(بعد اسبوع)
_نور
في الصباح جاءت زهراء و معها رغد حيث ان رغد دائما تحاول ان تصادقنا انا و زهراء...المهم ذهبنا الى الصالون ثم جاء ياسين علينا و ذهبنا الى المصور و التقطنا الصور انا و ياسين ثم ذهبنا الى القاعة كان يوم زفافي رائعا ..الشي الوحيد الذي يحزنني هو انني تزوجت بمن احب اما اقرب صديقاتي و هي زهراء ف لا
_زهراء
مرت الايام و انا اعيش في بيت مصطفى و انا اتعذب حيث اراها تقترب منه و تتحدث معه اما انا ف لا استطيع ...اليوم كنت اجلس معهم في الصالة و رن هاتفي كان رقم غريب اجبت:
زهراء:الوو
الشخص:الوو سلام عليكم
زهراء:عليكم السلام منو؟
الشخص:زهراء موجودة؟
زهراء:نعم تفضل اني زهراء
الشخص: ها هلو شلونج؟
زهراء:اهلاً بيك بس ما عرفت منو
الشخص: اني ابن عمج ..هاشم
زهراء:صدك؟ هاشم شلونك؟
هاشم:الحمد لله و انتي؟
زهراء:عايشة..انت بيا دولة هذا الرقم مو عراقي؟
هاشم: اي اني بكندا..عرفت معدلج 98 الف مبروك اني اتصلت عليج علمود اكو منحة اذا تريدين تجين هنا تدرسين و تعيشين اني مرتاح هنا ..يعني صح احنا علاقتنا مو قوية بس نكدر نقويها
زهراء:والله خوش فكرة ..اي اجي ليش لا .. يصير تحجزلي؟
هاشم: اي طبعاً احجزلج ..السفرة الجاية بعد شهر يعني بشهر 2 احجز عليها؟
زهراء:اي .. شلونهم خواتك اخوك؟
هاشم:زينين اجو رجعو للعراق
زهراء: ها ..زين
هاشم:اوك بت عمي اشوفج بخير
زهراء:باي
هاشم:باي
سألت رغد كالعادة:هذا منو؟
زهراء:هذا ابن عمي يعيش بكندا كال راح يحجزلي و اروح هناك ادرس
ام مصطفى:ياا شنوو؟ شلون تروحين؟
زهراء:ليش خالة؟
ام مصطفى:لا بنتي شلون تروحين وحدج شنو ممرتاحة هنا؟
زهراء: مو ممرتاحة بس مراح اظل طول عمري هنا
ابو مصطفى:لا عمو شكو بيها تظلين طول عمرج عايشة هنا شنو متضايقة؟ مستعد اوفرلج كل الي تريديه بس لا تروحين ..شلون تروحين و تعوفينا ..تدرين احنا شكد نحبج..شنو احنا ما نعنيلج شي ..ما تنقهرين من تعوفينا!!!
زهراء: وعد .. ازوركم بين فترة و فترة .. اني كنت مقررة هذا الشي من البداية بس مجان عندي رقم ابن عمي
ام مصطفى:حبيبتي سوي الي يريحج و البيت بيتج و احنا راحتنا بوجودج
ابو مصطفى: كل شهرين تجين هنا شهر
زهراء:ههه الله كريم..ههه اصلا يمكن ما اتحمل شهر و تلكاني راجعه
ام مصطفى:ههه اتمنى هذا الشي
كان مصطفى يبدو مصدوم ..غاضب..حائر..يريد ان يمنعني و لكن بأي حق يتحدث!!
(يوم2015/1/24)
_رغد
استيقظت على صوت منبه هاتف مصطفى ذهبت لاطفأه كان مكتوب (عيد ميلاد My love)اذاً اليوم عيد ميلاد حبيبته و لكن يا ترى من هي..عدت الى مكاني و كانني لم اقم من السرير و لم انظر الى الهاتف و ناديته:مصطفى..مصطفى اغلق تلفونك
نظر الى هاتفه و اغلقه و قام بسرعة كان يتمتم:شلون نسيت .. خرب
اتصل على احدهم و قال: الوو ..سلام عليكم.. اريد كيك حجم كبير طابقين كله كاكاو بدون كريمة مكتوب Happy birth day to you بأسم مصطفى ...اي العصر اجي اخذها .. شكراً..باي
رغد:عيد ميلاد منو؟
مصطفى:أ أ عيد ميلاد زهراء دا اكول اسويلها عيد ميلاد خطية بعد كم يوم تسافر
رغد:هاا لعد هي حبيبتك؟
مصطفى:شنوو؟
رغد:انت كاتب عيد ميلاد My love
مصطفى: اي هي حبيبتي..فنج لو تقربتي منها او اذيتيها ..و لا تكولين لها ع العيد ميلاد
رغد:اي.. همزين راح تسافر و نخلص منها.. اني ساكتة لان راح تسافر
لم يجيبني ثم اتصل باحدهم: الوو.. هلو ياسين شلونك..عايش .. يصير تنطيني نور.. شنو نايمة كعدها يمعود.. الوو ها ولج ... دنيا الضهر كعدي .. تتذكرين 2012 من سوينا عيد ميلاد مفاجأ لزهراء... اريد اليوم هم نسوي هيج.. ولج صحصحي عيد ميلاد زهراء اليوم..اعزمي نفس الي كانو.. اي ما عدا الي مسافرين .. اي مو ترجعين تنامين.. بس تكملين جيبي ياسين و تعالي..اي باي
