وكفي.... الجزء الأول 》أصدقاء وكفي....

الفصل الثاني

أصدقاء وكفي....»الفصل الثاني
* * * * * * *آينور* * * * * * *
لاحظت أني لم أخبركم بأي جامعه أنا....أنا بجامعة المنوفيه كلية التربيه قسم لغه عربيه.......
* * * * * *أيسل* * * * * * * *
أنا أعشق جامعتي، لكن مهلا ألم أخبركم ما هي؟...حسنا سأخبركم، أنا بجامعة الدقهليه كلية التربيه قسم تربيه موسيقيه......
* * * * * * *قمر* * * * * * *
ما هي جامعتي؟! خطر علي بالي هذا السؤال الآن وانا في طريقي إلي الجامعه وتذكرت أني لم أخبركم، عامة انا في جامعة طنطا كلية التربيه قسم تربيه رياضيه.......
* * * * * * *صبا* * * * * * *
ها أنا الآن في طريقي إلي الجامعه، انا في جامعة الشرقيه كلية تربيه قسم تربيه فنيه.......
* * * * * * *دارين* * * * * * *
سأخبركم ما هي جامعتي؟ أنا دارين عادل أدرس في جامعة السويس كلية التربيه قسم رياض أطفال........
* * *
الآن عرَّفتكم علي أبطالنا، إلي لقاء بعيد، فأنا لا أدري متي سأظهر ثانية......
* * * * * * *آينور* * * * * * *
وصلت جامعتي وحمداً لله لم أتأخر عن المحاضره و....لحظه أتت صديقتي:
آينور:إزيك يا جنه
جنه:الحمد لله
آينور:عاش من شافك يا بنتي
جنه بذهول:آينور أنا كنت معاكي امبارح
آينور بضحك:يا بنتي بهزر
صمتت جنه ووضح علي ملامحها التفكير، وقالت:آينور
آينور:نعم
جنه بإبتسامه:Happy birthday يا آينوني
واحتضنتني بشده، لكن أنل أبعدتها واصتنعت الغضب وقلت:آينوني تاني أنا مش قلت بلاش الإسم ده
جنه:ايه الفصلان ده
حقيقة لم أتمالك نفسي من الضحك وقلت:خلا هاتي بقا الهديه
جنه غامزه لي:أيوه بقا ما انتِ عارفه الحوار كله أهو
آينور:أيوه متوهينيش في الكلام فين الهديه؟
جنه:ماديه حقيره
آينور:عارفه عارفه، هاتي الهديه بقا
أدخلت يدها بحقيبتها وأخرجت علبه صغيره جدا، خاب أملي لأني كنت أتوقع أن تأتي لي بشوكولا وبدت خيبة أملي علي وجهي بشده، فقالت:طبعا كنت مفكراني هجيبلك شوكولاته زي كل سنه
آينور:بصراحه اه
جنه وهي ماده يدها بالعلبه:طب خدي افتحيها وقوليلي دي أحسن ولا الشوكولاته
أخذتها وانا أتوقع أن تكون إكسسوار كعادتها، فتحتها وقلت بإندهاش:دي فضه؟!
جنه:اه
كدت أقفز من الفرحه، قلت:جايبالي خاتم Infinity فضه؟!
جنه:اه يا آينور مالك بتسألي كأنك مش انت اللي قايلالي عليه؟
آينور:ده أثر الصدمه أثر الصدمه بس انت حبيبتي يا جوجو شكرا يا حبيبتي بحبك والله
واحتضنتها حتي كادت تختنق، فأبعدتني بقوه قائله:مقدره مشاعرك والله بس انت كده هتموتيني
آينور:هههههههههههههه
شاب:يا آنسه
آينور:أحم نعم
شاب:انتو في قسم لغه عربيه؟!
جنه:اه حضرتك
شاب:طب يلا معايا
جنه وآينور:نعم!!!
شاب بحده:هو ايه اللي نعم انتو الاتنين مش عندكو محاضره يعني أول يوم في السنه وبالمنظر ده حسبي الله
جنه:انت مين أصلا عشان تكلمن كده؟!
الشاب:عموما انتو عندكو محاضره دلوقتي
واستطرد وهو يمشي:اللهم بلغت اللهم فاشهد
كنا ننظر لبعض في دهشه وقلنا في آن واحد:لا حول ولا قوة إلا بالله

