عائشة

بيتنا

عائشة اسم جدتي لذلك ابي يحبني كثير ويناديني بامي، الا عندما يغضب فيقول عائشة؛ اما اخوتي فيحلو لهم تدليلي عشوش وعشوشه، اما جاراتنا والقريبات ينادينني بعشه، اعلم شي محير الاف الالقاب لكن اعتدت على ذلك.
اسرة عائشه من الاسر العريقه هي البنت الصغري لتاجر كبير تمتلك اخت واربعة اخوة والدها الطيب عبد الباقي حامد 55 سنه محامي درس القانون في جامعه القاهره الفرع لكن اشتغل بعمل العائله التجارة لذلك هو تاجر محنك زوجته رقية عبد الله 49 سنه مدرسة بمرحلة الاساس ربه منزل وام ممتازه ابنائهم
حامد 30 سنه وكيل نيابه متزوج زوجته نمارق 23 لهم طفلين ريم والطيب
ياسر 27 طبيب يتخصص في الجراحه العامه جاد ويهتم بعمله لايثق في الفتيات مغرور بسبب قصه في الماضي
محمد 25 سنه مهندس برمجيات صغير يعمل بشركه سوداني للاتصالات حيوي انيق
ريان 23 خريجة علوم عروس جديدة
عائشة 19 سنه طالبه قانون السنه الثانيه حلوه دلوعه
عبد الباقي او عبدو 17 سنه ثالثه ثانوي غريب يمثل المراهق بمعنى الكلمة
احمد استاذ جامعي 29 سنه زوج ريان

يوم الجمعه صباحا حي مدينه النخيل الراقي
في المطبخ الواسع وقفت نساء العائله لاعداد الفطور يوم الجمعه يوم مميز تجتمع الاسره في هذا اليوم كل اسبوع .رقيه ربه منزل ممتازه تقوم بتوجيه بناتها وزوجه ابنها لاعداد الطعام

-عشوش رتبي البيض والطعميه في السفره اسرعي يا نمارق ملحي العصيده هاتي الشعيرية ريان زيدي ...
تنادي ريان
يا حامد ...حامد
-يحضر احمد سريعا نعم يا ريري
-(تحمر خجلا )الفطور جاهز شيل السفره للديوان (الصالون يكون للرجال فقط)
-التوب حلو عليك
-توب ماما( لسه خجلانه )انا ناديت على حامد اصلا ما ناديتك
-يضحك احمد ثم يأخذ السفره ويذهب بعد الفطور ينتاولون الشاي مع الونسه بعدها يستعدون لصلاه الجمعة بعد الصلاه من المسجد يطوفون بالحي ليسلمو على الجيران ثم يعودون للمنزل لتبدا طقوس الجنبه (القهوة) مع الفول السوداني والفشار والبلح
والبخور
-ريونه في حاجه في الطريق نمارق وهي تشير الى بطن ريان
-اسكتي امي تسمعنا ريان (بخجل)
-تضحك نمارق بصوت عالي لتغيظها فتضحك معها عشوش
-(بغضب) اصبري يا عشوش اشوف فيك يوم
-عشوش تضحك وترفع يديها للسماء آمييين
-ما رديتي في بيبي ؟
-ما متأكده بنتظر كم يوم وامشي افحص ريان بخجل وهي تضع يدها على بطنها.
