عائشة

معمر

دخلت الام غرفه عشوش فرحانه ومبسوطه جدا
-عشوش حبيبتي والله كبرتي وبقيتي عروس خلاص كلكم حتمشو وتسيبو البيت
-( معقوله يكون معمر طلبني بالسرعه دي وبابا وافق هو كلمني بس لسه بدري ) تكلم نفسها وقلبها بدق
-حبيبتي سارحه وين؟
-هاه ...ما سارحه نعم ياماما
-كدة يا عشوش ماما اخر من يعلم مش نحن اتفقنا انو نحن اصحاب انا وانتي وريونه ليه ما قلتي لي بتحبي
-ماما انا اصلا كنت حاقول ليك بس كنت خايفه شويه
-ليه تخافي حبيبتي انا ماما بعدين ما شاء الله زول كويس جدا وجا طلبك رسمي
-بابا قال شنو ؟
-بابا وافق حبيبتي ومنتظر ردك
-اصلا لو وافقتو خلاص وهي خجلانه وما مصدقه ابوها يوافق
-خلاص نحن قلنا ليهم تجو بعد اسبوعين تلبسو الدبل عشان تجهزي براحتك اها عبد الرحمن قال عايز مقاس الخاتم
-عبد الرحمن منو يا ماما؟
-عبد الرحمن خطيبك جارنا !
-نعم ؟انا ما بعرفو بعدين انتو توافقو ليه من البدايه
-عشوشه ما تجننيني الولد انت وافقتي عليه قدامي وابوك ادى كلمة رجال
-ماما بس انا ما بعرف عبد الرحمن انا بحب زميلي في الجامعه معمر
- انت هبله جامعه شنو وحب شنو دا حيقدر يفتح بيت متين ؟
- معمر وضعهم زي وضعنا وابوهو رجل اعمال زي بابا
-معمر ؟ما يكون ولد...
-ايوا ياماما انا بحبه
-انت غبية مستحيل ابوكي يوافق اسكتي وما تفتحي سيره الموضوع دا انتهى وحتتزوجي عبد الرحمن
-لا ما حاتزوج عبد الرحمن لاني اصلا متزوجه
-نننعم متزوجه ؟الام بصدمه
-ايوا متزوجه معمر عرفي واتفقنا يجي يطلبني من بابا
طرااااخخ رقيه ما استحملت من الصدمة ادتها كف
-انتي بتكذبي حاموتك انا ربيتك كدا ما لقيتي غيرو وكمان عرفي انتي جنيتي؟
-اهي اهي اهي ايوا بحبو وكمان حاهرب معاهو
دخل الطيب و اولاده الغرفه من صوت الصراخ
-بتصرخو مالكم يا رقيه ؟
-تعال شوف بنتك متزوجه عرفي ومين معمر عبد الغني ؟
-شنووووو؟
-ايوا يا ابوي انابحبو... بصوت باكي
-وكمان بكل وقاحه بتردي طيييب يا عائشه انا حاوريكي جيبي الورقة
-اي ورقه؟ما حاجيب حاجه وهي بتبكي لانو اخوها حامد وامها ضربوها وابوها بعاين باحتقار كانها احقر من انو يلمسها بايدو
-وررررقه الزوااااج بتاعتك سرييييع بصراخ
-اهى اهي هي ييييه وهي بتفتش في الشنطه
اخد منها الشنطه ووطلع ورقه
-اسمعي يارقيه تتقفل هنا ومافي جامعه او طلوع وانا حأجل الموضوع دا اول وحاشوف اعمل شنو في الكلبه دي خساره سميتك على امي ناظره باحتقار ثم اردف وهو يكلم اولاده
-ما توسخو يدينكم بواحدة زي دي باعت نفسها وشرفنا وسخت سمعتنا وكرامتنا واقفلو الباب بالمفتاح
وقتها بس حست عائشه بالعملتو لو ابوها ضربها او قتلها كان ارتاحت بس يعاين ليها كانها بت من الشارع ووحده تافهة ما استحملت وبقت تبكي بشده
قبل ما تطلع امها سالتها وهي باكيه
-سلمتي نفسك يا ع...سلمتي نفسك للتافه دا؟
-ماما انا امسكت يد امها التي نفضت يدها كالجرب
-ابعدي يدك انا ما امك لو امك ما كان عملتي كده انت خليتي راسنا في الطين يا ريت تموتي وتريحينا يا ريت بتبكي هي ما مصدقه عشوش تعمل كدا!
