مـلاحضه :الي بالصوره حسين 😍
بـقلم @buraq_iq ✨
بارت ٩٧:
زينب :
أغلقت الهاتف واتجهت الى غرفه حسين طرقت الباب وسمح لي بالدخول ..
حسين : خير
زينب : شبيك حسين ليش ضايج
حسين : م بيه شيء
زينب : احجي ادري صاير شيء
حسين : هدى
زينب : شبيها
حسين : كذابه
زينب : شبيها انوب ؟
بـقلم @buraq_iq ✨
بارت ٩٨:
حسين : خطوبتها الشهر الجاي
زينب : شنووو 😳
حسين : مثل ما سمعتي والولد ويانه بالجامعه
زينب : مداصدك واني عبالي صدك تحبك
حسين : اني هم هيج عبالي
زينب : زين انته شلون عرفت
حسين : بالصدفه ورحت حجيت وياها وبعدين اجاني اتصال من الولد وعزمني على خطوبتهم
زينب : صدك تحجي ؟
حسين : هذا الي صار
زينب : تروح للخطوبه ؟
حسين : طبعاً لا 😑
بـقلم @buraq_iq ✨
بارت ٩٩ :
زينب : ليش لا 🤔
حسين : بشنو دتفكرين
زينب : روح للخطوبه
حسين : مستحيل هل شيء
زينب : عندي فكره
حسين : شنو هيه
زينب : شوف راح تروح للخطوبه بس مو وحدك تأخذ ميس وياك على اساس هيه حبيبتك
حسين : ميس صديقتج ؟ زينب : يي
حسين : ومنو كال هيه تقبل
زينب : اني اقنعها معليك
حسين : طلعتي مو قليله 😐
زينب : الي يندك بأخويه ما اسكت اله 😎
بـقلم @buraq_iq ✨
بارت ١٠٠ :
فكرت بأن أتكلم مع امي بخصوص موضوع الخطوبه ذهبت الى غرفتها طرقت الباب وسمحت لي بالدخول ..
مها : هلا زوزه تفضلي
زينب : شلونج يوم
مها : الحمدلله وانتي شون جانت طلعتج تونستي
زينب : ايي ... ممم يوم اريد احجي وياج بموضوع
مها : خير انشاءالله
زينب : على موضوع خطوبتي من جود فكرت بالموضوع هوه خوش ولد ومحترم بس اني ما احبه وما اريد اضلمه وياي
مها : يعني بدون سبب
بـقلم @buraq_iq ✨
بارت ١٠١ :
زينب : يمه اني اجيت احجي وياج لان انتي اكيد راح تفهميني اكثر مِن الكل
مها : احجي بنتي شصاير
زينب : يمه اكو واحد وياي بالجامعه ناوي يتقدملي
مها : شنو ؟ منو هاذ ؟ عندج شيء وياه يعني ؟
زينب : اخو ميس احمد مره اجه للبيت وي اخته تتذكريه
مها : اي تذكرته بس انتي شعندج وياه
زينب : الله شاهد ما عندي شيء وياه هوه اخر مره شفته كلي رايدج بالحلال وهل أسبوع اجيب اهلي لبيتكم. مها : يمكن كذاب شمدريج
زينب : لاا يمه اليوم حجيت وي اخته وطلع فاتح الموضوع وي اهله
بـقلم @buraq_iq ✨
بارت ١٠٢ :
مها : يعني هوه الولد عاجبج انتي يعني ترتاحين وياه خوش ولد لو لاا
زينب : أي يمه
مها : وابن عمج شلون
زينب : ماعرف يوم انتي حلي الموضوع
مها : اليوم افتح الموضوع وي ابوج ..
