عتمة خائنه

Part2

احمد:باعي ترى اني مفرحان ع هالوضعيه وشايف نجوم الضهر من وره التعب بس كله حتى اكدر اشتريلج مكان مو هذا اللي تريدي حضرتج لو غلطان
غاده:اي بس حدد وقت اليه ميصير هيج كله بره
احمد:غاده لتضوجيني اللي يريد شي يعوف شي ووخري من يمي تعبان اريد انام
غاده:ها فوكاها حتنام وتعوفني
احمد:لعد شتريدين دااكولج تعبان وباجر عندي كعده من الصبح
غاده:اوك اوك نام خلي النوم يفيدك
_احمد اثناء هالفتره اخذه شغله هواي من البيت ومن غاده وكانت مشاكلهم مستمره وعركاتهم متخلص
غاده:احمد عوف هالشغل مااريد لا بيت ولا شي
احمد:ترى اني مو بمزاجج غاده شوكت متكوليلي دورلك شغل اشتغل وشوكت متكوليلي عوف شغلك اعوفه مو جاهل يمج اني الرجال واني اللي اقرر شسوي فاهمه
غاده:اي لان دتقصر ؤٌيَّآية واني بعد مااتحمل هالوضع
احمد:فتره وكلشي يتصلح هسه ملتزم وياهم وعيب اعوفهم ادري مقصر وياج بس اتحملي
_ضل احمد يتأخر عن البيت وغاده تمل وحدها فبيوم من الايام علقت على منشور ابيج بالفيس ودخللها واحد ع الخاص ،هي كانت ضايجه وماعدها احد تسولف ويا واحمد اتأخر ،فجاوبت عالولد وكتبتله
غاده:اهلا وسهلا منو ؤٌيَّآيه؟
سيف:وياج سيف من بغداد ممكن نتعرف
غاده:اهلا بيك واني غاده هم من بغداد
طبعاً سيف مصدك اكو بنيه جاوبته وضلت تراسله وتشاقه ويا ،وراها رجع احمد فسدت غاده التلفون بسرعه ،،
ثاني يوم الصبح من طلع احمد الشغله فتحت غاده الفــون ولكت سيف دازلها رسائل وينج وكذا فردت علي
غاده:اسفه البارحه رحت وعفتك تحجي
سيف:لا عادي حبي فدوه الج
غاده:شنو حبي سيف
سيف:لا هيج كلمه عابره
غاده:اهاا ع فكره ترى اني متزوجه
سيف:لعد شعجب تحجين ويايه
غاده:هيج ضايجه لان رجلي ليل ونهار بره وهاملني فمليت من حياتي محد يحس بيه
سيف:صدك زلم متفتهم لتخافين اني يمج شوكت متحبين
_بهالفتره بده سيف يتقرب من غاده ويهتم بيها اكثر واكثر ويحسسها بالاهتمام اللي فاقدته ،بدت غاده تتعلق بي وكل يوم تحاجي وره ميروح احمد للشغل وتوصلت انو تحجي ويا صوت وهو يسمعها كلام حلو ومعسول وميفارقها
سيف:حبيبتي دزيلي صورتج خلي اشوفج عاد
غاده:لا عوف الصور
سيف:شنو متثقين بيه يعني؟ خوش زعلت منج
غاده:لالا حبيبي انت لتزعل اثق بيك والله
سيف:لو صورتج لو اعرف انو متثقين بيه وبعد متسمعين صوتي
غاده:لالا هسه ادزلك
دزتله غاده صورها ،
سيف:لك اويلي صدك هذا اليمج غبي شلون عايف هيج گمر