تقلدها عائشة لتضحك نمارق فتضربها ريان بالوساده
بعد انقضاء اليوم المساء الاسره مجتمعة
-تعالي امي الاب وهو يربت على المكان الفارغ من الكنبه لتجلس عائشة
-بابا عندي حاجات عايزاك تشرحهم لي ما فهمتهم
-حاضر عندي كم عائشة تضحك ويبتسم ابوها
-انا كمان عايزك في موضوع تعقد حاجبيها
-الله يسترنا انت صاير خطير يا حاج يضحك والدها
-لو عايز اخطب ليك عروس ما عندي مانع لتاتيها ضربه قويه فتشهق ماما خوفتيني
-اياك تخربي تفكير ابوك الام وهي ضاحكه
-معقوله يا رقيه اشوف غيرك
-اطلع منها انا اتفقتو علي انت وماما ليضحكوا
-الا وين عبدو ما ظاهر
-بغرفتو يا بابا اكيد بيسمع اغاني وقاعد في اللاب توب
-يابت ما تفتني على اخوك حبيبي بكون بذاكر الام وهي تدافع عن صغيرها
-الاب اصلا من الدلع الكتير خربتي علينا الولد
-انت كمان مدلعهم واسمهم اسم امك وابوك
-يعني يا ماما الا تدخليني في الموضوع انا ما عملت حاجه عائشه وهي تتدلع وتمد شفتها للامام بزعل
-ههههههه يلعن ابليسك قومي بكره عندك جامعه يلللا
جامعة الخرطوم
تدخل من بوابه الجامعة بنت جميلة ترتدي اسكيرت بيج مخطط بالاسود مع بلاوز اسود يبرز الخصر والنهدين وطرحه(شيله) باللون الازرق الداكن تعكس بياض وصفاء بشرتها تحمل حقيبة سوداء وترتدي اكسسوار ملون لتحدق بها كل العيون تسرع خلفها فتاة لا تقل عنها جاذبية تنادي عليها وهي تسرع خلفها لتلاحقهما العيون معا
-عائشة عائشة عشوشه
تلتفت لتجد صديقتها سلمى تركض تبتسم لصديقتها وتسلم عليها بالاحضان والبوسات
-صباح الخير غريبة ما شففتك لما ركنت عربيتي
-صباح النور وصلني بابا كالعاده بابا رافض يشتري لي عربيه
-حبيبتي خايف عليك يا عشوش لما نخلص نرجع سوا بوصلك
-على شرط انا اسوق العربيه
-اوكي اصلا تعبت والمساء زحمه
-يا الانانيه لكن ماشي اصلا مشتاقه للسواقه تضحكان معا
-المحاضرة الاولى قانون الكتروني يلا بسرعة اتاخرنا
-يلا بعدها قانون جنائي
-لازم نحافظ على مركزنا الاول السنه دي المنافسة شديدة
-منو البقدر ينافسنا نحن القانون اتنفسناهو مع الهوا في البيت ههههههه
سلمى والدها مستشار قانوني وهو صديق الطيب من ايام الدراسه لكن والدها اختار التجارة بعد التخرج بعيدا عن مجال دراستة
في مكان ليس ببعيد عن الفتاتين شلة اولاد يجلسون ويطالعونهن بنظرات شهوانيه وقحة
-يا معمر لسه الصنارة ما غمزت يقولها ذلك الشاب الذى ظل يلاحق سلمى وعائشه بنظراته حتى اختفتا ينفث دخان سجارته
-اااخ ملعونه بس لو ما خليتها تركع على رجليها وتترجاني
-ياخ البنات ديل صواريييخ لازم يبقو من الشلة لوازم بعدين نحن نفس المستوى
