وللقدر كلمه

2

قبل سنتين:-
في احد ارقى الاحياء بمدينه الخرطوم ،بيت جميل يتكون من طابقين وحديقه جميله، صاحبه المنزل الجميله تباهي بجمالها الصباح هههه سلكو :) نقوش الحنه في اليدين والارجل وترتدي الثوب السوداني، ذات قوام ممتلئ قليلا ،طويله ،تحمل المبخر بيدها تنزل السلم تتجه للصاله. ثم تدخل المطبخ وتكلم الخادمه .
-إستر عليك الله كبي لي جمر في المبخر نبخر البيت.
-هادر استاده (حاضر استاذه)
-دا شنو يا إستر مش قلت ليك ناديني ابتسام وتبتسم
-هادر ابتسام وهي تضع الجمرات في المبخر.
تخرج ابتسام من المطبخ وتتجه للصاله وهي تحمل بعض اعواد بخور الصندل والجاولي لترى فتاه جميله هيفاء عيونها ناعسه لونها خمري لابسه بجامه وفوق البجامه توب سوداني تنزل الدرج بهدؤ تنظر لابتسام
-صباح الخير عمتي :)
-صباح النور نهويه (تدليل نهى) صاحيه بدري الليله مافي جامعه (اليوم لاتوجد جامعه) بكره احمد يمشي تكملي التسجيل الدراسه حتبدأ بعد اسبوع
-قمت عشان اساعدك الليله الجمعه عارفه نسابتك جايين غدا (النسابه اهل الزوج اي الحماه والحمو)
-تسلمي حبيبتي كلك ذوق امشي اشربي شاي الصباح ماشه اصحي الكسلانين ديل. همت بصعود الدرج ثم التفتت
-نهى ليه لابسه توب في البيت بجامتك ساتره حبيبتي ما يكون بتخجلي من اولادي؟
-لا ياعمتي لكن متعوده في بيتنا بلبس توب طوالي انتي عارفه جدي وابوي صعبين شديد .
قالت الكلام دا وهي خجلانه فعلا
وصلت نهى من ولايه الجزيره مدينه الفاو قبل يومين استعدادا لدخول الجامعه هي التي لم تفارق اهلها ابدا تبتعد للدراسه ورفض والدها تسجيلها في السكن الداخلي واصر ان تسكن عند عمتها ابتسام لا تعرف نهى عمتها كثيرا لان عمتها لاتاتي للفاو الا في زيارات متباعده وقصيره بسبب عمل زوجها ودراسه ابنائها
لكن نهى محظوظه فمنزل عمتها ليس ببعيد عن الجامعه
بينما ذهبت هديل صديقتها وابنه عمها للسكن عند جدتها وجدها لامها لانهم يقيمون في مدينه امدرمان وهذه اول مره تفترقان لكنهما ستلتقيان يوميا لانهما تدرسان في نفس الجامعه
"السودان مقسم الى ولايات عددها 26 ولايه وكل ولايه تضم عاصمه لها وعده مدن والمدن تقسم الى احياء وقرى صغيرة مثلا ولايه الخرطوم وهي العاصمه تضم ثلاث مدن الخرطوم وامدرمان وبحري الخرطوم وهي قلب العاصمه النابض توجد بها الجامعات والوزارات والسفارات والقصر الرئاسي والمؤسسات الضخمه اما امدرمان هي العاصمه الوطنيه وبها الاذاعه والتلفزيون والمتحف اما بحري هي المنطقه الصناعيه والسكك الحديديه وتعرف بالصناعيه اما ولايه الجزيره عاصمتها ودمدني والفاو عباره عن مدينه صغيره تتبع لولايه الجزيره ولايه الجزيره تبعد عن ولايه الخرطوم حوالي اربع ساعات بالسيارة"