ذهبنا وأخذنا الجدول وظهر أننا لدينا محاضره فعلا، ذهبنا بسرعه إلي هناك، جلسنا وبدأنا في الحديث حتي يأتي الدكتور.........
آينور:بس الخاتم حلو أوي في ايدي
جنه:طبعـ.......
لم تكمل كلمتها بل اتسعت عيناها اندهاشا فقلت:في اييـ.........
كان هو الدكتور، لقد ذهلت.......
بدء في الكلام معرفا نفسه:أنا الدكتور آسر إن شاء الله معاكو الترم التاني كله عرفوني بقا علي نفسكو
بدء الطلاب في تعريف أنفسهم وجاء الدور علي، وقفت وهممت أن أقول إسمي، لكن قاطعني قائلا:آينور أحمد واللي جمبك جنه عبد السلام، مش كده ولا ايه؟!
ذهلنا حقا، من أين يعلم أسمائنا؟!
همت جنه بقول شيء بعد أن قامت ووقفت، لكن قاطعها قائلا:من الكنترول عرفت أساميكو من الكنترول، إنما ليه بقا؟! ف طبعا لازم أعرف أسامي الآنسات المحترمات اللي نزلو تهزيء فيا، مش كده ولا ايه يا جنه؟!
تسمرت مكاني فتره وكنت أعلم ماذا سيحدث، ف جنه لن تسكت عن حقها أبدا و.....جنه بحده وصوت عالي:حضرتك جاي تسألنا انتو في قسم لغه عربيه قولنالك اه قولتلنا يلا معايا، يلا معاك فين يعني؟!
ضحك كل الطلاب وكاد الدكتور آسر أن ينفجر من الغضب....لا بل انفجر بها صائحا:معايا ع المحاضره
جنه بحده:والمفروض إن أنا بقا بشم علي ضهر ايدي وأول ما تقولي يلا معايا أفهم إن حضرتك الدكتور وإن حضرتك قصدك آجي القاعه عشان المحاضره
آسر بحده:اطلعي بره
استفزتني كلمته بشده، إن لم يقدر علي مواجهتها وإعلان أنه المخطيء يجب علي الأقل ألا يطردها فمهما حدث هو المخطيء...
قلت له بحده مماثله لحدتهم:حضرتك مش عايز تعترف إنك انت المخطيء براحتك لكن تطردها كمان من المحاضره ليه إن شاء الله؟!
آسر:هي الغلطانه أصلا إزاي تكلمني كده
آينور:البنات في مصر بالنسبه للشباب نوعين اللي تركبله الوش الخشب، دي بيقول عليها محترمه، واللي بتكلم معاه عادي سوري يعني بيقول عليها شمال
آسر:لأ إما تتكلم عادي محدش يقدر يقول عليها نص كلمه
آينور:وهو المفروض أرد عليك عادي لما تقولي تعالي معايا ولا إما نبقي أول مرة في حياتنا نشوفك وتزعق فينا حتي لو عارفين إن انت الدكتور انت أصلا مش من حقك تزعق فينا ناقص تمد ايدك.....ونظرت إلي الطلاب وأكملت:صح ولا أنا غلطانه؟!
أجاب جميع الطلاب بما فيهم جنه ب:صح
نظرت له نظرة انتصار وغيظ شديد وفجأه لم أدر بنفسي ولا حتي بما حدث.....آخر شيء رأيته هو وجهة هو وجنه وكان باد علي وجههما علامات الذعر.......
سقف أبيض، غرفه بيضاء، هل مت ودخلت الجنه وهذا شكلها، هذا اول ما دار في بالي، أتت فتاه ترتدي أبيض أيضا.....قالت لي:حمد الله علي سلامتك
استدركت أخيرا أني بالمشفي وأن هذه ممرضه، قلت:الله يسلمك بس أنا جيت إزاي؟! وايه اللي حصل؟!
الممرضه بنوع من القرف:هنادي صاحبتك وصاحبك يحكولك
إندهشت...لا بل ذهلت لقد قالت صديقك، ما هذا الهراء؟!
آينور:صاحبي!!!!!
الممرضه:أستاذ آسر سيف الدين وتقريبا الآنسه اللي معاه اسمها جنه
آينور:دخليهم حالا
الممرضه:طب مش عايزه تعرفي عندك ايه؟!
آينور:عارفه، إخلصي ناديهم
الممرضه وهي تمشي:شغلانه تقصر العمر
وأقفلت الباب بشده، بعد أقل من دقيقه دخل آسر وجنه......
آينور:شوفتي يا جنه علي آخر الزمن يتقال عليا مصاحبه لأ ومين؟!....وأشرت إلي آسر واكملت:ده
لم تتمالك جنه نفسها من الضحك، كاد ينفجر في وجهي، بكن إنفجرت به أولا:انت إزاي تجيبني هنا؟!
آسر بحده:تصدقي وتؤمني بالله إن أنا كنت قلقان عليكي
آينور:بصفتك إيه بالنسبالي؟!
آسر:لأن انتي في الوقت اللي أغم عليكي فيه كنت مسئوله مني
آينور:اه وإزاي تجيبني هنا؟!
آسر بسخريه:لأ كنت أسيبك تموتي
لم تتمالك نفسها كعادتها وبدأت بالضحك، نظرت لها نظره ناريه ألجمتها تماما، وقلت موجهة الحديث ل آسر:أنا عندي أموت ولا انت تجيبني المستشفي وبعدين جنه عارفه بتفوقني إزاي لم بيحصلي كده
جنه:لأ ده صمم يجيب الإسعاف
آينور:وانت كنت فين؟!
جنه بخوف:والله قولتله أنا عارفه هعمل ايه مردش عليا واتصل بالإسعاف
آسر:ثانيه واحده هو انت علي طول بيحصلك كده
آينور بلا مبالاه:اه
آسر:ليه؟!
آينور:عندي سكر
بدا علي وجهة الصدمه وقال معتذرا:أنا آسف والله مكنتش أعرف
آينور:ولا يهمك
قال متسائلا وموجها الحديث إلي جنه:بس كنتي هتعملي إيه؟!
جنه:هي أغم عليها عشان سكرها واطي وطبعا الهانم مبتاكلش و....
آسر:آنسه آينور كده عيب ابقي كلي لو سمحتي...ونظر إلي جنه مكملا:ها كملي يا آنسه جنه
حقيقة لم أتمالك نفسي من فرط الضحك، نظرت جنه له نظره ناريه وقالت:لوسمحت بطل تريقه وكمان أنا مش آنسه أنا مدام
آسر:احم انا آسف مكنتش أعرف
آينور:شكر الله سعيكم يلا لو سمحت مع السلامه عشان خلاص إحنا هنمشي
قال من بين ضحكاته وهو يخرج من الغرفه: تحضرو انتو الإتنين بكره
ذهبت جنه إلي زوجها في بيتهما وذهبت أنا أيضا إلي بيتي وانتهي اليوم......
* * *
أما عن باقي أبطالنا فكان يومهم عاديا ليس به أي مشاكل......
.
.
.
.
.
يتبع
1092 كلمه 😄