Nadarama ko ay lihim
Patagong pagtingin,
Hiling ko ay mapansin,
Pag-ibig na kinikimkim.
Nagsimula sa awitin,
Nakuha sa isang tingin.
Naging magkaibigan,
Lumalim ang damdamin.
Paano ko sasabihin,
Kung ika'y di akin?
Damdamin ko ba'y masasaktan,
Kapag ako ay umamin?
Ilang bulalakaw pa ba,
Ang aking bibilangin?
Hihintaying dumaan,
Upang makahiling.
Mananatili na lamang bang lihim,
Kinikimkim sa damdamin?
O aking sasabihin,
Dahil baka pareho ang ating damdamin.