-ماما اهي اهي اهي اتزوجنا اليوم في الغابه بس والله ما لمسني والله يا ماما
-على العموم الزواج اصلا باطل ولا يعتمد يا حضرة المحاميه انت ما قريتي انو ما بتوثق ويعتبر زنا وكمان ممكن تتجلددو في المحكمة فضحتينا الله يفضحك
-والله بحبو يا ماما بحبو
-لو بحبك كان جا طلبك رسمي انت وحده هبلة
طلعت امها وقفلت الباب
-مالك يا حامد اهدئ اختك عبيطه والولد غشاها
-خليني اموتها يا ابوي خليني اموتها اقول لي صحبي شنو ؟ اعاين كيف في وشو ؟ اقول اختي متزوجه عرفي؟
-اهدأ انا حاتصرف . ما تنسى انا محامي وعارف الزواج دا باطل وما بتوثق في قانون الاحوال عندنا بس لازم نكلم الولد دا حقو وكمان حامشي اجيب الزفت التاني ونتصرف
-لا يا بابا نحن حنتصرف خليك وحامد يكلم عبد الرحمن يلا يا حامد نطلع نجبب الكلب رد ياسر محاولا تهدئة والده
-اطمنو هم اتزوجو اليوم كمان لسه ما عملو حاجه البت سليمه بس لازم تتربى معقول دا كلو يطلع منها واالله ما مصدقه ؟!
-عشان الثقه الزايده هين يا عشوش بعدين بتك عبيطه ومتخلفه الولد غشاها بس هين انا عندي حاجات على ابوهو وحاربيهم الملاعين
في مكان اخر
-ههههههه وعملتو شنو؟
-ولا حاجه كتبنا ورقتين وبكت شويه وحنستها ونحن في المركب والجو رومانسي هههههههه
-ما اخدتها الشقه؟
-لا طبعا لي سته شهور بقنع فيها انو نيتي سليمه بس مؤقت اجي ابوظها من اول يوم لا اديها اسبوع اتنين بالكتير وصحبك يكون عريس ههههههههه
-ههههههههههه
ام يحسو بحركه الرجال خلفهم
-ما حتلحق تكون عريس يا واطي لاني حادفنك هنا
وبوكس على وجهه
-انتو منو وتتهجمو علينا باي حق
-نحن نسايبك با ابو النسب مش زوج عائشه برضو حامد بسخريه وكمان خطيب زوجتك الضربك بوكس دا اقصد زوجتك السابقه
اما محمد وياسر فمسكو خالد زين العابدين وشغالين فيهو كراتيه تقيل هههههه
-انتو عايزين شنو مرتي وبتحبني بعدين لو راجل صحبح ما كان خلتك عشاني وطاااخ بوكس تاني
-اهدى ابو عبيد حنربيه براحتنا بس كمان لازم نتكلم الاول جيب الورقه يا ولد
-ما عندي اي ورقه العايزينو اعملو
-طيب قبل ما تتهور وتعمل راجل شوف الورق دا وشوف منو الحيكون خسران ومد حامد مستندات لمعمر
-ورق شنو؟شنو دا اكيد لعبه منكم
-لعبه خلاص اصلا نحن بكره حنرمي ابوك في السجن
-اصلا ابوي ما بهمني هههههه
-اكيد ما بهمك بس امك واخواتك البنات؟
-انتو عايزين شنو؟
-عايزين الورقه وكمان توقع هنا لانو لو طلعت حاجه زي دي للناس ابوك وانت في السجن مع بعض
قعد يفتش في جيبو وطلع ورقه من الجزلان مطوية يعنايه عليها توقيعين وسلمها لحامد
-يلا امضاء وخلصنا وتاني لو سمعت مجرد سمع انك قربت من اختي الموت اهون من الحاعملو فيك
بعد ما طلعو عبد الرعمن اخد ورقة الزواج العرفي فتحها وحس ان خنجر انغرس في قلبو معقول انت ساذجه وعبيطه كدة يا عائشه هين لما اخدك عندي وقتها حتنسي الحيوان دا غصب عنك وكرمش والورقه وهم انو يرميها بس قرر يحرقها احسن