غاده:مو كتلك ميفتهم وبس يصيح عليه صاير
سيف:اششش سدي سيرته مااتحمل اسمعها وكل ماافكر هو يمج بالليل ويلمسج اتخبل ،غاده اطلكي منه ميستاهلج اني احبج واريدج يمي واعيشج احلى حياة
غاده:صدك حبيبي يعني اذا عفته نتزوج
سيف:اي اكيد لان مصدكت الكه وحده هيج احبها
غاده:اوووف شكد احبك انت حبي الوحيد واني مأخذت احمد ع حب بس هي قسمه صارت واتندمت عليها ،وحتى لا احبه ولا اريده خصوصا بعد معرفتك وعرفت الحب وياك
سيف:اويلي شكد احبج ، اگـول عمري ليش متجيني نكعد نسولف بالبيت اني وياج وتشوفين بيتنه المستقبلي شكد حلو
وحتى اعرفج وتعرفيني اكثر
غاده:لا اخاف حياتي هذا ميقبل اطلع
سيف:كوليله رايحه الاهلي وارجع لتخافين منطول ساعتين اشوفج وتشوفيني وهاهيه
غاده:اني هم اريد اشوفك اوك بس مو تسويلي شي
سيف:هههه دتعالي حبيبتي لتخافين اني رجلج حصير بس تطلكين من هالغبي
غاده:ماشي باجر نتشاوف
اتواعدت غاده ويه سيف وراحتله البيته بعد مگالت العمتها والاحمد انو حتروح البيت اهلها امها مريـضه،بدلت وكشخت ولبست فوگ هدومها عبايه حتى لحد يحس بيها
سيف:لج يولي شنو هالجمال شلون انتحر يعني
غاده:هههه يومه فدوه للسانك الاموت علي
سيف:تعالي اشوفج البيت
غاده:الله يخبل هو اني احلم بهيج بيت وويه شخص احبه حتى كلت الاحمد اريد بيت وحدي بس هسه لا اريده ولا اريد بيته اريدك الك وبس
سيف:تعالي عمري اشوفج غرفة النوم
_اخذ سيف غاده الغرفه النوم شافتها وكولش عجبتها بعدين كعدوا ع السرير وضلوا يسولفون وسيف ضل يتغزل بجمال غاده وهي مستحيه وفرحانه بعدين حضنها حيل وباسها ومحست على نفسها الا بعد ما صار اللي صار
غاده:سيف هاي شنو شسويت
سيف:اششش لتبجين حياتي احنه نحب بعض وحنتزوج فلتخافين من شي اني احبج ومدااستغلج هالشي من حقنه نعيشه لان احنه واحــ👆ّـّـّـّد يحب اللاخ
غاده:بس اني بعدني متزوجه
سيف:اسكتي لتجيبيلي طاريه وتذكريني بي اصلا هسه امنيتي اذبحه لان هو اسمه زوجج ،غاده اني اريدج ولتفكرين انو هالشي غلط ابد بالعكس انتي محتاجتني واني محتاجج
غاده:اووف اني اموت عليك تعال احضني
سيف:تعالي ياعمري غاده لتبعدين عني خليني دائما اشوفج اني ماعندي غيرج متعارك ويه اهلي وطالع منهم وهسه انتي صرتي كل اهلي وناسي
غاده:اني يمك بكل وقت
_ضلت هالفتره غاده دائماً تشوف سيف بالبيت وتخترع اي حجه حتى تطلع واحيانا بحجه انو تصعد تنام بغرفتها تسد الباب مال غرفه وتطلع بدون ماا بيت حماها يحسون عليها.
