JESSICA
"يلا ستيف جا وقت النوم"
"بس ماما ابي اقعد مع خالتي اماندا"
قامت اماندا
"بس انا بروح الحين"
لفيت عليها
"وين رايحه اقعدي"
ابتسمت وتشيل شنطتها
"الحفله بكره تشوفوني"
قمت معاها ولما وصلنا عند الباب ضميتها
"سلمي على جايك باي"
"باي"
سكرت الباب وراها ورجعت لستيف
وقف
"لاتطالعيني كذا بروح الغرفه"
لما لف ضحكت عليه ودخلت غرفتي
سمعت اصوات بالجدار واستغربت
قربت من الجدار صوت طق
بس ما اذكر ان في احد بالشقه اللي جنبي
غيرت ملابسي ودخلت بفراشي
الصوت مو راضي يوقف
حطيت مخده على راسي وتنهدت
لسه صوت الطق قوي اففففف
رميت اللحاف ولبست روب وطلعت من الغرفه
رحت للشقه اللي جنبي واستحيت اطق الباب بالبدايه بس قويت نفسي وطقيت
مو حلوه يكون اول لقاء بجاري الجديد بهالشكل فتح الباب وفتحت عيوني
"لوي!!!"
ابتسم
"جيس زين جيتي تعالي ابيك تساعديني .. شورتك حلو على فكره"
قالها وهو يسحب يدي داخل
دخلت لغرفته وهد يدي
"لوي .."
قطعني
"امسكي اللوحه من هالجهه احاول اثبتها ومو راضيه تتثبت"
لاشعوريا مسكتها و ثبتها
"ليش جاي هنا جنب شقتي"
هز كتوفه
"صدفه"
ضحكت
"صدفه .. اها"
ابتسم
"الا ليش جيتي عندي"
رفعت حاجب
"اولا ماجيت عندك جيت عند الجار المزعج اللي ماقدرت انام بسبب لوحته السخيفه"
"لوحتي سخيفه !!"
هزيت راسي وهديت اللوحه مسكها بسرعه
"جيس شفيك معصبه"
قرب مني ومسك يدي سحبتها منه
"لا تسوي نفسك ماتدري انت عارف وش صار لو سمحت احترم الناس اللي حولك احنا بنص الليل ونبي ننام"
أنت تقرأ
النهاية السعيدة
Fanfictionجيسيكا تفقد الامل في حياتها ويظهر لها لوي ويعيده لها يساعدها عالتقدم في حياتها رغم ماضيه الحزين هربا لبناء حياه جديده ونسيان الماضي وعدته ان لا تحبه ووعدها الا يحبها لكن هل لنا ان نتحكم بالمشاعر؟ اقرأوا لمعرفه المزيد
