=مرت الايام=
صحيح مرت الايام ومرام تقربت من جاسم اكثر وطلع شاب لطيف جدا ويدخل القلب. ودشينا الجامعه واول يوم دوام
مرام: شعول وينج يلا بيبتدي الكلاس خلصي علي من اول يوم متاخره!!!
مشاعل: يلا يلا الحين بدش الجامعه
مرام: زين حبيبتي
وانا داشه الجامعه ومادل وين اروح حصلت مجموعه شباب وفتحت الدريشه وسالت
مشاعل: اخوي تعرف وين مبنى البزنس
هو: اي اختي هاي المبنى اللي على يدج اليمين
مشاعل بدون اهتمام: مشكور
وصلت المبنى وشفت مرام وخذنا لنا شي نشربه ورحنا الكلاس واول مادشيت الكلاس وشفت المدرس
مشاعل مصدومه: مرام مرام
مرام: شفيج وجع
مشاعل: هاي اعرفه اعرفه
مرام: زين وين المشكله واصلا شلون تعرفينه
مشاعل: هاي اللي سالته عن المبنى
مرام مصدومه: طلع مدرس
مشاعل: لا اخوه اكيد المدرس
مرام: شلون جي
مشاعل: امشي بس يلا خل نقعد
وقعدنا في زاويه من الكلاس وانا مابي اشوف ماعرف ليه بس مب حابه اشوفه . هو اسمه خالد شاب يدرس انجليزي مب طويل واجد بس اسمر ولونه عجيب ولبس حده ستايل وانيق وكل شي فارس احلامي يمكن بس مادري ليه مب مرتاحه له
مرام: مشاعل وين رحتي حبيبتي خلي بالج مع المدرس الجميل
مشاعل في قلبها: اي والله جميل … الواقع معاكم انا
وخلص الدرس واول ماطلعت ركض وراي
خالد: اختي اختي
مشاعل في خاطرها: يناديني انا ولا شسالفه
مشيت وخليته وجا في وجهي
خالد: اختي
مشاعل: هلا
خالد: ساميحني ماعرف اسمج بس عرفتيني انا اللي مساع كلمتيني
مشاعل: اي تفضل
خالد: بس حبيت اعرف اسمج
مشاعل: بتعرفه مع الايام في الكلاس