فرح:الو منى شلونج حياتي
ام منى:اني ام منى فروحه حبيبتي ،منى مريضه ونايمه بالفراش
فرح:مريضه!! ليش شبيها
ام منى:مااعرف صايره بين فتره وفتره يهبط ضغطها وتتخربط مااعرف شسويلها لا تاكل ولا تشرب
فرح:تمام خاله اني هسه جايتها مااتأخر
راحت فرح البيت منى استقبلتها ام منى ووراها صعدت الغرفه منى بالطابق الثاني ،دقت الباب
منى:منو
فرح:ممكن ادخل لو تستحين مني 😕
منى:فوتي حبيبتي
دخلت فرح وراحت حضنت منى
فرح:ولج مشتاقتلج كومه ليش هيج كاطعه بيه وشبيج متاكلين ومريضه فهميني حالج كله متغير شكو
منى:مريضه وتعبانه ماليه خلگ الاحد ومدااكدر اطلع
فرح:من اتزوج احمد لليوم صارله ٦ اشهر وانتي من يومها مجايتنه وحتى للعرس مأجيتي شكو منى
بدت منى تبكي ونزلت راسها
فرح:اني اقرب صديقه الج ورغم هالشي احس دائما تبعديني عنج ومتحجيلي اسرارج بس اني كولشي احجيلج وع فكره حتى لو انتي متحجيلي بس اني حاسه بيج واعرف ليش هيج مسويه بروحج ترى مو غبيه اني
منى:شبيج فرح سويتيها فلم شتقصدين يعني؟!
فرح:ادري بيج اتحبين احمد وتموتين علي لتنكرين اششش اعرف من طريقة كلامج بي واهتمامج بتفاصيله ترى اللي يحب ميگدر يضم هالناس مو عاد يضم ع صديقه المقرب مو
منى:وهي تبكي))اتزوج بعد اتحطمت اني فرح شكد اتمنيت
يحس بيه بس ماكو تاليها راح ومو من حقي اْحـجي هالحجي اعرف بس تعبت ودااكره نفسي لان داافكر بشخص متزوج وبعدني مدااكدر اطلعه من عقلي وقلبي كوليلي شسوي حموت والله حموت
فرح:اووف اووف كافي حتموتين روحج ياعمري والله اتمنيت تصيرين اله وشكد حجيت ويا بس هي قسمه الله يريح قلبج والله انتي تستاهلين احسن ولد بالكون وهالشي اللي ديصير بيج حرام 💔،اني يمج هنا مااعوفج والله😥
_رجعت فرح البيتهم بعد مااتحسنت وضعيه منى شويه
ام احمد:فروحه ماما يلا اجيتي بوقتج تعالي دااصب غده حتى تاكلين
فرح:لا ماما اكلت ويه منى
ام احمد:اي صدك شلون صارت
فرح:الحمدلله احسن لعد وين غاده هم كالعاده نزلت ربع ساعه وصعدت الغرفتها،ماما ترى زودتها مو خدم احنه يمها تجي تفتر شويه بالبيت وتصعد
ام احمد:اششش مابيه حيل مشاكل واخوج تعبان شغل من الصبح لليل عود بعدين اني احاجيها بهدوء وافهمها واجباتها ميخالف ،ومااريد تحجين اي شي انتي وياها فاهمه
فرح:اففف والله عمي حظوظ رافعه خشمها وعبالك خطار وكل يومين ابيت اهلها محسستني كاعده بفندق
ام احمد:ميخالف كتلج افهمها بعدين صمي حلگج واصعدي صيحيها خلي تتغده خطيه
فرح:اوك اوك ولو لو اصعدلها الاكل فوك اخاف تتعب من تنزل😒
_صعدت فرح الغرفه احمد ودگت الباب بس محد يجاوب وراها فتحت الباب وملگت غاده بالغرفه  !!
