**************************************
عبدالمحسن والاستعجال
في يوم جاء عبدالمحسن:
ريما...ريما
ريما:سم
عبدالمحسن:شوفي اليوم قابلت صديقي خالد واتفقت معاه الاسبوع الجاي بنروح للدمام نتمشى
وش رايك؟؟
ريما:طيب خلني افكر
عبدالمحسن:افااا ..وش تفكرين فيه؟؟
السالفة ما تحتاج كل هالتعقيد
ريما:عبدالمحسن ...انت شفيك؟؟؟
السفر يعني رحلة والرحلة تبي ترتيبات واستعداد
عبدالمحسن:لازم يعني تضخمين الامور
وتعطينها حجم اكبر من حجمها
ريما:والله انت قلت وش رايك ؟
وهذا رايي
وش رايك تبي شاي ؟؟
عبدالمحسن:لا ما ابي؟؟
ريما :شاي لذيذ
وصعيدي
عبدالمحسن:لا
ريما:براحتك انا
بسوي لي
كاسة شاي اروق عليها
دخل عبدالمحسن غرفته.
...وغير ملابسه
وطلع للصالة لقى ريما جالسة وحاطة رجل على رجل وتشرب الشاي بكل رواقة
عبدالمحسن جلس
ويهز رجله متوتر
:ليش ما شغلتي التلفزيون؟؟؟
ريما:ودي بجو هادي
عبدالمحسن:عشان تفكرين
ريما:منزلةراسها
تشرب الشاي ورافعة عيونها لعبدالمحسن
:تطنز
عبدالمحسن:يضحك
ريما:الحكاية وما فيها
اني احب الهدوء
عبدالمحسن:ومتى بتردين علي
ريما:عطني يومين
ورشفت من الكاس اللي بيدها
وقالت:
عبدالمحسن كل شي في الدنيا يبي له تفكير ودراسة
وترى العجلة من الشيطان
عبدالمحسن:العجلة من الشيطان في الامور الضارة مو الامور المفيدة
ريما:وش رايك نفكر في الموضوع سوا واللحين
