rewayat_sara33 👈 بقلمي سارة سروش
اياد:شنو هاي انتي ابنية لو جلبة
جنى:😂😂
جنى:تستاهل لان حاولت تخسرني
اياد: بس انتي خسرتي لان اني وكعتج بالماي
جنى: واني هم وكعتك
ميرا: و ايهاب هم
جنى: يعني انتو خسرتوا
اياد: وانتو هم
والد جنى: هاي شنو شبيكم ليش ملابسكم هيج
جنى:كنا نلعب بالماي
اياد: عمي ممكن اسئلك سؤال
والد جنى:اتفضل ابني
اياد:عمي انت عندك ابنية لو جلب شوف يدي
والد جنى: هاي شنو 😲 😂😂
والد جنى:اظاهر تحديتها
جنى:بابا راد يوكعني بالماي
اياد: لازم تعتذرين مني
جنى:بله شو
اياد: اي
جنى: لا ما اعتذر
اياد: ما تعتذرين مو
جنى: اي
اياد: ماشي
جنى: شنو ماشي
اياد:راح اردها الج
جنى:لا بله مستحيل
اياد:يجي يوم ونشوف
جنى:مستحيل اخليك تسويها
اياد: اسويها وهذا وعد من الج
ميرا: او هذا خوش تحدي
الجميع: 😂😂
مريم:يلا روحوا بدلوه ملابسكم بالسيارة جبت ملابس ثانية لان ادري بيكم راح تسوون هيج
ذهبت بدلت ثيابي وذهب الجميع ايضاً غيروا ملابسه ورجعنا جلسنا مع العائلة بالحديقة ثم تذكرت بانني نسيت هاتفي بالسيارة نهضت من مكاني
والد جنى:وين رايحة بابا
جنى: نسيت الموبايل بالسيارة
ميرا:اياد وين العقد مالتك
وضع يده على رقبته
اياد:اهوو نسيته بالسيارة
ميرا:خل تجيبه جنى وياهه
اياد:ممكن
جنى:اي ولو
اياد:شكرا
جنى:☺
ذهبت الى مكان السيارات فتحت سيارة اياد وصرت ابحث عن العقد لم اجده وجدت علبه صغيرة اردت ان افتحها ولكن سمعت صوت اياد
خرجت من السيارة كان يمشي نحوي
اياد:اسف بس طلعت ناسي الموبايل بالسيارة اعذريني تعبتج
جنى:لا عادي مو مشكلة لعد اني راح اروح اجيب موبايل
اياد:تمام
ذهبت الى سيارة ميرا اخرجت الهاتف من الحقيبة وخرجت من السيارة رأيت اياد كان يرتدي عقدة لم استطيع أن ارى جيد لانه كان بعيد جداً عني وضعه تحت قميصه اخذت الهاتف و ذهبت له
جنى:هاا نمشي
اياد:كملتي يلا
عدنا إليهم جلسنا نتحدث و نلعب في العاب استمتعنا كثيرا الى أن اصبحت الساعة 6:00 مساء عدنا الى المنزل وفي الساعة 9:00 مساء كنت في غرفتي اتحدث مع ميرا
جنى:تدري كلام هذيج البنيه خوفني
ميرا:اي بنية ؟
جنى:شبيج هذيج ام الفال
ميرا: يمعودة انتي هم تصدكين بهاي السوالف
جنى:ما ادري بس كلامها
ميرا:هو اكو شي من كلامها صحيح
جنى:ها لا ماكو شي
ميرا:لعد كلامها كله جذب بجذب لاتصدكين
وفي اثناء حديثنا دخلت علينا امي
والده جنى:جنى هاج هذا الموبايل مالتج صارله ساعة يدك
جنى:منو
والده جنى:ما ادري يمكن ميرال
جنى:صدك 😀
اخذت هاتفي وذهبت الى السطح واتصلت بها
جنى:الو... 😂😂...وانتي بالف خير بس بعد وكت ع عيد راس السنة.... اي ادري بيج خبلة😂 شلونج شنو اخبارج..... 😀صدك راح تجين شوكت....تمام حتى نحتفل هنا بالعيد... اكلج امجد شلونه اشو مجاي يتصل.... ليش زعلان.... هاا بهاي عنده حق بس والله سافرنا بسرعة ومصار مجال.... انجبي لج شنو هذا الحجي....اي ادري بس اني مجاي احساسه بأن اني ادري... شنو ليش اني اعتبره صديق وبس بحياتي مفكرت بيه غير شي... 😨صدك تمام اي خل يجي وياج عادي... طبعا اني هم اريد اشوفكم مشتاقتلكم هواي....اهلا وسهلا بيكم..ماشي انتظركم ...يلا امشي ولي 😁 باي
اياد.
