Sən...
+Həyat nədir?
-Gözlərində tapdığım
+Gözlər nədir?
-Xəyalıyla yatdığım
+Yuxu nədir?
-Yuxu sənsən mən yorğun
İndi yatsam çıxar bu yorğunluğum
+Niyə yorğun?
-Nazlı yarın əlindən
+Bəs yar nədir?
-Ürəyimi dindirən
..Uzun sözün qısası o da sənsən
+Qısa nədir ?
-Sənlə keçən bir ömür
+Ömür nədir?
-Tökülən yarpaq bir-bir
Son yarpağa kimi yalnız sənindir
+Bəs bir nədir?
-O bizim ikimizik
Mənim üçün bil, sıfırdır sənsizlik
+İki nədir?
-Biri sevinc biri qəm
+Sevinc nədir?
-Duyduğum sənlə ikən
+Duyğu nədir?
-Ruhuma toxunan əl
+Ruhun nədir?
-Onu alacaq əcəl
+Əcəl nədir?
-Sənsiz ötən hər anım
+An nədir bəs?
-Yenə yoruldum canım...
+Bəs can nədir?
-Eşitmirəm səsini
Gözlərim yumulur görürəm səni...
