي يلا سلام
هدى وسمير:سلام
وصلني للسيارة واقف أمامي وأمسك بيدي
امير:شبيج حبيبتي ليش ضايجة
اسيل:خايفة لا يصير شي مو زين وتخرب كل سعادتي
امير:لا تخافين حياتي طول ما اني يمج اكيد ماراح يصير شي مو زين وعد
يلا هسة ابتسمي تره أبطل بعد ما ازوج
اسيل:اموتك غير
امير:يمة فديته لهاي الضحكة 😍
اسيل :يلا هسة صار لازم اروح بأي
امير:بأي
ركبت سيارتها وراحت واني رجعت للمطم
سمير:راحت اسيل
امير:أي راحت اسمعوا عندي شغلة واريدكم تساعدوني
هدى وسمير :شنو
امير:أريد اسوي شغله تفرحها
هدى:شنو
امير:عرس
هدى:وااااو 😀
امير: بس ماريد اسيل تعرف خليها مفاجأة
سمير:أي اكيد
امير:.اسمعوني هسة زين انت راح تجي وياية حتى نحجز مكان للعرس
سمير:ماشي
امير:هدى انتي أريد منج تسوين شغله
هدى:شنو
امير:فستان العرس مال اسيل عليج اريدج تشتري
هدى:تمام استاد
سمير:يلا لعد من هسة امشي انجهز كل شي
امير:اوكي يلا
امير.
ذهبنا انا وسمير حجزنا مكان على البحر كان جميل جدا وأشتريت ملابس
هدى.
وأنا اشتريت فستان زفاف يجنن اكيد راح يعجب اسيل جدا
اسيل.
أما أنا كنت طول اليوم أفكر ماذا ارتدي غدا اسيل:ياالله شنو راح البس بأجر فستان ابيض لو الوان لازم اتصل على هدى واشوف
اخذت هاتفي واتصلت على هدى كان الهاتف مشغول
اسيل:لج هاي ويامنو جاي تحجي صارلها شكد
هد:لك اي كل شي جهزت خبصتني شبيك
سمير: ما اريد اي شي ينقصق
هدى: لا تخاف ما راح ينقص اي شي بس انتو خلصتو
سمير: اي حجزنا مكان يجنن وامير اشترته قاط كولش حلو
هدى: ما شي هسة انت روح لازم اخابر اسيل لان خبصتني صار لها ساعة تخابر وتلفوني مشغول
سمير: ماشي روحي بس ديري بالج تدري امير يذبحنه والله
هدى: ههههه لا تخاف
قفلت الخط واتصلت على اسيل
هدى: الو
اسيل: وسرطان صارلي ساعة اخابرج ليش مشغول
هدى: جاي اخابر الحب مالتي
اسيل: من كبر لفج ولف الحب مالتي
هدى: ولفج هم شكو شبيج
اسيل: ولج محتارة شنو راح ألبس باجر فستان ابيض لو الوان
هدى في نفسها راح تلبسين بدلة ياخبلة.هههههه
اسيل:هاي شبيج وين رحتي
هدى: ها اي شي عادي
اسيل:شنو اي شي ولج باجر عرسي واخاف اگول لاهلي اريد اطلع اروح لسوگ اخاف ما تگول اروح وياج
هدى: حبي ألبسي اي شي
اسيل:تصدگين اني حمارة لان اتصلت بيج امشي ولي
قفلت الخط وغيرت ملابسي وذهبت للمول
كنت أبحث عن فستان ابيض دخلت إلى المحل
اسيل:مرحبا
الفتاة: مرحبا
اسيل:اريد فستان ابيض يشبه فستان الزفاف
الفتاة: لماذا سوف تتزوجين
اسيل:اجل
الفتاة: اذن لماذا لا تشتري فستان زفاف
اسيل:لا لا اريد اريد فقط فستان ابيض
الفتاة: حسنا جربي هذا الفستان
اسيل:وااااو يبدو جميل
الفتاة: ادخلي هنا وجربي
اخذت الفستان وجربتة كان جميل مثل فستان زفاف كم تمنيت.في يوم زفافي ان ألبس فستان زفاف أبيض.عائلتي معي ولكن لا يهم المهم بأنني سوف اتزوج من حب حياتي