استيقظت الساعة 10:00صباحا غيرت ثيابي وجهزت نفسي للخروج وعنده خروجي من البيت
رأيت جنى و ميرا
اياد: صباح الخير
ميرا:اي همزين اجيت تعال وصلنا
اياد:وين
ميرا:للسوق
اياد:اريد اشتري غراض لان مثل ماتدري عيد راس السنة بعد يومين وجنى تريد تسوي عقد مالتها انكطع اياد:انكطع
جنى:اي
اياد:انطيني اني اصلاحه
جنى:صدك 😀
اياد:اي
اخرجت العقد
جنى:اتفضل
اياد:هذا شنو
جنى:شكو
اياد:شو بس الزنجيل لعد العقد وين
جنى:تركته بالبيت اخاف يضيع مني
اياد:احسن
قمت بأصلاحة لها
اياد:هاج خلص
جنى:اي واخيرا شكرا لك
اياد:عادي ولو شفتي اني زين وياج برغم من كلشي جاي تسوينه بيه
جنى:ليش شنو سويت بيك
اياد:شو نسيتي هاي
مديت يدي لها
جنى:انتظر كم يوم وحتروح 😂😂
اياد:بله شو
جنى: اي 😄
ميرا:يلا يمعودين خل نروح
ركبنا بالسيارة اوصلتهم الى السوق وذهبت الى عملي وعنده دخولي الى الشركة اصطدمت بفتاة من دون ان انظر لها قلت
اياد:اسف
رولا:بس اني ما اقبل اعتذارك
رفعت راسي
اياد:نع...😀 رولا
رولا:اياد😁
اياد:انتي شتسوي هنا
رولا:الشخص اللي تشتغل عنده يبكون بابا
اياد:لا والله
رولا:اي طبعا شفت الدنيا شلون صغير
اياد:اي صح بس انتي شلونج شخبارج كملتي دراسة
رولا:اي كملت الحمدلله واجيت هنا حتى اشتغل ويا بابا بالشركة ً
اياد:خوش عيني راح ارجع اشوفح مرة ثانية
رولا:طبعا لعد شلون اكلك ميرا ولميس شلونهم
اياد:الحمدالله
رولا:اريد اجي فد يوم الكم
اياد:اي تعالي اهلا بيج اكيد راح يفرحون بس يدرون بيج انتي رجعتي للعراق
رولا:يلا هسة راح اروح تأخرت
اياد:ماشي بشوفج بعدين
رولا:اكيد باي
جنى. وفي اثناء تجولنا في السوق اتصلت بي ميرال واخبرتني بأنهم بالمطار بغداد و ذهبت انا و ميرا لكي ناخذهم و صلنا للمطار وانتظرنا خروجهم وبعد لحظات خرجت ميرال وامجد
ميرال:جنــــى😲
جنى:ام الوصــــخ😲
ركضت عليها احتضنتها
ميرال:اشتاقيتلج هواي
جنى:واني هم والله
ابتعدت عنها وامسكت بي من يدي
ميرال:لج هاي شنو صايرة حلوة معقول العراق هيج تسوي الوحدة
جنى: 😁
امجد:واني شنو ماكو حمدالله ع السلامة
جنى:انت شكو جاي انت مو زعلان
امجد:كبر هسة مو زين نجي نشوفج
جنى: 😂😂
احتضنته
جنى:حمدالله ع سلامة اشتاقيتلك هواي
امجد:واني هم
ألتفت الى ميرا
جنى:ياجماعة اعرفكم ميرا بنت عمي
ميرال:اهلا وسهلا
ميرال:اهلا بيج حبيبتي
امجد:مرحبا
ميرا:مرحبا
جنى:يلا امشو خل نروح للبيت ترتاحون اكيد تعبانين
امجد:اي والله كولش متكسر
جنى:انت طول عمرك هيج
ميرال.ذهبنا الى المنزل جنى و رحبوا بنا عائلتها وتعرفنا على باقي العائلة
والده جنى:شلونكم شخباركم
ميرال:بخير عمي
مريم:جنى اخذيهم خل يرتاحون امجد خل ينام يم اياد و ايهاب وميرال بالغرفة مالتكم
امجد:تعبناكم اعذرونا
مريم:لا ابني تعبكم راحة اهلا وسهلا
جنى:يلا امشو
صعدنا الى الاعلى
جنى:هاي غرفتك امجد بس دير بالك ايهاب نايم جوه
امجد:ايهاب هنا
جنى:اي نايم امجد لا تسوي حركة من حركاتك يموت هاي المرة والله
امجد:لا عيب اصلا ما اسوي شي بس شي بسيط
انزل حقيبته من على ظهره واخرج القناع للفيلم اجنبي( Scream) و ارتدى القناع
امجد:ها شنو رأيكم 👺
ميرال:لك راح تجلط الولد😁
لميس:عزة هاي شنو 😨
جنى:يريد يخوف ايهاب
دخل امجد للغرفة وانا دخلت إلى غرفة جنى
جنى:هاي شنو رأيج بالغرفة رتبت هاي الجرباية الج
ميرال:يسلموا حياتي تعبتج وياية
وفي اثناء حديثنا سمعنا صوت ايهاب يصرخ وضحكات امجد
ميرال:ولج امشي خل نروح نشوفهم
جنى: هاي شبيج مثل كل مرة
ميرال: حتى لو امشي
امجد.