قبل ساعات قليلة
حامد
-الوابو حميد
-عبد الرحمن انا منتظرك قدام باب بيتكم عايزك ضروري انزل نحن منتظرينك ما حنقدر ندخل
- انتو؟خلاص جاي
طلع عبد الرحمن وهو مستغرب من تصرفات صديقه
فتح الباب شاف حامد وياسر ومحمد وشكلهم غريب وساكتين استغرب اكتر
-في شنو يا حامد ؟
-عائشه.. (وحكى الحكايه كلها) نحن جايين نعتزر ليك وكمان نحلك من الارتباط
-انت غبي عائشه دي خلاص بقت خطيبتي وبعدين الزواج باطل وما انا الراجل البخلي صاحبي ومرتي عشان تافه زي دا نحن كلنا حنتصرف وانا عندي مستندات تودي ابوهو ورا الشمس يلا يا حامد عائشه صغيره ولعب عليها بس انا ما حاخلي حقها وحتزوجها اذا لسه باقيين علي
-والله انت راجل يا عبيد نظرتي فيك ما خابت يلا نمشي نربي الكلب
-حاموتو اول ما اشوفو
-ههههه ما تتحمس شديد يا محمد ناخد الماشيين عشانو بعدها نديهو جلده تماااام
عائشه تبكي وعيونها ورمانه من البكا من امس الغرفه مقفوله والمفتاح مع امها يتفتح الباب
-ماما انا...
-ما عايزه اسمع صوتك انتي رميتي سمعتنا في الارض وما خفتي علينا؟ ولا على نفسك ناقصك شنو تتزوجي عرفي؟ وفي الغابه ؟الغابه يا عائشه نحن حصل مشينا حته مشبوهه زي دي؟ كلها صعاليك وشماسه وطلبه جامعات فاشلين زيكم دي اخره ثقتنا فيك؟
-ماما ارجوك انا...
-ما عايزة اسمع صوتك
دخلت ريان وجرت حضنت اختها وقعدت تبكي معاها
-ليه يا عشوش؟ ليه تعملي كدا ؟!!في نفسك وفينا ليه تجيبي لينا السمعه والكلام الشين؟ رضيتيها على نفسك كيف وعلينا؟..
-انا اسفه انا انانيه بس والله بحبو
-بعرف عشوش ويا ريت لو ما كان حبيتي معمر ما بنفعك انا اتمنيت تتزوجي عن حب ما زواج تقليدي ابدا لكن عبد الرحمن زول كويس وشكلو بحبك انتي مضطره تنسي معمر عشان تعيشي حياتك الجايه
اجابتها عائشة بالدموع ودفنت راسها في حضن اختها واستمرت في بكا مرير
خارج غرفة عائشة
الاب يحدث الام
-اها عملتي شنو؟
-ولاشي معاها ريان وحانزلها الدخان من بكره ريان حتساعدني انتو اتفقتو على شنو؟
-العرس بعد شهر والشيله الاسبوع الجاي تنزل مع ريان وعبد الرحمن يشتروها يا ويلها تعمل مشاكل انا ما ناقص كفايه صدمتي فيها ما اتخيلت عائشة تعمل كده في يوم!
-انا كمان ما صدقت لكن عشوش عبيطه شويه فقدر يلعب عليها الله يجازيهو:(
في مطار الخرطوم
جلس شاب وحيد وسرحان في صاله المغادرة ينتظر طائرتة المغادره الى مصر ومنها الي انجلترا
-( ربنا يوفقك ويسعدك يا عشوش اااخخخ بس ااخ لو ما ابوك انتي ما عندك ذنب حبيبتي بس بسبب ابوي وابوك حنتفرق بالجد انا حبيتك ايوا حبيتك منو البقدر يقاوم برائتك ونقائك انتي جوهره غالية يارب تسعدي انا حاختفي من حياتك للابد )
-الرجاء من المسافرين على متن الرحله.....12 المغادرة الى مصر التوجهه للبوابة......
