Prophecy of Love

Chapter2- 2nd Accident

CHAPTER 2 –

>Viel<

After that incident ay lumayo na muna ako kay Matthew. Mahirap ng mabawasan ulit ng 1 week ang buhay ko. Hindi ako sumasabay papuntang university kahit sa pag-uwi. Dumating din si Tito Leandro pero saglit lang ito, mag-out of the country na naman siya.

Nababadtrip pa siya dahil parating umuulan. Ano bang aasahan niya kapag July, tag-ulan diba? Kaya heto nakahiga lang ako dahil ayaw naman akong patulungin ng mga katulong sa kusina. Pero ang boring talaga, mangingialam na lang ako doon.

Pababa na ako ng makita ko si Matthew, duguan. Napapikit ako. Hindi ko alam ang lugar na iyon, nakikipagkarera siya. Sandali, kailangan niyang tumigil.

"Huwag!!!!" sigaw ko.

Napatingin si Matthew sa akin.

"Hoy bakulaw, bawal kang umalis." Sigaw ko sa kanya. Agad akong lumapit sa kanya.

"Back off, Tumigil ka na nga sa mga pinagsasabi mong puro kalokohan."

"Damn you! Sumunod ka sa akin." Sabay hablot sa susi ng Pagani Huayra niya sabay takbo paakyat ng kwarto.

"Hoy baliw ibalik mo iyan sa akin."

Patay ako. Kapag may duplicate key siya makukuha niya agad ito. Panay ang katok niya sa pinto.

"Kapag hindi ako nakadalo sa event na iyon papatayin kita."

"Bahala ka, basta hindi ka pupunta doon ngayon." Sagot ko naman sa kanya.

Narinig niyang tumawag ito ng katulong. Pinakuha talaga niya ang duplicate key nito. No choice, doon lang niya ito pwedeng itago.

"Hoy baliw, akin na!"

Galit na galit talaga ito.

"Hanapin mo. Kung mahahanap mo." Sagot ko. Kailangan ko siyang mapanatili dito sa loob ng bahay sa loob ng isang oras.

"Wala akong oras na makipagbiruan sa iyo. Give me my key."

Wait!!! Harrasment ito. Hinawakan niya ang kamay ko at tinignan ang bulsa ng shorts ko. Ng hindi niya makapa, naghalughog ito sa loob ng kwarto ko.

"Ano ba baliw! Ibigay mo na. Kapag na late ako hindi ako makakapagkarera."

"Isusumbong kita kay Tito Leandro." Banta ko sa kanya.

"Go! Gusto mo tawagan ko pa? Asan na ba kasi."

30 minutes na. may 30 minutes pa.

"Ewan ko. Hanapin mo!" at naupo ako sa kama. Hinayaan ko lang siyang maghanap.

"Kapag hindi ako nakapunta, humanda ka. I'm sure hindi mo magugustuhan an gang gagawin ko sa iyo."