اخذت الفستان وخرجت من المحل وكنت اتمشى وفجاة رأيت سمير و امير بالمول
اسيل:انتو شعدكم هنا
امير:انتي شعدج هنا
اسيل:اشتري فستان وانتو
امير ارتباك: نشتري غراض
اسيل:اي غراض
سمير: مال الحفلة
وفجاة ضربة امير بيده
اسيل:اي حفلة هاي
امير:اي حفلة حياتي هذا خبل معليج بيه اسيل:لا هو گال حفلة احجي امير شنو هاي
امير:بصراحة هاي حفلة عزوبية يعني بيها بنات وهيج شي
ضربتة على صدره
امير:ااااااي هاي شبيج وجعتيني
اسيل:تستاهل مسوي حفلة وجايب بنات روح ما ازوج
امير:خبلة اشاقة وياج هي غراض مال باجر يعني اشتريت ملابس
اسيل:ماشي اني رايحة و راح اخابرك واشوف
امير:ماشي ديري بالج على نفسج
اسيل:يلا باي
امير:باي
ذهبت اسيل
امير:لك انت غبي شلون جفصت
سمير:ولك بالغلط همزين ماشكت بس تدري حلو موضوع حفلة العزوبية شنو رأيك نسويها
امير: انجب وامشي
سمير: دروح انت لخسران
اسيل.
رجعت للبيت الساعة السادسة مساء
ام اسيل: هاي وين جنتي
اسيل:اشتري فستان باجر حفلة مال عرس صديقتي اني راح اروح اباجر
ام اسيل:شلون ترحين للعرس وابن وعمج حالة كولش مو زينة ماشي روحي بس اني معلية اذا ابوج ما قبل
اسيل: لا فده ماما ضروري تقنعي لازم اروح للعرس هي عزمتني عيب ما اروح
ام اسيل:ماشي اشوف يلا هسة روحي لغرفتج بدلي وتعالي ويايه نروح للمستشفى
اسيل:ماشي خل اصعد ابدل واحط الأغراض بالغرفة
صعدت للغرفة وغيرت ملابسي وخرجت اسيل: يلا ماما وينج صرت جاهزه
ام اسيل:انتظري هسة جاية
وبعد لحضات جائت امي
ام اسيل:يلا امشي
خرجت من البيت ركبنا بسيارتي وذهبنا للمشفى
كان ابي وكريم جالسين امام باب غرفة الطوارئ
اسيل:مرحبا
وليد:مراحب بنتي شلونج
اسيل:الحمد الله بشر بابا شلون صار ياسر
وليد:والله على حالته ماكو اي تحسن
اسيل:ياربي ومها شلونها
وليد:راح للبيت قبل شوية المسكينة من الصبح وهي موجودة كولش تعبانة
كريم:والله لو تقبل بابا ولله لاخابر عمي هشام واگله حتى يجي يحرگ عائلة دوغان كلها
وليد:اگعد واسكت تريد تسوي مشاكل اصلا كل شي صار بسببك انت
اسيل:😢لا بابا كله بسببي اني خابرت ياسر وطلبت منه يروح وراء كريم ياريت ما اتصلت عليه جان ما صار كل هذا😢
وليد:لا حبيبتي انتي شمدريج راح يصير هيج
وفجاة خرج الدكتور
وليد:كيف حالة الان
الدكتور:مثل ما هو ماكو اي تحسن
وليد:انت عراقي
الدكتور:اي اني عراقي واني استلمت حالت ياسر ابنكم
وليد:بشر دكتور شلون صار وضعة هسة الدكتور:والله على حالة لا تخافون احنه جاي نسوي كل شي نگدر عليه وانشاء الله يستجيب للعلاج
وليد: انشاء الله دكتور
الدكتور يلا صار لازم اروح سلامتة
وليد:الله يسلمك
ام اسيل:وليد انت لازم تتصل على هشام حتى يعرف افرض صار شي لازم يكون هو ماموجود
وليد:راح تصير كارثة اذا عرف راح يگلب الدنيا علينا وعليهم وبعدين عائلة دوغان صارلهم سنين يدورون عليه
اسيل.
