#الجزء_السادس وماقبل الاخير
بدق لسمر وبتحكي معها ..سمر لرشا فيكي تجي لعنا بدي اعرف التفاصيل ...رشا طيب شوي وبجي غيث بيكون سمع كلام سمر ويستنى رشا على نار ...بدق الباب بيفتح غيث ..مرحبا غيث كيفك ...بيقلها تعي معي بدي احكي معك ...سمر وامها عم يسمعو غيث ...رشا لا انا جاي لعند سمر ...بيسحبها من أيدها على غرفتو وسمر وامها بيلحقو وهنن خايفين من غيث لانو الغضب سيطر عليه ...رشا بتقلو تريك أيدي غيث لو سمحت ما بدي احكي معك ...غيث بيفوتها على غرفتو وبيقفل الباب حتى أمو وأختو ما يفوتو. ..رشا شبك شو جنيت. .غيث اي جنيت فهميني شو صار مبارح ...رشا انت ما دخلك ...غيث بيعصب اكتر كيف ما دخلني ...رشا ليش مزعوج ...غيث انا انا ...رشا ليك غيث اذا ما في شي تقولو تركني ...غيث انا ما في اتخيلك مع واحد تاني ...رشا كيف ...غيث متل ما سمعتي ...هي الجوازه بترفضيها. ..رشا بس هيك ..غيث بيصيح على رشا شو بس هيك عم أقلك ما بقدر اشوفك مع حدا غيري ....رشا غيث انت بتحبني. ..غيث بيسكت ...رشا جاوبني غيث انت بتحبني...غيث ما بيقدر ينطقها. ...رشا طيب اذا ما بتحبني ليش هيك عم تعمل وبتصير تبكي ...وتقول انت غبي وتافه و أفكارك تافهه متلك ...غيث انت شو عم تقولي ...رشا متل ما سمعت ...انت ضعيف وجبان ما عندك احترام لحدا كنت مفكرتك فتى احلامي بس للاسف طلعت أقل بكتير من يلي كنت متخيلتو واحد مو عارف يسيطر على حالو روح على دكتور نفسي خلي يعالجك بركي عقلك بيرجعلك ....كلام رشا كان قاتل لغيث كيف بتحكي معو هيك وفقد اعصابو و قلها خلص ما بدي اسمع منك اي شي ...رشا لا بدك تسمع مني متل ما انا سمعت انت مين حتى تقيم مستواي بمستواك عيلتي مو متل عيلتك بس فينا عنا الكرامه بتسواك وعادل احسن منك بكتير وأعلى منك بكفي رجال وقادر ياخد قرار مو متلك ضعيف ..غيث فقد اعصابو وضرب رشا كف ما حس على حالو كيف عمل هيك ورشا بتتفاجا من ردت فعلو وبتطلع من غرفتو ودموعها على خدا وعم تبكي من قلب محروق سمر وامها بيحاولو يهدوها وغيث عرف الخطأ يلي عملو حاول يلحق رشا بس كانت تاركه البيت وهون سمر بيعلى صوتها انت فعلا مريض غيث بيترك البيت و بيطلع وما بخبر حدا لوين راح ورشا بترجع على بيتها مكسوره الخاطر ومقهوره من غيث كتير
غيث طول الليل ما بيرجع على البيت و أهلو خايفين عليه لانو طلع وعقل ما فيو ..رشا الزعل والقهر مبين عليها بس ما خبرت حدا بيلي صار معها أمو لعادل بتحكي مع امها و بتاخد موعد حتى يشترو المحابس والدهب الأم رشا اليوم المسا بدنا نطلع نشتري الدهب وبكره الصبح بدنا نجيب فستان الك للخطبه رشا متل ما بدك امي ..و فعلا المسا بيجي عادل وأمو وابو لعندهن و بيطلعو سوا حتى يشترو المحابس عادل كيفك رشا..رشا تمام ..عادل بعد اذنك عمي ممكن اطلع مع رشا بسيارتي لحالنا. .الأب اي عادل هلق انت صرت انت واحد منا ومتل ابني ...عادل بركب هو ورشا بالسياره. ..عادل رشا انا من وقت يلي شفتك ما رحتي من بالي سيطرتي على قلبي وعقلي ...رشا تسلم ..عادل بس هيك..انتي ما فكرتي فيني...رشا ما بترد عليه ...عادل لا تخجلي هلق انتي صرتي الي وانا الك وبدي اخبرك بشغله انو بعد الخطبه فتره قصيره العرس لهيك بدي ما أخلي اي حاجز بينا ..رشا كيف يعني العرس بعد فتره ..عادل اي شهر بالكتير ..رشا بس كتير بكير ما بدنا نعرف بعض بالأول. ..عادل الك علي شهر بتكوني عرفتيني منيح وانا من جهتي حبيتك من أول ما شفتك و بدي تكوني معي بيبتي بقرب وقت ..رشا ما بتعرف كيف ترد قلبها لسه معلق بغيث وبدها وقت حتى تنسى وتتقبل عادل ..رشا عادل لو طلبت منك طلب بتلبيني. ..عادل طلبي روحي بترخصلك فينا ناجل موضوع العرس لبعدين عادل متل ما بدك وبيصلو على الصاغه عادل بيقلها نقي يلي بتحبي بيختارو المحابس وعادل بيختار طقم دهب الها كتير حلو وغالي. .الأب لا يا ابني هيك كتير نحنا مو طالبين منك تشتري فوق طاقتك. .عادل لا يا عمي هاد الطقم ما بيلبق إلا لرشا ..فرح الأب لانو صهرو كتير أكابر وحابب بنتو..بيرجعو على البيت طبعا عادل ورشا بالسياره لحالهن..وبس يصلو بتنزل رشا من السياره..و عادل بيكون مجهز هديه الها وعند الباب بيقلها هي الك ..رشا يسلمو انت عم تخجلني. ..الصدفه جابت غيث لعند باب رشا وشافها واقفه مع عادل وهو عم يعطيها الهديه عادل بيقرب كتير على رشا وبيقلها رح اشتقلك. .رشا بتخجل وما بترد ...عادل رح اشتقلك ما سمعتي ..رشا مبلى..لكن قولي وانا كمان ...رشا خلص عادل انت كتير عم تخجلني بيمسك ايدها وبيقلها رح استنى يوم الخطبه على أحر من الجمر حتى اربط كل حياتي بحياتك...وغيث واقف وعم يشوف ولأول مره بحس بشعور غريب ....بيرجع عادل على بيتو..وغيث كمان و بس يفوت أمو وين كنت غليت قلبي غيث تركيني امي ...غيث بيفوت على غرفتو ولأول مره بيبكي و بتنزل دموعو ....وقال ..أي بحبها و بجنون بس هلق شو اعمل ...بيتصل لعند رشا ...و بترد عليه و بيدور الحديث بينهن .....
#يتبع
