احببتگ بصدق

البداية

ام ساره:يي اجيت منو!!

فتحت الباب:اهلا وسهلا اتفضلي ام مصطفى

ام مصطفى:اهلا بيج حبيبتي واسفه اجيتج بهيج وقت بدون موعد

ام ساره:لا بالعكس نورتي اهلا وسهلا اتفضلي

ام مصطفى:تسلمين عيني

ام مصطفى:وين ساره !

ام ساره:مريضه ونايمه

ام مصطفى:خير اشبيه! عدها العافيه

ام ساره:الله ايعافيج..مصخنه وحرارتها مرتفعه انطيته علاج وهسه نامت

ام مصطفى:سلامتهاا ان شاء الله...عيني ام ساره اني جايه اعتذر ع الموقف الي سواها ابني وكولش خجلانه منكم و...

ام ساره:ام مصطفى لا تعتذرين ولا شي هو مثل ابني واحنه خوات..خلي اجيبلج شي تشربينه

ام مصطفى :شكرا ام ساره

بعد مرؤر ساعه راحت ام مصطفى

ام ساره:خلي اشوف ساره اشون صارت

اووف خطيه ام مصطفى نست مناظرها

راحت ام ساره لساره..جانت حرارتها بعدها مرتفعه بعدها

اندك الباب.......ام ساره اكيد رجعت حتى تاخذ مناظرهاا

فتحت الباب"-"
ام ساره:اتفضل منو!
هذا بيت ساره صح اني حسن مديرها

ام ساره:اهاا اهلا اهلا ابني

حسن:اسف اجيت بهذا الوقت

ام ساره:لا عادي البيت بيتك ابني

حسن:جبت الدكتور ويايه اكيد محتاجه دكتور

ام ساره:اتفضلوا ابني

صعدوا لغرفه ساره
فحص الدكتور ساره

حسن:ها دكتور

الدكتور:لتخافون هذا علاج يوم واصير زين بس اهم شي حرارتها مترتفع لان اصير الحاله خطيره

حسن:اوك اشكرك دكتور...

وصل حسن الدكتور واخذا الوصفه

وره ربع ساعه..اندك الباب

فتحت الباب ام ساره

لكت حسن جايب العلاج

ام ساره:اتفضل ابني

حسن:لا شكرا خاله بس هذا العلاج خلي تاخذه بموعده انتبهي عليه

ام ساره:مااعرف اشون اشكرك ابني صارت زحمه عليك

بهاي الاثناء اجه مصطفى شاف حسن ديحجي ويه ام ساره

مصطفى:اشونج خاله. اشونه ساره
ام ساره:الحمدلله..حسن ماقصر جابلها الدكتور وهسه هي نايمه
مصطفى:ايباوع بحقد لحسن...ليش مكلتيلي خاله؟

ام ساره:متقصر ابني تسلم

حسن:يله اترخص اني تصبحين ع خير خاله

ركب حسن للسياره

اجه وراه مصطفى:دك الجامه مالت السياره

حسن:شتريد

مصطفى:لتفكر بهاي حركاتك راح ساره اتحبك وتكدر تضحك عليه بفلوسك..ساره اليه

حسن:مممم كلتلي الك..اوك انشوف ههههه (نظرته استفزازيه)

حسن:حرك السياره وعافه وراح ^-*
..........................................♥♡♥
ثاني يوم كعدت ساره (تعبانه ودايخه)
شافت الساعه
ساره:عزه الساعه2الظهر اشون ماكعدت للشغل وليش ماما مكعدتني
نزلت ساره لامها
ام ساره:حبيبتي اشون صرتي؟
ساره:لازينه...بس ليش خليتيني انام لهيج وقت؟ عندي شغل

ام ساره : ياشغل بنتي البارحه متدرين بنفسج من الصخونه

سولفت ام ساره.شنو صار لبارحه

ساره:شنو ماما الي جابلي الدكتور حسن!! متاكده!! اشون شكله!!

ام ساره : يي بنتي اشبيج هو كال حسن مديرج

ام ساره:لازم تشكرين منه بنتي

ساره:(ليش هيج سوه!! لازم اشكره...مزعج يي يبقى مزعج)

اجني صديقات ساره..اطمنن عليه بعدين راحن
ساعه 8بالليل صعدت ساره
ساره:اخذت الموبايل اتصل لولا...لو ع باجر من ارؤح للشغل
لا لازم اتصل عيب

حسن:الووو

ساره:الوو اني ساره

حسن:اشونج! اشون صرتي!

ساره:الحمدلله ...ممم شكرا ع الي سويته

حسن:ممم2 ميصير بس هيج اشكرين!

ساره:لعد!اشون!!

حسن:باجر من تجين اكولج ههه

ساره:اهاا اوك اشوفك باجر

حسن:وإني هم ديربالج ع نفسج سوسو

ساره :(هو كال شي موو يي كال ) بينه وبين نفسه

حسن:الوو نمتي..شنو دااحجي ويه رؤحي هههه

ساره:ها لا وياك اوك اشوفك باجر تصبح ع خير

حسن:وانتي من اهلو سوسو ههه (ضحكه خبيثه)

....................^^....................^^.................

خلص البااارت ان شاء الله يعجبكم

لتنسوون فويت+كوومنت ^-^