-انا حامشي وراهم البت دخلت راسي يا خالد
-حاجي معاك معز يلاحق معمر
-ههههههه باقي الشله
الشله تتكون من اولاد فاسدين من اسر مرموقة، خالد زين العابدين ابن رجل اعمال مشهور ،معز الدقيل ايضا من اسرة غنيه والدته مذيعه مشهورة،معمر عبد الغني ابن تاجر منافس لوالد عائشة، ماجد الفاضل والده سفير لا هم لهم سوى اللعب الشراب والبنات
-السلام عليكم التفتت البنتين
-وعليكم السلام معز كيف اخبارك وكيف خالتو ليلى
-بخير الحمد لله زيارتكم انقطعت كيف الوالد والوالدة يكلم معز سلمى معمر ساكت وعينه على عائشة
-بخيييير الحمد لله ماما على طول مع خالتو انت المختفي
صداقه تربط والده سلمى بوالده معز، معز يحب سلمى لكنه يخاف ان ترفضه لانهم اصدقاء من الطفوله وهي تعامله معامله اخويه لذلك يريد ان يحميها من شلته لذلك لم يترك الشله فقط ليحميها ( رومانسي صاح:)
-كيفك معمر
-هاه اا بخير الحمد لله بارتباك
- يلا سلام تاخرنا على المحاضرة
-شفتي معمر حياكلك بعيونه
-اسكتي انت عارفة معمر ابوه عدو لبابا
-عارفه بس الحب مختلف بعدين نحن جيل جديد يمكن انتو بزواجكم تنهو الخلافات
-حب شنو خلينا في دراستنا
-انت بتحبي معمر انا عارفة
قبل ان ترد كانتا عند باب القاعه والدكتور امامهما فتنفست الصعداء واسرعت في الدخول لانتهاء الاستجواب الذي تقوم به سلمى
نعم هي تحب معمر منذ اول يوم بالجامعه وهو يدرس تجاره يسبقها بعده اعوام لكنه يعيد السنه اكثر من مره جذبتها وسامته من اول يوم ولكنها علمت انه نقيضها تماما فابتعدت عنه ولم تكلمه لان شلته ذات سمعه سيئه
في المستقبل القريب
-زواج عرفي يا معمر؟
-حبيبتي حل مؤقت داير افصل شغلي من ابوي ووقتها نعلن زواجنا عشوش حبيبتي ارجوكي انا ما قادر ابعد عنك اكتر
-لكن زواج على الورق بس اوعك تفكر تعمل معاي حاجه
- اصلا كل همي اتزوجك بس تاني ما مهم حبي لو عاينت ليك ساي بكفيني
الآن
بعد ان اوصلتها سلمى للمنزل تنزل كلاهما لتجلس سلمى في مقعد القياده بعد ان كانت عائشه تقود السياره
-بتسوقي احسن مني يا ريت عمو يشتري ليك عربيه
-ههههه ما اظن بس شفتي عملت شنو في بتاع البرادو ههههه يعني عشان عربيتو موديل جديد من حقو يتخطى الناس
-ما تنكري هو كان وسيم وشخصيه وكمان لما شافنا بنات طوالي اتراجع هههههه
-وسيم شنو واحد سخيف بالجد يلا مع السلامه
-يلا باي تلوح كلاهما للاخرى وتدخل عائشه بيتهم
من الباب تجد الطيب الصغير واخته ريم يلعبون بدراجه على النجيله فتجري لتضمهم وتسلم عليهم
-عمتو دات عمتو دات (عمتو جات عمتو جات) ليركضا امامها للداخل
