سما : في الليل فتحت الفيس ضليت اتفرج على المنشورات وفجأة اجتني رسالة من محمد
محمد: هلو سما شلونج
سما: هلو محمد الحمد لله وانت
محمد : بخير بعدج ضايجة لو لا
سما : لا انسى ما ضايجة
ضلينا نحجي لحد ل1 باليل صرنا أصدقاء ومتفاهمين سولفلي على حبة الأول أو هو كال إعجاب من بعيد
محمد : لج فديتج سما نفس تفكيري تكرهين العلاقات
سما : مو اكرها بس كلشي بالقسمة اذا الله كاتبة يصير
محمد : صحيح ولج صارت ب2 روحي نامي
سما : ههههههه بأي
محمد : بأي
ما ادري شلون بت علاقتي بيها تقوى وانعجبت بيها وباخلاقها لأن هي حبابة وطيبة بقينا فترة نحجي أصدقاء بس اني اتعلقت بيها
وبيوم من الأيام هم ضلينا سهرانين نحجي وثاني شفتها تعبانة ونعسانة
محمد : ولج سما هاي شبيها عيونج
سما : عزة شبيها
محمد : مبين ما نايمة شعندج
سما : هههههه كلشي ما عندي
محمد : سما أريد اكولج شي احنا أصدقاء بس اتعلقت بيج وحبيتج والله انتي والله حب بحياتي أتمنى تقبلين بية أريدج بالحلال
سما : متت خجل
شنو ما أكدر
محمد : لا تستعجلين فكري
سما : رجعت للبيت أفكر بهاي الورطة هههههه قصدي بي لأن اني هم صار شهرين نحجي صدك حبيتة لأن أول مرة اجرب الحب سديت الفيس وما ارد
وحتى بالكلية ما اشوفة اختفي شلعت كلبة أسبوع
سما : يوم الأحد نزلت من الخط ورحت دخلت لكيتة واكف يم القاعة
محمد : سما انتظري والله تعبت كولي موافقة لو لا
سما : محمد احنا ميصير قصدي أخاف
محمد : كافي لا تكملين آسف اذا ضوجتج
سما : ولك خل أكمل اني هم موافقة
محمد : كولي والله لج اموت عليج
سما : كافي عيب
ورحنا يم جماعتنا سمر وسامر هم يحبون بعض حيدر ما مكبل هههه ومروة مثل البومة واكفة على كلبي
محمد : سلام
الجميع : وعليكم السلام
مروة : محمد وين مختفي أريد اكولك شي
محمد : اني أريد احجي اني وسما واحد يحب إلخ وراح اخطبها بعد فترة
مروة : شنو تخطبها الحثالة