فحمل حقيبته واتجه للبوابه لم يودع شله الانس التي كانت سبب فساده ولم يودع ابواه اكتفى بالرحيل
فجاءه امسك هاتفه واتصل ردي ردي ارجوك
-الوو منو معاي
-سلمى انا معمر ما تقاطعيني اسمعيني للاخير ارجوكي
-نعم بسمعك؟
-انا مسافر بريطانيا وما حارجع تاني عايزك توصلي لعشوش الرساله دي انا اسف وبعتذر عن كل شي انا حبيتك بالجد عيشي حياتك وكوني سعيده ارجوكي يا سلمى بحق الايام القضيناها مع بعض
-تمام بس انت عملت شي كبير ختيت البت في ورطه وابوه حيزوجها بالغصب
-بتمنى ليها السعادة وخلي بالك منها
-ما انا الحاخلي بالي منها من هنا ورايح هي عندها زوج يهتم بيها
-علي الساده المسافرين ...سلمى دا النداء الاخير مع السلامه في امان الله .
-في امان الله
في منزل عائشة
-السلام عليكم
-وعليكم السلامه حبيبه كيف اهلك ان شاء الله كويسين
-حمد لله تمام يا خالتو عشوش كيف بقت احسن؟
-ايوا في غرفتها اتفضلي يا بتي البيت بيتك
-تسلمي خالتو
-سلمى عندك خبر من ولد عبد الغني؟
-بصراحه يا خالتو ايوا هو سافر اليوم برطانيا
-ان شاء الله ما يرجع خرب على بتي حياتها
-ما اظن يرجع يا خالتو
-يسمع منك الله يا بتي اتفضلي معاها ريان
-كويس يا خالتو
اسرعت سلمى لغرفه عشوش طرقت الباب ودخلت وجدت عائشة تبكي في حضن اختها بدت كئيبة وشاحبة
-عشوش
-سلمى اهيييييياهي حيزوجوني غصب يا سلمى
احتضنتها سلمى تواسيها وتربت على شعرها وظهرها
-كيفك ريان؟
-بخير الحمد لله كيف خالتو؟
-حمد الله بخير
-حاجيب عصير واجي خرجت ريان لانها احست انهما بحاجه للانفراد
-عشوش معمر سافر
-سافر سافر وين؟ انتي بتكذبي
-والله هو اتصل على وطلب مني اوصل ليك الرسالة دي سمعتها المقطع الصوتي بكت عائشة وامسكت الهاتف واتصلت اتاها صوت الرد الالى عفوا هذا المشترك خاج نطاق الخدمة
-لا مستحيل يعمل كدا انا بحبو يا سلمى ما حيتخلى عندي
دخلت ريان تحمل العصير
-يا ريان معمر سافر اتخلى عني ما وقف معاي وهي تبكي وتصرخ
-بس حبيبتي ما يستاهل دمعه منك
انهارت عائشة بالبكاء حتى نامت تخرج شهقات خفيفه
-الله يحرق قلبو زي ما حرق قلبك
-بصراحة يا ريان معمر فاسد لكن انا متاكدة من مشاعرو تجاه عائشه
-يلا ربنا يسهل عليهو كفايه لحدي هنا خرب حياة اختي انتي عارفة عائشه هشه وبتتاثر بسرعة
-والله كلنا حذرناها منو حتى خالد زين العابدين
-ما يكون ولد زين العابدين ....
-ياهو زاتو ولدو اكتر واحد فاسد في الشلة وصاحب معمر
-سيبك منهم اها معز كيف ؟
-كويس الحمد لله حنتزوج بعد اتخرج ان شاء الله
-ان شاء الله
- خلاص حنخلي الشله دي اصلا كنا فيها عشان عائشه ومعمر والباقين تافهين ما منهم فايده
-يكون احسن خليكم انتو معاها
-اكيد يلا انا استاذن
-لسه بدري
-بجيكم مرة تانيه عائشة خلي بالك منها
-في عيوني
-يلا باي
-باي

-