ياحال الي يضل علة حالي من تروح
جرحك بالكلب داويتة بس ماطاب
وبطاري السفر زيدت كلبي جروح
ماانساك لو سافرت عشر سنين
وشوكت ماترد باب الكلب مفتوح
يمي انتة وحس بيك بعيد
وبد مافكرت يجي يوم ومني تروح
صحيح اني كتلك اسوي كلشي تريد
بس علة البعد كلتلك هذا مامسموح
النفس انتة الاشمة ولو تروح شلون
شلون تريد اعيش اني بلياك
واني اشتاكلك من انتة موجود
من تبتعد اضل لصبح مانام
وذا ماتصدك انجوم اليمة شهود
اموت اني بغيابك لمن تروح
لان حبك بكلبي مالحدود
يوم تسافر احجز الشخصين
لان مية بالمية وياك كلبي يروح
وشما تبتعد خلي دوم وياك
احس مايضل بروحي بس مذبوح
شيبغالي بحياتي وانتة ماموجود
بس هم واذية والم وجروح
رسمك كمت اشوفة من اغمض العيون
ولو يعمن عيوني مااضنة يروح
ماريد احضنك لو صار الوداع
لان من اهدك تطلع الروح
عشكتك وادري اتعب بحبك
رضيت بقسمتي وملهوفة تدريني
اريد اكضي العمر وياك
تدري انتة بغيابك حيل تاذيني
عيني لمة تشوفك وتنعمي للدوم
لان انتة حبيبي فرحت سنيني
تعال اريد اضمك وحيل يهواي
واريد بكل حنانك انتة تحويني
تعال وخلي انطفي الحركة والنار
وعلى صدرك انام الليل خليني
طويناهة صفحتك ونتهة الموضوع
فعل ماضي صفيت وخلصت المدة
اشتتوقع ابوس اجدامك من تروح
وحسك كبريائي واطلب النجدة
صح جدمي عثر من شفت طولك لاح
لاكن ماخنيتك من طحت عمدة
اتوجيت اعلة جرحي وماطلبت العون
لان ادري اليطيح اجفوفة لتسندة
صح الكمر اكبر ونجوم صغار
بس تحلة السمة مو بالكمر وحدة
وذا ساكت ترة مو لان ماكو لسان
مرات الصمت من الحجي ابدة
وجف المايصافح جفك بالحساس
لاتعتب عليه وتنتخي بزندة
من اكتب شعر لاتعتقد بطران
البلابل بالقفص من ضيمهة مغردة
ماصدك بعد دمعاتك من طيح
هم يهمل دمعهة العين لو رمدة
روح بلا وداع وكل اثر ماريد
اليكتب علة الرمل يعرف قدر كتبة
انة هنا بلشعار رح اركز كلش حتة ما اسحكلي بشعر 😊وذا سحكت بشعر ومادري اسفة😊ههههه
غردو بتعليقاتكم😙😙حبايب كلبي
