فلة " كنت اجلس مع نمير وياسمين وامل وتاج .. اقترحت امل ان نلعب .. امل فتاة طيبة جدآ ولكن لا اعلم لماذا تريد ان يحبها نمير .. من خلال معرفتي بنمير اعتقد هي تستحق رجل افضل منه .. انها محبوبة وتتصرف كألاطفال في بعض الاحيان تتصنع الجرائة وتقوم بأغواء نمير ولكنها لا تمثل جيدآ .. اجابتها ياسمين : انتي شوكت تكبرين .. اما ياسمين انها كما وصفتها لكم باربي .. تمشي بنزاكة وتأكل ببطئ وترتدي اللون الزهري وتتكلم بصوت خافت ..
تاج: فكرة حلوة
نمير: اي ليش لا خلي نلعب
فلة: شنو نلعب
ياسمن: بما انو هي كالت نلعب فخلي تختار اللعبه
امل: لعبة الصراحة
تاج : اوووف
نمير: يحتاجلها قوة
امل: يلا علمود نتعرف على بعض
ياسمين : نحتاج علبة
نمير: فلة روحي جيبيلنة بطل من جوة
فلة : اوك
تاج: اكعدي انتي اني اروح اجيب ..بعدها قام تاج ..
فلة" كنت انضر له .. الى اسلوبه الجميل .. اول مرة اقابل شخص كهذا .. انه جنتل مان وافضل من نمير في كل شي
نمير: الووو وين رحتي
فلة : هياتني
نمير" نضرت لفلة كانت تنصر الى تاج ..اتوقع انها معجبة بيه .. عيونها فضحتها لذالك تقرب من اذنها وهمست لها تاج عاجبج ..ابعدتني عنها كالعاادة
فلة: اكفخك هسة واخلي الهيبة اطير
نمير: لا عيب لتفضحيني
فلة: احترم روحك لعد
نمير: عاقل ومحترم بس لتذبين ميانة وياية
فلة: دير بالك على نفسك
نمير: عيني عليج
فلة: اتريد ابطها لعينك
تاج: لكيت واخيرآ
امل : تعرفون اللعبة مو
ياسمين: اكيد نعرفها يلا فضينا
امل ادارت البطل بيدها وكان السؤال من تاج الى ياسمين
تاج: تدرين من شفتج واني نفسي اسألج هذا السؤال
ياسمين قالتها بغرور : فرصتك هاي
تاج: انتي ماعندي غير هذا الملابس اشو من جينا لحد الان انتي لابستها
ياسمين بنرفزة: ع فكرة نضرك قليل وهذا 8 ثوب اغيره
تاج: وين كلهن نفس الشكل
ياسمين: مثل ماكلت سابقآ لان نضرك ضعيف ماراح اجاوبك
امل حركت البطل مرة ثانيه وكان السؤال من فلة لتاج ..
فلة: اممممم
تاج " كنت انضر لها وهي تفكر بسؤال لي وصدمتني بسؤالها
فلة: امل شتصير منك
امل وتاج ضحكو من قلبهم اما ياسمين فانها ضحكت بتصنع(مثل الموطور الي يعتعت )
نمير ضرب فلة على رئسها: خبلة انتي شنو هذا السؤال
فلة: هذا الي اجى ابالي والله
تاج: فلة من صدك ضحكتيني
نمير: ع فكرة تفشلين ترا
فلة : ولي
نمير: بعد مااطلعج وياية ابد
فلة" كلام نمير يزعجني كثيرآ ولكنني اتحمل هذا لاننا اصدقاء والاصدقاء لا ينزعجون من بعضهم "
امل ادارت البطل مرة ثانيه وكان السؤال من ياسمين لنمير
ياسمين: شنو اكثر شي يلفت انتباهك بالفتاة
فلة" اني اعرف جواب هذا السؤال وكنت انتضر نمير ان يجيبها "
نمير: ان تكون مثقة واعيه دماغها متفتح تحب الاطلاع والقراءة
فلة تقربت من نمير وهمست له : بالنسبة لاكثر شي يلفت انتباهك مو الشفة 💋اشو مداعرفك
نمير: اسكتي لتفضحينا
فلة: اشو من سألتك لعد ماجاوبتني هيج
نمير: انتي وحد .. انتي صديقي نصي الثاني يعني مااتفيك براسج.. يعني اجاوبج بالي افكر بيه ..لعد ليش سمونا اصدقاء ..
