Ipikit ang mga mata
Magbilang hanggang labing dalawa
Ngumiti sa Maykapal
At ika'y magdasal.
Ngumiti at magpasalamat
Kahit buhay ay salat.
Bukas panibagong buhay
Panibagong laban na walang humpay.
Humingi sa Maykapal ng sapat na lakas,
Para dagok ay maharap bukas.
Huwag padadaig sa pagsubok.
Pagkat ito'y daan papuntang rurok.
Ika'y makakaranas ng pagkawagi
Ngunit nandiyan din ang pagkasawi.
Ang buhay ay 'di kailanman naging madali
Pagkat ito'y paglalakbay na hindi puro pagkawili.
Taimtim na magpasalamat sa Diyos
Kahit ilang luha na ang umagos
Tayo'y magpasalamat dahil gabay
Ay kanyang ibinigay sa ating buhay.
Tayo'y mga sundalong tunay
Araw-araw na lumalaban sa buhay,
Kanya-kanyang laban Sa dagok ng buhay.
Ibat-ibang kapalaran sa ating mga palad nakasalalay.
