صغيرة على الحب

part 3

نزلت ترف لتتناول فطورها
سمارة : شعندج كاعدة من النوم بعد وكت
ترف: لبيد كعدني الخبيث
سمارة: رجعي نامي
ترف: راح النوم بعد
سمارة: يلا لعد اكلي انتي واني طالعة
ترف: وين رايحة
سمارة: يم اختي تردين تجين وياية
ترف: اي اي اريد اطلع ضجت من البيت
سمارة: يلا غيري ملابسج
ترف: ماعندي بس بجامات اني
سمارة: ليش مااخذتي ملابس غيرهن
ترف: لا
سمارة: هسة اجيبلج شي من ملابس قمر
ترف: ماشي ....
غيرت ملابسها وذهبت مع سمارة
سمارة: اختي تمارة اعرفج على ترف بنتي
تمارة: بلا شقة احجي
سمارة: هاي بنتي قبل كم يوم تبنيناها اني ويزيد
تمارة: شعجب
سمارة: تعرفين احنا دائما نشارك بعمل الخير وشفناها وحبيناها وتبنيناها
تمارة: عفية عليكم والله .. الله يجازيكم بالخير .....
عندما عادت ترف وسمارة الى المنزل
لبيد: وين جنتوا وليش متأخرين
سمارة: جنة يم خالتك تمارة وتسلم عليك
لبيد: الله يسلمها ..ست ترف وين بجامتي ليش مامحضرتها الي
ترف: طلعنا من الصبح وماعبالي نتأخر ..هسة احضرها الك
لبيد: يلا روحي
سمارة: بما انو ترف راحت ..شخبار يوليا
لييد: زينة
سمارة:حجيتلها الي صار
لبيد: طبعا لا ليش اني مخبل
سمارة: احسن وابد لتحجي
لبيد: هو هم هيج
سمارة: شوكت يرجعون
لبيد: بعد كم اسبوع
سمارة خير ان شاءالله ....

ترف : لبيد
لبيد : خير اكيد عندج شي
ترف: لا مااريد شي
لبيد : احجي فضيني
ترف : مو كتلك مااريد شي
لبيد : ترف لتتزعلين واحجي شعندج
ترف : كتلك ماعندي شي وتركته وخرجت
لبيد : تعالي يالخبلة شبيج ..نزل خلفها ليرى مابها ووجدها تجلس مع والده وعندما رجعت الغرفة
لبيد: شنو جنتي تسولفين ويا ابوية
ترف: هيج سالفة عاديه
لبيد: اي شنو هي
ترف:مو شرط تعرفها
لبيد: وانتي ليش زعلتي ورفعتي خشمج
ترف وهي تذهب الى السرير وتدخل تحت الفراش : نايمة اني
لبيد: عاد عزلي غراضي
ترف: عزلهن انت
لبيد: تصبحين على خير
ترف لم تجيبه
لبيد: شبيج خبلة حتى ماجاوبتي .. خبلة والله ..
في الصباح
سمارة: شبيك معصب من الصبح
لبيد: الخبيثة نايمة ومامحضرتلي هدومي
سمارة: شعجب هي كل يوم تكعد من وكت
لبيد: ماادري نامت عليها طايوكة
سمارة: لبيد
لبيد: يعني انتي امي لو امها
سمارة: اهدا اهدا
لبيد: هادي هادي اني ....

في العمل
لبيد: دكتورنا
يزيد: نعم
لبيد: البارحة ترف شنو جانت تحجيلك
يزيد: مو وقتها عندي شغل
لبيد: اوك بابا اخذ راحتك
يزيد: روح افحص غرفة رقم 6 واكتب تقرير بالحالة الي بيها
لبيد: ان شاءالله رايح ...

سمارة: يزيد تدري ترف كلش حبابة وحتى تهتم بلبيد
يزيد: اي هي كلش حبابة
سمارة: اتمنى زواجهم يصير من صدك
يزيد: اني هم لان كلش حبيتها بس انتي تعرفين لبيد يحب يوليا
سمارة: اي هنا المشكلة ..

كانت ترف تشاهد فلم مع قمر في لابتوب
ترف: محلو اريد فلم كارتوني
قمر: لا هذا حلو
ترف: يعني ماراح تبدليه
قمر: لا
ترف : لعد اروح يم لبيد احسن
قمر: روحي روحي
ذهبت ترف الى غرفة لبيد
لبيد : خير شعجب جاية اليوم من وكت
ترف: قمر دشوف فلم محلو وضجت وجيت
لبيد : اها
ترف : اي وانت شعجب مامخربط المكان والسرير ماكو علية لا فايل ولا شي
لبيد : ماعندي شغل وبعدين داشوف هذا الفلم كلش حلو وعرض اول
ترف : فلم كارتون
لبيد : بعد شكبرني واشوف فلم كارتون
ترف : ملانة اني
لبيد : تعالي شوف وياية واسكتي
ترف : يلا احسن مااضل ملانة اشوف وياك
لبيد : اول شي روحي جيبيلنا بوشار
ترف ذهبت واحضرت له البوشار وبدئو بمشاهدة الفلم
ترف : عااااا
لبيد : شبيج
ترف : شوف لعبان النفس
لبيد : بالعكس شي كلش حلوو
ترف : يععع شكد وصخ هذا
لبيد : وصخ ؟؟؟
ترف : اي هاي شلون تكدر تاكل وتشوف هيج اشياء
لبيد : باسها ترا ماقتلها وطلع مصارينها
ترف : هسة يصير بيه تفال
لبيد : ههههههههههههههههههههههه
ترف : ليش تضحك
لبيد : على عقلج
ترف : وشبيه عقلي
لبيد مابيه شي .. احسن شي طفوليتج
ترف : ليش وكفت الفلم
لبيد : اخاف تشوفين الباقي وانوب شيخلصني
ترف: ليش شكو بيه بعد
لبيد : بيه لعبان نفس وتفال
ترف: مااريد اشوفة ...وكملة لوحدك وتصبح على خير
لبيد : وانتي من اهلة ...