-السلام عليكم البيت منور مشتاقيييين
-كتيييييير حبيبه ترد نمارق
-مستهبلين امس انتو مع بعض عبدو ويقلب عيونه
-شنو يعني ما نشتاق لبعض
-الله لا يفرقنا
-امين يارب يلا امشي غيري ملابسك سريع
-حاضر ماما تعالي معاي نمارق
-اصلا لاحقاك يلا نطلع تصعدان السلم معا
-بطاردني يا نمارق انا خايفه بحبه بحبه وما عارفه اعمل شنو؟
-ما تطورتي مع الولد دا سمعتو كعبه وبلعب بالبنات وكفايه ابوه عدونا ابعدي عنو ما عايزين مشاكل
-اصلا ما حصل كلمتو اكتر من السلام
-ربنا يكفينا شر العايله دي
في منزل اخر
-انا وعدتك يا ابوي حاكسر راسو بعائشه حاتزوجها عرفي ولما يعرف حيطلب نتزوج رسمي وقتعا حنقول شروطنا كلها ونضربو في السوق
-والبت حتعمل معاها شنو؟
-عاجباني وما حاخليها حاتزوجها طبعا رسمي بس بقطع علاقتها باهلها نهائي
-انت ولدي من صلبي هههههههههه
-هههههههههه اكيد
في فيلا لاتبعد كثيرا في حي النخيل
-جميله جدا وكمان سواقه ماهره ههههه عجبتني
-معقوله يا عبد الرحمن بت تخليها تعمل فيك كدا
-دي ما اي بت دي فرس جامحه
-وانت حتروض الفرس دي ؟
-يا ريت حاروضها احسن ترويض
عبد الرحمن والده سياسي كبير وهو تربى في العز لكن والده الصارم انشئه تنشئة صارمه درس في الخارج حاصل على دكتوراة في الاقتصاد والعلوم السياسيه يدير عدة شركات ويعمل في وزارة الخارجيه 31 سنه غير متزوج له اربع اخوات متزوجات يعيش في منزله الخاص يسكن معه ابواه
وابن عمه يساعده في العمل
ابن عمه طارق 25 سنه يعيش في منزل عمه منذ كان طفل لذلك يعتبره عبد الرحمن اخاه الاصغر
-عبد الرحمن اتزوج عايزه اشوف احفادي قبل ان اموت
-عندك دسته احفاد لسه عايزه زيادة؟
-حيتزوج يا عمتي بس انتي شوفي العروس
-هو ما حيتزوج قريب حنزوجك انت
-عليك الله يا عمتي انا موافق
-هههههه شفتي يا امي يلا في زول متحمس
-حازوجكم مع بعض في عمرك اطفالهم بالحضانه والروضة
-الحمد لله ما قلتي في المدرسه ههههههه
-اضحك لاني حازوجكم في النهايه
-حاختار عروسي بنفسي
-لو خليتك ما حتتزوج
-قريب ان شاء الله
-انا في غرفتي ما يصحيني زول عندي سفر الساعه الواحده صباحا
-طيب تعال طارق قول لي المواصفات المطلوبه في العروس
-ايوا عمتي...
بالجامعة
-صباح الخير عائشة
-صباح النور ولم ترفع راسها
-وين سلمي لسه ما جات؟
-نعم حتتاخر شويه
-احسن
-قلت شنو؟ ورفعت راسها لتنظر له فسحرتها نظراته فاعادت نظرها سريعا الى الارض
-ولا شي تفضلي معاي الكافتيريا نشرب شي قبل المحاضرات
-لا شكرا وقامت لتذهب فامسك يدها
-ليه يا عائشه انا عايز اتعرف بس انا معجب بيك اديني فرصه
-لكن نحن ما بنفع ،...ابوك....