ياربي بس لا تصير هوسة ويخرب كل شيء بس كون عمي هشام ما يجي لان اذا عرف عائلة امير لسبب بالصار لياسر اكيد راح تصير مشكلة واني خايفة على امير
وفجاة سمعت صوت ابي ينادي
وليد:اسيل اسيل
اسيل:ها
وليد: شبيج بابا وين صافنة
اسيل:ها لا هيج بابا ماكو شي
وليد:يلا حبيبتي روحي ارجعي للبيت انتي واخوج
كريم:ماشي يلا اسيل امشي
اسيل: اذا صار شي خابروني يلا باي
ام اسيل: باي حبيبتي
وذهبنا انا واخي كريم وفي الطريق
كريم: تره عائلة دوغان كلهم كلاب بس ابنهم هذا الاصغر من ايمن شنو جان اسمة
اسيل:قصدك امير
كريم:وانتي من وين تعرفي اسمة امير
تبا لي
اسيل بأرتباك: من بابا هذاك ليوم جان يحجي بي فأعرفت عدهم واحد اسمة امير
كريم: امير شكلة حباب مو مثل اهله هو ساعدني من انضرب ياسر طلب منهم يتصلون بالاسعاف وهو أسعف ياسر خوش انسان طيب شكلة
كنت اشعر بالسعادة والفرح من كلام اخي كريم عن امير وكيف وهو يمدح به
كريم: اسيل شبيج ساكته وجاي توزعين ابتسامات
اسيل:ها لا بس اذكرت نكتة وضحكت عليها
كريم: من كبر صارلي ساعة احجي وياج وانتي تفكرين بالنكتة يلا امشي انزلي وصلنا
نزلت من السيارة وذهبت للغرفة واتصلت على امير
امير:الو
اسيل: الو هلو حبيبي شلونك
امير: هلو حياتي اشوكت وصلتي
اسيل: صار لي هواي
امير: لعد ليش ما خابرتي
اسيل: مو رحت ويا ماما للمشفى نشوف ياسر
امير: ها خطية شلون صار هسة
اسيل: والله على حالة
امير: ياالله الله يشافي انشاء الله
اسيل: انشاء الله تدري امير اني شگد احبك
امير:اي ادري 😁
اسيل :اميرانت اغلى شخص بحياتي احله يوم بحياتي هو ليوم لتعرفت بي عليك
امير:شنو هذا الغزل تره اني مو گده
اسيل:تدري ليوم كريم مدح بيك گال انت ساعدت ياسر من انضرب
امير: حبيبتي هذا واجب لازم اساعده شلون يعني قابل اعوفة يموت حتى لو جان ابن عدو ابي لازم اساعده
اسيل: انت احسن انسان عرفتة بحياتي
امير:اموت عليج
اسيل: واني اعشقك
وفجاة سمعت صوت اغنية عالية
اسيل:شنو هاي امير
امير بأرتباك: ها هاي اغنية مال الحفلة
اسيل:ياحفلة شنو سويت حفلة عزوبية انت
امير:ها اي وهسة جاي نحتفل و يمي بنية تخبل موزة
اسيل بصراخ:شنو
امير:وگرص راحت اذني
اسيل:ليوم اموتك امير
امير:😂😂ولج خبلة اضحك عليج ماكو شي هاي صوت المسجل اني جاي اضحك عليج
اسيل: لا جذاب ما اصدگ بيك
امير:يعني شتردين شسوي حتى اتصدگين
اسيل:افتح الكامرة اريد اشوف انت وين گاعد بسرعة
وفتح الكامرة
اسيل:هاي شنو
امير:صدگتي گاعد بالغرفة لوحدي
اسيل: غرفتك تخبل كولش حلو
امير:اي باجر راح تصير غرفتج اشوكت يجي باجر وتصيرين يمي اويلي شسوي بيج اموتج والله
اسيل:😂😂😂
امير:اتضحكين بسيطة
اسيل: خايفة من باجر من اهلي يدرون
امير: لا تخافين اكيد ما راح يصير شي
اسيل: انشاء الله
يلا هسة روح اريد انام
امير:لا خليج شوية
اسيل: اذا ما نمت هسة باجر ما راح اگعد
امير: ماشي روحي هي بس ليوم تنامي لوحدج
اسيل: اي هههه يلا باي
امير: باي كبد عمري
وقفلت الخط ونمت وفي اليوم التالي استيقظت الساعةالثامنة اخذت حمام وغيرت ملابسي وخرجت
امير.