هذه المرة كان السؤال من تاج الى فلة
تاج: شنو فلمج المفضل
فلة : بارديس
امل : الله اعشق هذا الفلم وحتى تاج يحبه
وبعدها امل ادارت البطل وايضا كان السوال من تاج لفلة
تاج : اكثر شخص تحبيه
فلة : جديتي
ومرة اخرى كان السؤال من ياسمين لى فلة
ياسمين : شنو اكثر اكلة يحبها نمير
تاج : بخصوص السؤال لازم يكون عن فلة ترا
فلة : عادي مو شكال حجاوبها
نمير " اعرف انا حركات الفتيات واعلم انهن يتقربن من فلة ليتعرفو علية اكثر والان ياسمين تفعل نفس الشئ وكنت انضر لفلة لأعرف بماذا ستجيب ''
فلة: يحب الدولمة كلش كلش
ياسمين : اهااا
نمير همست لفلة : بخصوص الجذب ليش مو حرام
فلة : لعد بس انت تستفتد براسي واني هم اريد استفاد منك
نمير: اي اذكري اكلة نحبها اثنينا
فلة : لا ماريد تاكل وياية واريد بس الي لوحدي
نمير: انانية
فلة : هههههه ..
بعد ان انتهو من اللعب ذهبوا الى غرفهم ونامو وفي منتصف الليل ذهب نمير الى غرفة البنات واتصل على فلة
فلة : امممم
نمير: كومي فزي
فلة : خير
نمير: نطلع شوية ترا خنكة بس بالبيت
فلة: ولي اريد انام
نمير: يعني تعوفيني وحدي
فلة : اي ويلا اشطح
نمير: كلبج ينطيج
فلة اقفلت الهاتف وعدت الى النوم وبعد 10 دقائق نهضت لانني لا استطيع ان اتركه وحده .. ذهبت الى غرفته وفتحت الباب وانا اتكلم بتملل وحتى لم افتح عيني بآكملها من شدة النعاس : مزعج والله نعسانة وخرب هيج صداقة ويلا لتسوي نفسك نايم ..اوف نمير كوم عاد قبل شوية حجيت وياك بالتلفون .. شبسرعة نمت نومة اهل الكهف ..بعدها سحبت الغطاء من عليه .. وصرخت كوووم ...
تاج" كنت نائم في الغرفة وسمعت صوت احد يتكلم وفجئة رفع الغطاء من على جسمي وعندما فتحت عيني وجدتها فلة واقفة وهي تغمض عيناها وبعدها قالت ترا راح ارجع انام .. اصدرت صوت لأبين لها اني ليس نمير
تاج : احم احم
فلة : وجعا كوم ترا والله ارجع
تاج : فلة فتحي عيونج
فلة " فتحت عيني لأجد امامي تاج وليس نمير كنت خجلة منه كثيرآ لانني جعلته يستيقض
فلة : اسفة تاج كعدتك من النوم بس هذا المزعج اتصل علية وجيت لغرفتة وعبالي انت
نهض تاج من السرير : وانتي عادي حتى اطبين لغرفته
فلة : اي عادي
تاج : اها
فلة : يلا اروح اني واسفة مرة ثانيه لان كعدتك
تاج " فلة كانت تريد ان تخرج ولكنني امسكتها من يدها واوقفتها ونضرت في عيونها الجميلة لأذهب الى غير عالم .وشعرت عندما سحبت يدها من يدي
تاج : فلة
فلة : نعم
تاج : اني معجب بيج
فلة تركته وخرجت مسرعة ...
نمير" عندما اتصلت بها لم تخرج لي ..انا اعرفها واعلم انها ستلحق بي بعد دقائق لذالك كنت انتضرها في الحديقة ولكنهأ تأخرت لذالك عدت الى غرفتي وهناك وجدتها تتكلم مع تاج وسمعته عندما اخبرها انه معجب بها وبعدها خرجت مسرعة لتصطدم بي
نمير: شبيج
فلة وهي تمتم : ااا م ابيه شي
نمير سحبتها من يدها وذهبنا الى الحديقة
فلة : don't touch me
نمير: عادي ترا توني شفت تاج لازم يدج وماسحبتي ايدج منه
فلة : كلة صوجك
نمير: تعالي كعدي خلي اخطط
فلة : لشنو تخطط
نمير: تاج خوش تاج واني اعرف كل شي عنه وهو مؤدب وحتى ماعندة سوالف بنات لذالك لازم توافقين عليه
فلة : اي اي كمل
نمير : لازم اغيرج واخليه ينعجب بيج اكثر
فلة : اي اي استاذ نمير
نمير: انتي روحي نامي وباجر نحجي
فلة : مزعج
نمير: ولي ...