بـقلم @buraq_iq ✨
بارت ١٠٣ :
في المساء 🌸 :
مها : ابو حسين اريد احجي وياك بموضوع مهم
علي : خيرانشاءالله
مها : على موضوع خطبه زينب .. البنيه ما موافقه
علي : ليش صاير شيء
مها : لا بس هيه م راضيه واحنا م راح نجبر بنتنا على شيء
علي : اكيد بس غير اكو سبب مقنع يعني
مها : ممم اكو ولد ديريد يتقدملها وبأقرب وقت
علي : شنوو ! منين تعرفه هاذ وشعدها وياه
مها : هوه اخو صديقتها اذا تتذكر مره اجونا زياره من جانت زينب مريضه
بـقلم @buraq_iq ✨
بارت ١٠٤ :
علي : يعني هسه تريديني ارفض ابن اخويه علمود واحد غريب وع اساس يجي يتقدملها ! شيلي هل فكره من رأسج
مها : يعني شنو
علي : اني ما موافق وبنتي بعدها صغيره وم تعرف تختار وم تعرف مصلحتها واني بصفتي ابوها لازم اعرفها الصح من الغلط
مها : يعني شنو تجبر بنتك ؟
علي : هذا الي عندي وزينب ح تزوج جود
مها : م عرفتك هيج ابو حسين
علي : لا تحاولين هذا اخر قرار الي .
بـقلم @buraq_iq ✨
بارت ١٠٥ :
زينب :
فتحت الجهاز ووجدت رسائل من أحمد ..
أحمد : هلاو شلونج
زينب : بخير وانته
احمد : الحمدلله ، مشتاقلج
زينب : شلحكت
احمد : هههههه شصار بموضوع ابن عمج
زينب : مممم حجيت وي امي وكتلها ؏ــلى كولشي
احمد : اي شكالت ؟
زينب : كالت اليوم احجي وي ابوج ..
بـقلم @buraq_iq ✨
بارت ١٠٥ :
في ألصـباح 🎋 : زينب :
استيقضت كالعاده وبدلت ملابسي ونزلت وجدت الكل ؏ــلى مائده الفطور ..
زينب : صباح الخير
الجميع : صباح النور
زينب : حسين يلاا كمل اكل بسرعه علمود توصلني للجامعه .
علي : اليوم ماكو روحه للجامعه
زينب : ليش بابا عندي محاضرات مهمه
علي : كلت ماكو يعني ماكو ! وانطيني تلفونج
زينب : بابا شصاير ؟
علي : امج كلتلي كل شيء واني باجر ح عزم بيت عمج عدنه علمود نوافق ؏ــلى الخطوبه
بـقلم @buraq_iq ✨
بارت ١٠٦ :
زينب : بس اني م موافقه
علي : اني أبوج وأعرف مصلحتج اكثر منج
زينب : بابا اني الي ح تزوج مو احد غيري
علي : لا تردين وصعدي لغرفتج والي كلته راح يصير !
حسين : ترا حرام عليك تجبرها
علي : م دخلك انته
حسين : ليش هيه مو اختي !
علي : واني أبوكم !
بـقلم @buraq_iq ✨
بارت ١٠٧ :
في الجامعه 🍁:
أحمد : زينب ماكو اليوم وينها
ميس : والله ما اعرف حاولت اتصل عليها بس مغلق تلفونها
احمد : خاف صاير شيء
ميس : ؤﯢاللـْـْـْـﮧ ماعرف ح حاول اتصل بس اكيد باجر تجي !
احمد : انشاءالله بس شيصبرني .. ابقي دكي عليها بلكي تفتح تلفونها .
ميس : ماشي .
________________________
طبعاً اسفه جداً ؏ــلى التأخير بس ضروف ودراسه وماكو واهس ☹️
شنو توقعاتكم للبارت الجاي ؟
برأيكم الخطوبه ح تصير ؟
زينب راح تسوي شيء لو ترضه بالواقع ؟
أحمد راح يسكت ؟
جود راح يعرف بموضوع زينب ؟
واذا يعرف شنو رده فعله ؟
راح تعـرفون كولشي بالبارت الي وراه 🌸
فوت وكومنت حتى أكمل 💜🌿
