نسيت نفسي

part5

الحلقة الخامسة من قصة "نسيت نفسي "

دخلوا على ياسمين لاقوها بتعيط بهسترية ووشها احمر قوى
خالد بيجرى عليها بسرعه: حبيبتى مالك فيه ايه؟
ياسمين:.................
خالد: انتى تعبانه حاجة وجعاكى نروح المستشفى بسرعه يلا يا عمى
نبيل : شلها يا خالد و يلا بينا
ياسمين: لا انا كويسة مش تعبانه
ريم : امال مالك يا ياسو فيه ايه يا قلبى
ياسمبن بمنتهى البراءة: اصل انا عندى رحلة يوم الجمعة للملاهى وانا كان نفسى اروح الملاهى قوى انا مروحتهاش من زمان من اخر مرة بابا ودانى واصحابى كلهم طالعين فى المدرسة وانا لا
ليلى: وانتى لا ليه يا باسو؟
ياسمين: خالد مش هيرضى اقوله و هيقول لا كل رحلة بيقولى لا علشان انا تعبانه و هو خايف انى اتعب اكتر
ريم بصت لخالد نظرة تأنيب : ليه يا حبيبتى بس مقولتيش طيب هى الرحلة امتى الجمعه دى ولا الى وراها
ياسمين: مش عارفة الميس مش قالت امتى قالت يوم الجمعة بس
ريم: والى يوديكى الرحلة دى تقوليله ايه ؟
ياسمين:اقوله انتى احلى ريمو فى الدنيا وقامت من السرير باستها و حضنتها
ريم: الله يا ياسو احلى حضن فى الدنيا
خالد كان ساكت خالص مش بيتكلم حس بكل التأنيب الى ممكن اى حد يقولوا له ازاى عمل كده ازاى مخلى طفلة زى دى تعيش الاحساس بالمرض بالطريقة دى مش معنى انه خايف عليها يخوفها على نفسها و يحرمها من طفولتها للدرجة دى ياسمين بقت بتخاف انها تقوله على الفسح علشان هو مش هيرضى
ريم بتقوق خالد من سرحانه: خالد تعالى لو سمحت عايزاك فى التراس بره
ليلى: حبيبتى ياسمينا فطرتى ولا لا ؟
ياسمين: ماليش نفس يا طنط
نبيل : و حبيبة عمو مش عايزاه يفطر معاها
ياسمين بابسامة اذا هتفطروا معايا اكيد هفطر معاكم
ليلى: طيب ايه رائيك فى الكيك الى بتحبى ديما اعملهولك
ياسمين: هييييييييييييييييه ههييييييييييييييه طيب انا عايزة لبن واكل معاها ممكن
ليلى : طبعا ممكن انتى بس تامرى اقعدى مع عمو و انا هروح اعملهالك بايديه
وخرج خالد و ريم فى التراس بره يتكلموا
***************************************
ونروح مكان تانى
سمية: ايوة جاية اهو مين الى بيخبط ............. ايه ده سولى انتى مش معاكى مفتاح مفتحتيش ليه وايه الى رجعك بدرى كده؟
سالى:معلهش يا ماما تعبانه شوية
سمية : تعبانه مالك يا حبيبتى فيكى ايه
سالى: متتخضيش كده شوية برد
سمية : طب ادخلى اوضتك وانا هجيبلك حاجة سخنة و دوا
سالى: حاضر يا ماما اانا بس عايزة انام شوية
ودخلت الاوضة و غيرت هدومها و جابتلها ماماتها الدوا وحاولت تنام وقبل ما عنيها تروح فى النوم تلاقى تليفونها بيرن ...........
***************************************
ونروح لواحد بقى متلكمناش عنه بقالنا كتير
ياترى مين يا ترى مين؟؟؟؟؟؟؟؟؟؟
.
.
.
.
.
..
.