-نحن ما لينا دخل دي خلافات تجار سوق
-انا عندي محاضره حامشي القاعه حتبدا بعد شوية
-ما عندك محاضره الوقت دا بعرف جدولك ما حاجبرك على شئ واستدار ليذهب ليحس بيد بالحرير تمسكه فيبتسم وينظر لها بعد ان اخفى ابتسامته
-طيب المره بس وانا اسفة
-ما بينا اسف يلا
يجلس في سياره وينتظرها
-سلمى سلمى صباح الخير
-صباح النور معز وتنظر للوردة في ايدو
-اتفضلي
-شكرا المناسبه شنو خالتو كيف اخبارها
-بخير كويسه اصلا عايز اكلمك في موضوع
-اتفضل
-خلينا نقعد في مكان هادي
-سلمى انا بحبك ونحن اصحاب واهلنا علاقتهم حلوه وانا بحبك يا سلمى وحاطلب ايدك بس منتظر ردك الاول
-معز انا بحبك من نحن في الروضه اكيد موافقه بس نحن لسه في الجامعه
-نعمل خطوبه واصلا انا شغال في مشروع عمل حر تجاري يعني ما محتاج اهلي الحمد لله لما نخلص الجامعه حاكون جهزت كل شي المهم انت توافقي
-موافقه بس بعد موافقه ماما وبابا
-اقول وما تزعلي اصلا كلمتهم وكلهم موافقين وحنجي يوم الخميس
-معز انت فظييييييع
-هههههه والله بحبك
-يلا نمشي نقعد مع الشله ويا ريت ما تقولي لي زول بالموضوع بتاعنا حاضر بس حاقول لعشوش
-لا خليها مفاجاءه
-صباح الخير
-صباح النور عزو شكلكم كنتو خالطين هههههههه
-خالطين شنو اتلاقينا في الباب
-وليه هي شايله ورده وكل شويه تعاين ليك وتبتسم
-ابلييييس انت اعوذ بالله
-هههههههعه انا خالد زين العابدين يا ولد
توطدت العلاقه بين معمر وعائشة وصارو يجلسون في شله واحده لا احد يستغرب جميعهم ابناء اغنياء ومعز وسلمى تطورت علاقتهم و اعلنو الخطوبه ما زالت سلمى تحذر عائشه من معمر لكن لا حياة لمن تنادي لذلك بقيت مع معز في الشله من اجل عائشه فقط حتى اتى ذلك اليوم وطلب منها الزواج عرفيا فثارت وتركته عده ايام لم تكلمه او تجلس مع الشلة
بعد وساطات وتدخل الشلة والرسائل الجميله والاعتذارات عادت له واكبر مخاوفها ان يعلم ابيها بعلاقتها مع ابن غريمه
طبعا اقنعت والدها أن يشتري لها سياره تذهب بها الى الجامعه
ذات يوم لمح عبد الرحمن عند الاشاره طيف الفتاة التى تحدته واستفزته لانه تخطاها في المرور فتبعها بالسيارة
-لازم اعرف وين ساكن الغزال دا
كانت تنظر بالمرايا وتشوف سياره تلاحقها فخافت في الاول بس قررت ما تظهر الخوف يمكن ما يكون يلاحقها لا مستحيل دي خامس لفه وهو وراي حمد لله وصلت البيت بس انا حادبك
فجاءة وقفت السياره بنص الطريق ونزلت تنادي حرس البيت
-ههههه طلعت جارتنا بتعمل شنو المجنونه قفلت الشارع الله يلعنها
-لو سمحت يا عمو محمد تعال شوف الزول دا متابعني من الكبري للبيت
-حاضر اهدي لو سمحتي
-دكتور عبد الرحمن اسف الاستاذه مفتكراك بتلاحقها حاكلمها
-لا نادي عليها
-حاضر
كل هذا الوقت ولم يعلم نزلت من السياره اوتجهت له وضربت زجاج النافذة فتح الزجاج
ونظر لها نظره لم تعجبها كلها وقاحه فغضبت
-نعم يا استاذ ممكن اعرف ليه تابعني؟ انت....؟
-ممنوع امر بشارع بيتي ؟اتبعك ليه اصلا؟
- ش..شنو شارع بيتك؟
-ايوا بيتي هناك ؟ أشار للفيلا الجميله بسخريه
- وقح