استيقظت الساعة السابعة صباحا اخذت حمام وغيرت ملابسي وخرجت اتصلت على سمير
سمير: الو
امير: ،الو وين انت
سمير:اني يم هدى راح نطلع هسة يلا انت جيب اسيل وتعال
امير: ماشي هسة راح اتصل عليها
سمير:يلا باي
قفلت الخط واتصلت على اسيل
اسيل: الو
امير:الو وينج حياتي
اسيل: جاية حبيبي هسة راح اوصل
امير:ماشي راح انتظرج
قفلت الخط وبعد لحضات وصلت اسيل
امير:يلا عوفي سيارتج وتعالي وياية
قفلت سيارتها و ركبت بسيارتي وذهبنا
اسيل:هاي وين طريق المحكمة مو منا
امير:ومنو گلج احنة راح نزوج هناك
اسيل: لعد وين
امير: مفاجأة
اسيل:شنو
امير: اي واخذي هاي و اربطي عينج بيها
اسيل:😁 شنو
امير:اي رابطي عينج بسرعة
اخذت القماش و ربطت عينها
امير:ها جاي تشوفين شي
اسيل:لا والله
امير: يلا وصلنا انزلي
اسيل:شلون انزل ما جاي اشوف شي
امير:انتظري اني راح انزلج
خرجت من السيارة و ذهبت إليها و امسكت بيدها
وذهبنا
اسيل: هاي وين رايحين بس فهمني
امير:يلا وصلنا راح افتح عينج شوية شوية
اسيل.
فتح عيني وكنت واقفة بالغرفة
اسيل:هاي شنو
وفجاة ظهرت امامي هدى وهي تصرخ
هدى: مفاجأة
اسيل صرخت :اه
اسيل:هاي شنو
هدى:فستان عرسج
اسيل:😀 شنو
هدى: اي امير جهز كلشي حتى نسويلج مفاجأة
فتحت عيني وصرت ابكي وهو كان يأبتسم ركض عليه واحتضنتة
اسيل:حبيبي
هدى: لا تبجين ولج ليوم عرسج
اسيل:😂😂 من الفرحة
امير:😂😂😂 تعالي
احتضني
هدى:يلا اطلع خل تجهز نفسها طلع اطلع دفعتة وقفلت لباب
هدى: يلا هسة روحي ألبسي فستان
وبعد لحضات
اسيل: ها شنو رأيج
هدى: يالله 😮 لج هاي شنو تخبلين
اسيل:شكرا حياتي
هدى:يلا تعالي حتى اسويلج تسريحة الشعرج💇 واحط لج مكياج 💄💋
امير.
غيرت ملابسي ارتديت قاط اسود وقميص ابيض
سمير: لك شنو هاي الأناقة يا عريس
امير: ها شنو رأيك
سمير: 👍
امير: 😁😁 لعد يلا امشي انشوف اسيل خلصت
دكيت الباب
هدى: لحضة انتظرو شوية
ولج هاي شنو اسيل شطالعة امير ليوم راح يتخبل
اسيل:🙈
امير:ولج يلا وينكم
وفتحت الباب
هدى:مفاجأة
امير مصدوم ومذهول من جمال اسيل
امير:😮 اسيل: 🙈
هدى: امير امير شبيك
امير:ولج هاي شنو اسيل تخبلين
اسيل: شكرا حياتي وانت طالع👌
امير:😚
هدى: يلا عيني روميو وجوليت امشو اتخرنا
امسك امير بيدي
امير:يلا عمري امشي
وذهبنا الى الحديقة وكان المنظر في قمة الروعة والجمال وكل شي مزين بالورود
وضعت يدي على فمي
اسيل: لا😀 لك هاي شنو
امير: هاي المفاجأة الثانية
اسيل:لا 😢😢
هدى: لا تبجين يمعوده راح يخرب المكياج
اسيل:امير انت...... ماعرف شگول
مسكني من وجهي
امير: ماكو داعي تگولين اي شي تكفيني هاي الضحكة وبس
اسيل: احبك 💏
سمير: ولكم مو وكت بوس هسة يلا امشو اعقدو عود بعدين
وذهبنا الى مكان كتب الكتاب و جلسنا على الكراسي وكانت مزينة بالورود بطريقة جميلة جدا