اكيد مروان
وهناك فى مديرية الامن
احمد: مروان سيادة اللواء عايزانا دلوقتى
(احمد صديق مروان و زميله فى الشغل)
مروان: متعرفش فيه ايه
احمد : والله ما عارف ياخبر بفلوس
ويروح الاتنين لمكتب اللواء شهاب
اللواء شهاب: ادخل
مروان و احمد: ايوة يا فندم حضرتك طلبتنا
اللواء شهاب:اتفضلوا اقعدوا
مروان : خير يا فندم
اللواء شهاب: طبعا انتم عارفين موضوع المروجين الى بيعملوا سنتر ليهم حاليا فى الجامعات انا مش يهمنى اننا نفبض على الناس دى فى الجامعات لانهم مهما كانوا موزعين صغيرين لكن الى يهمنى الناس الى وراهم
مروان : اكيد يا فندم
احمد بمنتهى الحماس :هو فيه اخبارية معينه يا فندم
اللواء شهاب : ايوة يا حضرة الرائد ده ملف القضية عايزكم انتم الاتنين تدرسوه كويس و بعدين هنقعد مع بعض نشوف تصورات كل واحد فيكم انا مش عايز اقولكم الموضوع ده مهم قد ايه واهم ما فيه السرية وانا اختارتكم لانك من اكفا الناس عندى وشغلكم مع بعض منسق و اكيد ده هيساعدكم فى القضية
مروان: ده شرف لينا يا فندم واهم حاجة اننا نعرف نقبض على الناس دى و نقدمهم للعدالة
اللواء شهاب: اكيد اتفضلوا على مكاتبكم شوفوا شغلكم
وخرج الاتنين وراحوا مكتبهم
مروان: احمد انا عايزاك هادى الموضوع ده لازم نتعامل معاه بمنتهى الهدوء
احمد:انا هادى اهو انت شايفنى اتعصبت ولا عملت حاجة
مروان: انت معملتش بس هتعمل و عايز تعمل وانا بحذرك
احمد : وانت ايه الى عرفك انى هعمل حاجة
مروان: لانك صاحبى و عشرة عمر و عارف الى فى دماغك
احمد وبدا الحزن يسيطر على صوته: ده اخويا يا مروان هشام كان صغير قوى يدوب مجبش 13 سنة اتاخد منى باالسهولة دى انا الى غلطان مخدتش بالى منه كويس ويوم ما يموت يموت بجرعه هروين زيادة عمرى ما هسامح نفسى ولا هسامح الى عملوا فيه كده
مروان: هشام الله يرحمه يا احمد وانت مالكش ذنب اياميها يادوب كنا لسه متخرجين و مش هنا اصلا و متشحطين فى الصعيد و لا كنا حتى بناخد اجازات و انت مكنتش موجود و هو اتلم على الشلة دى
احمد: كان لازم انتبهله اكتر من كده
مروان وهو متاثرقوى : معلهش ادعيله بالرحمة يا احمد
احمد واحشنى قوى يا مروان واحشنى بجد
مروان: ربنا يصبرك ان شاء الله وادعيله يا احمد انت من قلبك وهو كان صغير و ميعرفش ايه ده ولا كان اثره ايه
احمد : ياااااارب وحب احمد يخرج من الموضوع ده .......... بقولك انت مفطرتطش ما تيجى ناكل حاجة
مروان: والله يا خويا على المعدة الخاوية بتاعتى
احمد: دى بنت عم الوسادة الخاوية بتاعت عبد الحليم
وضحكوا الاتنين وخرجوا وهما خارجين مروان لاقى تليفونه بيرن
مروان: الو .... ايوة يا بابا ازيك
نبيل : اهلا يا حضرة الظابط هو انا يا بنى مش هعرف اشوفك بقى كل ما بينا تليفونات
مروان: والله الشغل يا بابا ما انت عارف على العموم ان شاء الله هحاول ارجع بدرى النهاردة
نبيل: اتمنى ده بقولك علشان متقلقش احنا عند خالد فى البيت يمكن نكمل اليوم هنا
مروان: خير يا بابا فيه ايه
نبيل : ابدا ياسمين كانت تعبانه شوية و مامتك و ريم معايا
مروان: لا الف سلامة عليها هى كويسة طيب دلوقتى اجيلكم محتاجين حاجة
نبيل: متقلقش الحمد لله انا بس بقولك لترجع تغير هدومك ولا حاجة تقلق
مروان: طيب كويس انك قلتلى
نبيل : طيب انا هقفل بقى و اشوف ياسمين و اسيبك لشغلك
مروان : طيب يا بابا سلملى على ياسمين و خالد مع السلامة
نبيل: حاضر يوصل ان شاء الله مع السلامة
ويفتكر مروان حاجة و يتصل
مروان: الو ايه ده بس اصوات العصافير الى بتزقزق
الشخص : والله على اساس انك قاعد فى جنينه ولا ايه اتريق اتريق ده انا حتى فى سكون تام فى البيت اهو
مروان: هو انا اقدر برده مالك لا بجد فيه ايه
الشخص: ابدا شوية تعب كده يعنى بعمل اختبار الناس هتسئل عليه ولا لا
مروان: الف سلامة عليكى يا ست البنات مالك بجد
سالى: والله تعبانه شوية تقريبا داخل عليه برد
مروان : الف سلامة عليكم انتى مشيتى النهاردة فى الشتا
سالى بتضحك : وانت ايه الى عرفك
مروان : الى عرفنى انى اعرفك كويس وقلت طالما فيها مطر النهاردة يبقى ست البنات هتجرى فيه صح؟
سالى: صح جدا و جالى برد شفت بقى
مروان: هو انا مش قلتلك خلى بالك على نفسك معقول كده
سالى: والله ده طبع وانت عارف ببقى مبسوطة كده متقلقش انا احسن دلوقتى
مروان: ماشى اتفضلى نامى دلوقتى و هكلمك اطمن عليكى بالليل
سالى: حاضر خد بالك من نفسك سلام
مروان: سلام
ويكمل الطريق و ينزل لاحمد
احمد: ايه يا ابنى كل ده
مروان: معلهش كان معايا تليفون بابا اتصل وكده
احمد: طيب يلا نروح فى اى مكان بسرعه و نرجع ورانا شغل كتير
Vote+comment😃