وركضت لسيارتها راته يقود السياره الى منزله وفتح الحرس الباب له بيدو انه صادق كما سمعت حامد يتحدث عنه مع ابوها لكنها لم تراه عندما اتى المنزل كانت خارج المنزل كم شكره ابوها واثنى عليه لا تعرف ما اعجبهم بهذا المغرور الوقح المتخلف يشبه الجمل طويل اهبل
-عمو محمد انت بتعرف الزول دا
-ايوا جارنا دكتور عبد الرحمن
-اول مره اشوفو افتكرتو بشاغل ههههههه
-هههههههه
-سلام يا عمو
-سلام
داخل المنزل الذي يشبه القصر بجماله وحجمه تجلس والده عبد الرحمن تقرا كتابا ترفع راسها لتجد عبد الرحمن فيقبلها
- جيت متين يا ولدي
-قبل شويه غيرت وجيتك دايرك في موضوع
-موضوع شنو انا كمان عايزاك في موضوع لقيت ليك عروس
-انا عايزك في نفس الموضوع لقيت عروس
- بت منو انا بعرفها؟
-بت الطيب عبد الباقي جارنا
-اها مش بتهم متزوجه
-لا عندهم واحدة اصغر بتقرا في الجامعه
-ما شفتها لما زرناهم
-ايوا كانت بره البيت كلمي بابا ونمشي
-وانت بتعرفها من وين
-شفتها مرتين وعجبتني كمان اخت صحبي يعني ما في احسن من كدا
-خلاص موافقه ما صدقت اصلا تقول عايز تتزوج من بكره نمشي نخطبها
كانت الفرحة لاتسع ام عبد الرحمن لانه طلب وبنفسه الزواج تنتظر على احر من الجمر لترى عائشه التي دكت حصون ابنها بعد مشاورات مع زوجها قررا وفورا طلب يدها قبل ان يغير رأيه
-الو رقيه انا نهله ام عبد الرحمن
-اهلا نهله اخبارك شنو وكيف الاولاد
-بخييير الحمد لله اخباركم انتو شنو؟
-الحمد لله في نعمه
-كنت عايزاك في موضوع عايزين نستاذنك ونجي نطلب ايد بنتك عائشه لعبد الرحمن
-تشرفونا بس لازم اشاور ابوها اول وارد عليك
- الرجال اتشاورو مع بعض بس اتفقو نجي متين
- تمام تسلمي حبيبه
بعدها جمعت رقيه زوجها وابنيها الكبار وزوج ابنتها ريان وقالت ليهم
-عبد الرحمن راجل وحيحافظ عليها وكمان والده كويس وبينا شغل مشترك غير انو صاحب حامد
--خلاص حاكلم امه ونحدد المواعيد بس عشوش ما شاورناها
-عائشه لسه صغيره بعدين ما قاعدة تكسر كلامي حبيبه ابوها دي امي وحبيبه قلبي
-خلاص حاكلمها في التلفون اسكتو وطلبت الرقم
-الو نهله ؟السلام عليكم
- ايوا وعليكم السلام رقيه
-نحن موافقين تعالو بعد اسبوعين لاننا شغالين صيانه في البيت معليش
-لا حبيبتي ولا يهمك مع السلامه
-الله يسلمك
-خلاص بس باقي نكلم عشوش
-انا حاكلمها
-لا انا حاكلمها بالاول عشان الحاجات دي ممكن تتحرج وتخجل منك
عائشه جايه من الجامعه ومبسوطه لانو معمر اخدها الغابه واتفسحو واكلو سمك وركبو المراكب في النيل بعدها رجعو الجامعه اخدت عربيتها وجات البيت وكانت فرحانه لانو المكان بسيط وهم ما بيطلعو المحلات الغاليه لانهم بخافو يصادفو زول بعرفهم من الاهل او الاصحاب خصوصا اهلهم اعداء تقريبا
-عشوش حبيبتي اتاخرتي
-ايوا يا ماما كنا في رحله علميه
-رحله علميه انتي بتقري قانون مشيتو وين المحكمه؟
-ههههه لا الاداره العامه والجنايات
-طيب بعد تغيري وترتاحي حاخت ليك الاكل واجيك
-لا يا ماما انا شبعانه
-خلاص خمسه دقايق واجيك عندي ليك خبر حلو
-حاضر شوقتيني
وطلعت غرفتها بعد غيرت على طول كلمت معمر بس ما رد فصمتت التلفون وسمعت صوت الباب اتلفتت بابتسامه لامها الفرحانه وهي مستغربه ليه ماما فرحانه كده؟