فرح:ماما ماما هاي غاده مو بغرفتها😧
ام احمد:لعد وين دوري بالبيت
فرح:دورت ماكو بالبيت اخاف طالعه مكلتلج حطلع
ام احمد:لا گالت دايخه شويه وحصعد انام ،يجوز خابرت احمد وراحت الاهلها
فرح:وشلون تطلع ومتگول شنو بكيفها لو ممالين عينها احنه
ام احمد:اوكفي خلي اخابر اخوج واشوف
_اتصلت ام احمد بأحمد بس مكان يجاوب لان ملتهي بالشغل والتلفون ميسمعه
ام احمد:مديجاوب يجوز بالشغل وميسمعه
_بهالاثناء سمعوا صوت الباب دينقتح ع كيفه فركضت فرح دتشوف منو ،لگت غاده دتدخل للبيت بهدوء حتى ميحس احد بيها وهي دتسد الباب ع كيفها التفتت ولكت وراها فرح ففزت
فرح:شفتي عفريت مثلا وشبيج تفوتين للبيت مثل الحراميه خايفه احد يشوفج ويعرف بيج طالعه مو ؟
غاده:انتي شلون هيج تحاجيني وشدخلج بيه بله
ام احمد ادخلت وكالت:بس اني عليه مو غاده ،وين جنتي بله وداخله تتزحفين ممكن افتهم شديصير
غاده:ضلت مرتبكه))اااا جنت يم اهلي
فرح:وشكو محجيتي وليش داخله بهالطريقه
ام احمد:انتي اسكتي فرح ،جاوبي غاده بدون كذب وين جنتي
غاده:اففف عاد شنو واگفات اتحققن ؤٌيَّآيه كلت الاحمد طالعه للسوك ومردت  اگـِول الاحد لان ماله داعي احجي ومنا وهيج اطب واطلع بكيفي بس احمد يحكمني مفهوم
ام احمد:صدوك طلعتي مو مؤدبه يجي احمد واني اعلمج
_صعدت غاده الغرفتها وكانت خايفه اخاف اتكول عمتها الاحمد عن اللي صار فأتصلت بسيف
سيف:هلا بالنفس وصلتي حبيبي
غاده:اي وصلت وشافتني عمتي وحماتي واتعاركت وياهم اصلاً بالكوه متحملتهن اني واريد بس اخلص شوكت عاد
سيف:اصبري ميخالف اذا اطلكتي هسه بعد مااكدر اشوفج انتظري بين ماارتب وضعي وافاتح اهلي
غاده:اففف ترى حتى ويه احمد مالي نفس العيشه ومن يتقرب يمي تلعب نفسي منه بالي وروحي يمك حبيبي
سيف:اروحلها فدوه هسه عوفي كولشي احجيلي اليوم اتونستي ويايه لو لا
غاده:اكيييد حبيبي ولو طلعنها من خشمي بس عادي بعد ميهمني شي مااطول انت ؤٌيَّآية😘
_المغرب رجع احمد للبيت بس امه محجتله شي لان كان كولش تعبان فكالت الفرح لتحجين شي هسه خلي شويه يرتاح واگوله،بس فرح مرتاحت وراحت الاحمد هو جان ديغسل عالمغسله لزمتله المنشفه ووگفت
احمد:لعد غاده وينها ليش منزلت ورايه
فرح:مااعرف، اگـِول حمودي انت اليوم كايل الغاده تطلع
احمد:شنو تطلع لا مكايللها ،ليش جانت طالعه؟!
