By: Mavie Labor
Para contigo lang este amor ta sinti,
para contigo iyo ay vivi,
contigo iyo ya sinti el deberasan amor,
nunca tu ya dale comigo el dolor.
Etu el ya dale esperanza,
ya dale color na dimiyo vida,
etu el rason si porque ta ama,
expecta, que nunca tambien iyo contigo ay deha.
Este amor chene kita aura,
debe kita coneste treasura (kwida),
este amor bien lisud enkuntra,
maskin kien o cosa, nuay conese pwede sangga.
Maskin cosa man ay pasa,
contigo lang sympre iyo ay esta,
amu se el dimiyo promesa,
nunca iyo conese ase kebra.
El señor ya uhi el dimiyo reso,
kay ya encuntra iyo un hente sinsero,
akel hente ama comigo cun todo corazon,
un hente hende basta basta ta kay na mga tentasyon.
Ta rindi iyo miles de gracias kunel señor,
porkausa ya dale le comigo sinti este clase de amor,
debera si kunele kita ay resa,
nunca le kanaton ay deha.
Ohala llega el tiempo,
kita dos ay keda ya uno,
espera iyo maskin cuando,
kay amo ese ya promete tu comigo.
Era si de edad ya kita,
maskin byeha y byeho ya,
era hinde kita ulbida,
al amor ya chene kita cuando kita dos mga joven pa.
cunose tu dimiyo kustumbre,
pero ya aguanta tu comigo sympre,
sabe tu si cosa iyo quere o nu quere,
todo se ya aprende tu sabe y ya accepta tu sympre.
Mi amor, gracias na todo,
gracias na amor ya dale tu comigo,
gracias kay comigo tu ya iskuhi,
poreso este cosa iyo quere habla aura ya pwede iskribi.
Na anyo ya kaba pasa nuay tu comigo ase loko,
mi amor gracias, etu lang nemas ya otro,
contigo lang iyo ay ama,
contigo lang iyo esta hasta enterna.
Contigo lang,
Etu lang,
Etu,
Solamente tu.