عندما دخلت للغرفة كان ايهاب يغط في نوم عميق اقتربت منه وتحدثت معا بصوت مخيف
امجد:ايهاب 👹
ايهاب:منو 😪
تحدث معي وهو نائم
امجد:كوم اكعد 👹
ايهاب:بعدين بعدين اريد انام
كنت امسك بنفسي بصعوبة لكي لا اضحك
امجد:ولك يابعدين كووووم
اخترع من الصوت واستيقظ فتح عينيه و ركز جيد في شكلي وفجأة نهض بسرعة من السرير وصرخ بصوت عالي
ايهاب: عاااااا 😲
ايهاب:هاي شنووووو
ايهاب:وينكم 😲
امجد:اوكف 👺
ايهاب: يمة
خلعت القناع وجلست على الارض وصرت اضحك بصوت عالي
امجد:😂😂😂
توقف عن الركض ونظر لي
ايهاب:يا ابن الكلب 👞
ضربني بالحذاء
امجد:لك لا 😂
ايهاب:طاح حضك حيوان
امجد: 😂😂
ايهاب:متبطل من هاي السوالف الله ياخذك
امجد:ولك اخ بطني راح اموت 😂😂
ميرال:هاا شكو
ايهاب: 😍 ميرال
ميرال:ايهاب
ايهاب:شلونج ميرال
ميرال:اني بخير وانت
ايهاب:هسة صرت زين
ميرال:انشاء الله دوم
ايهاب:هذا الخبل شكو جاي وياج اني مصدكت خلصت منه جاني هنا
امجد:انت حبيبي شعندي غيرك وراك وراك
ايهاب:لحد ما تموتني مو
الجميع:😂😂
جنى:يلا امجد غير ملابسك وتعال احنا حننزل جوه
امجد: تمام
اياد.
بعد ان انتهيت من عملي ورجعت الى المنزل في الساعة 8:00مساء دخلت إلى غرفة المعيشة ورأيت جميع عائلة ومعهم شخصين
اول مرة اراهم في حياتي
اياد:السلام عليكم
الجميع وعليكم السلام
اياد:عدنه ضيوف
منير:اي ابني هذول اصدقاء جنى و ايهاب اليوم وصلوا من لندن
اياد:اهلا وسهلا نورتو
امجد:اهلا بيك
ايهاب:اعرفكم ابن عمي اياد
ميرال:اهلا وسهلا
اياد:اهلا بيج
جنى.
