ايماجن للجميلة @HabebaMohamed مع لوى :)
باى: شوكة 😂✌
______________________________________
انت و لوى كنتو فى المدرسة و فيه امتحان بكرة فا قرر المدرس انه يخليكوا تعملوا نشاط كفريق فى كل اتنين فا اختارك انت و لوى!
لوى: لا لا المدرس ده غلطان انا واحد بينجح فى كل المواد بصباع رجله الصغير ازاى أبقى معاكى؟!
حبيبة: لوى انت جايب كام فى العلوم الترم اللى فات؟
لوى: و بلا فخر 21 من 50!
حبيبة: واضح فعلاً انك اشطر منى!
لوى: لا لا متقوليش كدة انا حد متواضع!
حبيبة: ممكن نخلص عشان كله بيشتغل و احنا بس اللى بنتكلم؟!
لوى:ايوة طبعاً مانت اللى معطلانا!
حبيبة: استغفر الله العظيم يا رب!
لوى: يلا نبتدي لما بنيجى نعيد تركيب الماجنزيووم و الاوكشجين بيكونلنا ال MGO2 اللى انا لحد دلوقتى مش عارف أهميته فى الحياة بس هو موجود!
حبيبة *بتسقف*: بجد يا لوى ابهرتنى! *بتتريق*
لوى: لا داعى للتصفيق!
حبيبة: طيب أولا اسمه ماجنزيوم مش ماجنزيووم ثانياً اسمه اوكسجين مش اوكشجين-
لوى: بس يا حبيبتى انا بتكلم لغة العباقرة!
حبيبة: طيب ابتدى ذاكر..
لوى: مانا بذاكر أهو .. ايه؟ شايفانى بلعب؟!
*يوم الامتحان*
لوى *بصوت واطى*: بيس .. بيس .. يا حبيباااااه.
حبيبة *بصوت واطى*: عايز ايه؟!
لوى *بصوت واطى*: هو ثانى أوكسيد الكربون ده احنا اللى بنتنفسه ولا النبات؟
حبيبة *بصوت واطى*: لوى انت متأكد انك ذاكرت؟!
لوى *بصوت واطى*: لا كنت قاعد بتأمل فيكى طول الوقت
حبيبة *بصوت واطى*: النبات يا لوى!
لوى *بصوت واطى*: مشكرين يا زوق!
بعد شوية.
لوى *بصوت واطى*: حبيبااع!!
بس انت كنت مندمجة فى الامتحان فا مردتيش!
لوى: هى اطرشت ولا ايه؟! يا عبيباااع!
بردو مفيش رد!
لوى: طب اكتبلها طيب!
قام مطلع ورقة و قلم من تحت الجاكيت فجأة المدرس شافه راح حاطط أيده على الديسك بتاعه!
المدرس: قفشتك يا حقير .. يبقى انت اللى بتسرب امتحانات الثانوية!
لوى: يا عم ثانوية ايه انا مش معايا موبايل و الورقة فاضية و احنا مش فى ثالثة ثانوى اصلا!!
المدرس: لا هو انت .. انا متأكد انه انت!!
لوى: يا عم وحياة أغلى حاجة عندى مانا!
المدرس: اومال انت كنت بتعمل ايه؟!!
لوى: بص يا حاج شايف البنت الحلوة اللى هناك دى اسمها عبيبة!
المدرس: ايه؟!
لوى: آسف أقصد حبيبة بس بحب ادلعها .. انا معجب بيها الصراحة فا قررت ابعتلها ورقة فى الامتحان يمكن تكون معجبة بيا هى كمان!
المدرس: انت غبى يلا ولا شكلك كدة؟!!
لوى: لا شكلى كدة!!
المدرس: هعملك محضر غش!
لوى: لا وحياة عيالك ما تعمل محضر غش!!
المدرس: و ايه رأيك؟! أهو!! و راح معلم بالأحمر على ورقة لوى!
لوى: لاااااااااااااااااااااااااااااااااااااا
واحد من ورا: معلش ا-لوى الملاحق حلوة بردو!
واحد من ورا تانى: ما خلاص يا لوى كلنا هنتقابل فى الصيف!
واحد من را تالت: يا عم عادى امسحوا بالكوريكتور!
لوى: انتو اغبية؟!! ده محضر غش مش سقوط!!
حبيبة: يا مستر انا مش شايفة داعى لكل ده يعنى ما هو قالك الحقيقة مكنش بيغش!
المدرس: بس لعلملك على ورقتك انت كمان!
حبيبة: و انا معملتش حاجة غلط عشان يتعلملى على و رقتى ولا لوى عمل حاجة غلط!
*موسيقى تشوقية*
قام المدرس معلم على ورقتك *موسيقى خسارة*
حبيبة: عاااااااااااااااااا يخربيت معرفتك يا لوى!!!
لوى: يلا ياختى ننزل نشوف اللى هيحصلنا تحت فى الادارة!
حبيبة: انا بكرهك!
لوى: و انا كمان يا حياتى!
______________________________________
يا رب يكون عجبك يا حبيبة و اتمنى ان هزارى ميكنش ضايقك :) ❤ و اسفين جدااا على التأخير!
ايه رأيكوا؟! حاجة تشل صح! 😂😂 بس هما المدرسين كدة 😑!
خلى بالكوا من نفسكوا و متخلوش حد يضايقكوا❤
بنحبكم❤
بااى.
-شوكة❤
-أم الخدود♧❤
أنت تقرأ
1D Imagines | بالمصرى
Humorلأى حد مضايق ، زعلان ، أى حاجة يعنى. تعالى أقرى الهبل اللى احنا هنكتبه ده! ____________________________________ شوفتونا و احنا بنعمل نفسنا فى إعلان؟ المهم خش برجلك اليمين و أقرأ و انت رايق كدة. يا رب يعجبكوا الحاجات الغريبة و الايماجنز اللى هنكتبها...
