خواطر

الحب

ايه هو الحب ؟ عمرك سألت نفسك معنى الكلمة دى ايه ؟ يعنى الناس الى بيقولوا انهم بيحبوا ,بيقولوا كدة على اساس ايه؟ مجرد مواد كيميائية وطبيعية بشرية ولا خوفهم من ان العمر ينتهى قبل ما يعرفوا ايه الحب ده . بالنسبة ليا الحب كان دايما حاجة هبلة بشوفها وارتيق عليها عمرى ما فهمت لما اتنين  بيقولوا احنا بنحب بعض , طيب ده على اساس ايه . مش المفروض الحب شعور نقى جداااا مش بنقدر نتحكم فيه . طيب احنا بنتحكم فيه وبنتحكم فيه بقسوة كمان , يعنى البنت قادرة انها تحب الشخص المناسب الى فيه مواصفات الاحلام والولد برده نفس الموضوع ده لو مكنش كمان بيبقى اكتر . 

اول حبيبة شوفتهم فى حياتى كانوا فى الابتدائى وده خلانى عندى يقين ان اساس الحب هو الكيميا وطبيعة بشرية معروفة زائد مكر طفولى الى الناس بتقول عليه شقاوة بدل ما يقولوا ان فى طفل ماكر . فى الكلية شوفت الناس فى الكلية لقيت برده ان فى تحكم فظيع من الولد والبنت , البنت بتختار الكويس والى هيخطب فى النهاية والولد بيدور على الحلوة وبعدين الخطوبة فى الاخر .بس طبعا ده مش بيحصل ساعات بنشوف انهم بيتعرفوا على بعض اكتر من 3 سنين او اكتر وبيعرفوا عيوب بعض ويبتدى التحكم فى الحب سواء كان ساعتها من طرف البنت او الولد

قريت قبل كدة ان الحب شعور نقى مش اى حد يشعر بيه ويلاقيه وكمان هو مش مجرد موسم تزاوج ,لا , هو عبارة عن مجرد سعادتك لما تعرف ان الطرف التانى سعيد . حاجة كدة تحس انها مثالية نوعا ما  وده طبعا مش احنا.

لكن بالرغم من كدة انا لسه بتمنى اعرفه مجرد امنية . ملاقتش حاجة توصفنى غير اغنية عبد الحليم هى اه قديمة بس فعلا معبرة جداا

خايف فى يوم احب والاقى الحب يغدر بيا

وخايف محبش واندم ان الوقت جرى

خايف اضيع حلمى بأيدى 

وخايف اتجرح وانا اصلى خايب

خايف احب واعشق والاقى اللى حبيته اصلا حابب 

وخايف محبش اضيع حلم كان نفسه يتحقق

خايف خايف خايف

خايف احب واندم 

وخايف محبش واندم