ميرال: ولج هذا شنو
جنى:شبيج
ميرال:عزة بعينه يخبل
جنى:اسكتي لا يسمعج عيب
ميرال: ولج يخبل يموت
جنى:اسكتي عيب 😊
والدة جنى:يلا اتفضلوا العشاء جاهز
بعد ان انتهينا من تناول الطعام وذهب ابي وامي لكي ينامون و عمي و زوجته ايضا بقينا نحن الشباب نتحدث في الصالة
الجد:يلا اني راح اروح انام تصبحون على خير ياشباب الجميع:انت بخير جدو
ثم نهض ايهاب و عاد هو يحمل بيده لعبه
ايهاب:منو يريد يلعب دومنه
الجميع:اي
وصاروا يلعبون الشباب ونحن نشجعهم
همست لي ميرال
ميرال:ماهذا ؟
جنى:ماذا ؟
ميرال:ابن عمك وسيم جدا
جنى:تبا لكي ياغبية اسكتي قبل ان يسمعنا
ميرال:انا اعتقد بأنه لا يعرف لغتنا لا تخافي تكلمي
جنى:ماذا اقول
ميرال:انظري اليه كم هو وسيم
جنى:معكي حق فعلا انه وسيم وابتسامة جميلة
كنت انظر له وهذه اول مرة ادقق في ملامح وجه كان يلعب معهم و يبتسم
جنى:لديه ابتسامة رائعة
ميرال:هل لديه حبيبة
جنى:لا اعلم لأنني لم اتحدث معا كثيرا
ميرال:ان كان ليس لديه حبيبة خذيه لكي
جنى:ماذا ؟
ميرال:اي بنت العم لابن العم (تحدثت بالعراقي)
الجميع: 😨
ايهاب:شنو
جنى:😨 الله ياخذج
اياد:شنو بنت العم لابن العم
بلعت ريقي
ميرال:جاي نذكر اغنية اسمها بنت العم لابن العم
ايهاب:هاا
جنى:الحمدالله خرة بشكلج
امجد:اياد انت شنو تشتغل
اياد:بشركة هندسة هاا بنات نسيت اليوم شفت رولا
ميرا:صدك
لميس:يالله صارلي هواي ما شايفتها
ميرا:شلونها اخبارها
اياد: تكول تريد تجي فد يوم حتى تشوفكم
ميرال:منو هاي
جنى:😞
ميرال:شكلة الولد راح منج
امجد:انت دارس لغات
اياد:طبعا
امجد:يعني تعرف اللغة مال لندن
نظر لي وابتسم
اياد:طبعا
جنى: 😨
ميرال: 😨
ادرت وجهي الى الناحية الاخرى
جنى:والله فشلة
ميرال:عزة بعيني
نهضت من مكاني ونظرت له و هو مازال مبتسما
جنى:تصبحون على خير
ميرال:انتظري جاية وياج
ذهبنا الى الغرفة
اياد.
كنت العب مع امجد واستمع الى حديث جنى وصديقتها كانوا يتحدث عني هم توقعوا بأنني لا اعرف اللغة التي يتحدثون بها انا كنت استمع الى حديثهم فرحت كثيراً عندما علمت رأي جنى بي لانني معجبا بها يوجد شيء فيها يشدني لها لا اعلم ماهو..
وفي صباح اليوم التالي استيقظت لم اجد احد بالغرفة نهضت غيرت ملابسي و ذهبت الى المطبخ وجدت جنى بالمطبخ لوحدها
اياد:صباح الخير
توترت عنده رؤيتي امامها اسقطت كوب الماء من يدها
جنى:عزة اسفة
جلست على الارض لكي تزيل الكوب الذي انكسر
اياد:انتظري لا تتعورين خل اساعدج
جنى:لا مو مشكلة اني اسوية
جلست اساعدها
جنى:ماكو داعي اني اه
اياد:شكو😨
جنى:تعورت
اياد:كومي خل انظف الجرح
جلست على الكرسي و ذهبت جلبت لها حقيبة الإسعافات الأولية عالجة الجرح
اياد:هاا شلون صرتي
جنى:لا احسن شكرا
اياد:العفو لعد وين الكل
جنى: بالصالة
وعنده خروجي من الباب ألتفت لها وكان تنظر لي وجهها احمر كانت جميلة جداً لم استطاع المقاومة ذهبت إليها مسرعاً امسكت بها ودفعتها إلى الحائط
و قمت بتقبيل شفتيها لم تحاول ان تقاومني بل كان تستجيب لقبلتي واستمرت في تقبيلها طويلا الى ان سمعنا صوت احدهم قادم الى المطبخ ابتعدنا عن بعضنا البعض
مريم:اياد
مربم:انت شوكت كعدت
اياد:قبل شوية
مريم:اسويلك اكل
اياد:لا مو هسة
مريم:اليوم عيد راس السنة
اياد:اي ادري
مريم:يعني اليوم تطلع
اياد:اي
مريم:جنى 😨
مريم:شبيها يدج
جنى:ماكو شي بس جرح بسيط
مريم:بشنو
جنى: بالكوب
مريم:لعد شبيه وجهج ليش احمر
جنى:هااا لا ماكو شي
اياد:اني طالع شوية
جنى.
لم استوعب ما حصل هل اياد قام بتقبيلي وانا لماذا لم اقوم بمنعه من تقبيلي بل استمريت بتقبيله انا ايضا تبا لي ماذا فعلت ماذا سوف يقول عني الان
جنى: لك حتى البوسة مالته تخبل 😁
جنى:عزة 😨 بعيني عيب ولج