دخلت نهى المطبخ الحديث كل شي جميل في هذا المنزل لقد احبتهم بالرغم من انها لم تمضي معهم اكثر من اسبوع لكنها احست انها بمنزلها خصوصا مع خنساء وريهام لانها بنت وحيده بوسط الاولاد الذكور
-صباح الخير استر الشاي جاهز؟
-سباح النور يا حلو من سمان شيل تلي ساله سان شربو (صباح النور يا حلو من زمان خذيه الى الصاله حتى تشربوا).
اخذت نهى الشاي واللقيمات للصاله .تشررب العائله شاي الصباح مع اللقيمات يوم العطله مجتمعين
سمعت هنى صوت افدام على السلم فاختبات خلق الباب لترعب ريهام
-ووووووهه... ا.اسفه ...افتكرتك رييي..هام
وجهها صار احمر من الخجل ،احمد ضحك
-ههههههه عادي ولايهمك تعالي نقعد شويه ونازلين هم ثم اردف قائلا
-ولا انتظري يمكن ريهام تجي ونعمل فيها المقلب .
-لا اخاف يطلع عمو المره التانيه
ضحكوا مع بعض ثم الصمت والخجل
بعد عده الدقائق الاسره مجتمعه ونسه وضحك وحكاوي طبعا عمو عوض زول حنون جدا ما تحس انه ضابط
-نهى بكره الصباح ياخدك احمد للتسجيل ان شاء الله
-ان شاء الله عمو
لتقوم خنساء بمكاواه احمد خنساء: يسجل احمد لسه برلوم يا ابوي بكون ما عارف الجامعه كويس (البرلوم طالب السنه الاولى في الجامعه )
-برلوم في عينك انا حانزل سنه تانيه يعني خلاص كبرنا رد عليها احمد ليضحك الجميع
-يعني لسه برلوم مانزلت السنه التانيه
-طيب انا برلوم وانتي امي ذكريني البت دي مش لسه بتسرح ضفيرتين وبتلبس لبس مدرسه بتقرا في الثانوي صاح p:احمد باستهبال وهو يسال امه بينما انفجر البقيه بالضحك الا خنساء
-ابوي سامع ولدك بقول شنو؟ خنساء بزعل
-ما عليك غيران من حبيبه قلبي الشاطره ابوها بحنان وهو يلمس شعرها فجاه تقوم ريهام من محلها وتذهب لوالدها بزعل
-وانا يا بابا احلى واشطر منها ثم تجلس في حصن والدها
-يا غيوره . خنساء وهي مطلعه لسانها
والباقين يضحكوا عليهم
نهى الجو العائلي ما غريب عليها بس تصرفاتهم مع ابوهم كأنه صديق او اخ كبير غريبه وغصبا عنها قارنت علاقتهم بابوهم مع علاقتها هي مع ابوها
صحيح هي دلوعه ابوها وما برفض ليها طلب بس ولا مره جلست بحضنه او باست خده بس تبوس يده وراسه وتجلس قدامه بادب حبها لابوها كبير حب مغلف بالاحترام الشديد والفخر الشديد لابوها بس ما حصل هظرت مع ابوها او ضحكت بصوت عالي قدامو في القريه البنات يحسدوها على علاقتها مع ابوها الصراحه والونسه
من اول يوم جات بيت عمتها واتغيرت عندها حاجات كتيره ومفاهيم جديده رسخت عندها
في القريه هي البت المثاليه كل ام تتمناها، تساعد امها في البيت من كنس وطبح وغسيل ورعايه اخوانها الصغار نهى فخر لامها بين النسوان كل نسوان الحله يمدحو فيها ما شاء الله رايقه ،ومؤدبه ،وجميله ،وست بيت حظ البتزوجها، ان شاء الله من نصيب ولدي ، بت السرور ما شاء الله عليها.
حمدت ربها لانو ابوها فرض عليه السكن عند عمتها لانها ما لاقت غير الحنان والريدة
نهى
صحيت طايرة من الفرح حاسجل بالجامعة اليوم الجميلة المستحيلة جامعة الخرطوم حلمي الجميل صحيت بدري استحميت وغيرت ملابسي أنا ما بحط مكياج نزلت وكلي حماس حلمي بدأ يتحقق يا رب الجامعه حتكون كيف؟