فرح:ها لا لا بس عبالي يعني
احمد:احجي فرح غاده اليوم طالعه من البيت بدون علمي
فرح:اهووو بس لتكول الماما كتلك حباب ،اي طلعت ومكالت الاحد ومن رجعت كالت گلت الاحمد وبعد كل يوم اطلع لحد يدخل بيه
_احمد عصب وصعد الغاده وقفل الباب
احمد:اليوم وين كنتي طالعه ها وشنو هالشي السمعته
غاده:اوكف اوكف واهده رحت البيت اهلي
احمد:كذابه مو يم اهلج اني اليوم يمهم ابوج خابرني وين جنتي احجي لا اجرم بيج
غاده:اففف انت ناسي انو بعد كم يوم عيد ميلادك وطلعت بدون مااكول الاحد حتى احضرلك الهديه بس انت خربتها عليه وشوف شلون جازيتني،وحجيت ويه امك هيج حتى لحد يعرف بالسالفه وتخرب وهسه انزل اعتذر منها 😔
احمد:اوووف اسف حياتي والله ناسي واتخبلت من سمعت هيج سامحيني
غاده:لا وخر ضايجه منك لتتقربلي بعد وانت اتشك بيه ماطول هيج وخر من يمي
احمد:شبـْ�ـيَْجّ غاده اعتذرت ومن حقي ترى
غاده:لا مو من حقك وفوكاها محاس بغلطه وخر ماريدك
_ضلت غاده عالاساس زعلانه من احمد وراها ب٣ايام
اتصل عليها سيف وراحتله ،لكن لسوء حظها احمد جان واكف عالشارع العام بسياره المطعم ديوصل طلبيات ولمحها من بعيد دتصعد بسياره عاليه ،جن جنونه وضل يلحگها الحد موصلت للعماره ونزلت هي وسيف وكانت خايفه ليشوفها احد فتغطي بوجهها نزل احمد وراهم وضل يصعد ع كيفه الحد مشافهم دخلوا للشقه وراها بدقائق تقريبا دگ الباب وفتح سيف شاف احمد سيف بالفانيله اتخبل فضربه حيل ودفعه ودخل للشقه لگه غاده جوه ذابه العبايه وباقيه بالكيمونه والبنطرون شافته الاحمد وانصدمت وضلت تبتعد وهو يتقرب لزمها من شعرها وضل يكتل بيها ويعيط ويبجي بصوت عالي
احمد:لج خاينه وسخه قذره اشتغل ليل نهار الحلكج الخايس تاليها الكاج تتختلين يم الزلم تخونيني وتروحين للبيوت لج والله الا اذبحج اني اعلمج ماارتاح اذا مااموتج بيدي
_اجه سيف بهالاثناء وضل يتضارب هو واحمد فأحمد كتله وضربه الحد مفقد الوعي راد يخلص علي بس شاف غاده دتحاول تنهزم وتطلع من البيت ركض وراها ولزمها ونزلها كتل عالدرج ،وركبها بالسياره ورجع للبيت نزلها ودخلها سحل للبيت بكتل وعياط فطلعت ام احمد وابو واخوانه واخته كلهم بره وشافوا غاده مليانه دم ومتخربطه من الكتل فحاولوا يخلصوها منه
ابو احمد:شكو ولك ابني شصاير فهمنه
احمد:بعياط ))يابه هايه خاينه وسخه وسخه لكيتها ابيت رجال دتخوني بنت الشوارع واني مكسور ضهري ليل نهار لج الا اموتج عوفوني ،،،،(حاول احمد يدخل للبيت حتى يجيب السكين ))
ام احمد:وهي تبكي ومجلبه برجل احمد))اروحلك فدوه يمه لتضيع حياتك علمود هالوسخه عوفها خلي تولي خلي اهلها يسوون بيها اللي يسوو لتلوث ايدك بدمها العفن فدوه لتحرگ گلبي عليك
احمد:يمه دااحترگ اني دااحترگ مااعرف دااحس نفسي انضحك عليه دااحس نفسي انسان غبي وتافه اركض ليل نهار اريد الملي كم فلس الهايه وتاليها هيج محروووگ گلبي يوم 💔وحتى اي شي استحيفه ع روحي في سبيل اسعدها
_كعد احمد وضل يبچي من الحرگه والقهر ومن الموقف الشافها بي وامه وفرح هم گابلوا وضلوا يبجون بعدين طلع ذبها بره بالشارع وخابر اخوها الكبير(امير)
احمد:يا بطل تعالوا اخذوا خيستكم ذابها بالباب ،تريدون تذبحوها بهالحاله يلا تسمون زلم اما اذا غير شي فهي هاي اخلاقكم وتربيتكم متنلام اذا طلعت هيج
امير:شبيك احمد شنو الفلم شدتحجي
احمد:اسأل اختك وعشيقها التتختل يمه همه يفهموك الفلم