عجبي عليك يازمن فيك الصحاب تنباع
نزلت سوق الصحاب لقيت الصحاب أنواع
سألت أنا ع الأصيل قالو الأصيل منباع
وقالولي خد الخسيس واعدله
ولو يوم مال استحمله
قولت أنا ميل الأصيل مستحيل
وميل الخسيس يعدله
أصل الخسيس لو مال فيوم يشتري
ماهو أصل الخسيس طول عمرو كان
بياااااااااع
كمل ياعم وقول بقيت لأنواع..
قالي صاحب ياصاحب دا الصحبة خير متاع
ولاتخن من خانك ولا تبع من بااااااع
وخليك حاويط وركز فالانواع
دا في صاحب زي شجر الطريق تعرفه صدفة
يخاف عليك من حر الشمس لتلسعك
وصاحب زي البحر تبقى معاه كل يوم
ويجي فيوم يبيعك
وصاحب زي البير تديله سرك وقت حزنك
يصونه ويسمعك
وصاحب زي الكرباج فإيدك سلاح
وفضهرك يلسوعك
وصاحب زي الملاك ع الخير دايما يساعدك ويشجعك
وصاحب زي الشيطان لو هاتعمل خير
يقفلك فيه ويمنعك
ربنا يكفيك شر الشيطان وبالأخيار دايما يجمعك
