فرح
نضت من النوم صليت العصر ونزلت اتغديت واني نتغداء رن الموبايل سلمى
انى :سلام سوسو
سلمى : سلام حبيبتي انشاء الله غير مانوطيكش من النوم
اني :لالاحبيبتي نضت من امبكري وتوا نتغدى
شنو كلمتي وليد؟
سلمي:ايه كلمته
انى :ايه !!!!
سلمى :قالي انك ماعجبتيشي
اني :اها بالحق
سلمى :ايه حتى وليد قعد ايحاول يقنعه بس هوا مايبيش
اني :اوكي عادى اصلا حتي انى ماعجبنيش
سلمي :عادى حبيبتي ماضيقيش روحك اصلا هوا لي خسر ك
اني :سلمي بنسكر اني توا ماما جت
سلمى :باي
سكرت بس بالحق تضايقت ومعاش عندى نفس حتى للاكل قعدت سرحانه ونفكر فيه
بعدين قلت ليش انضيع في وقتي علي خاطر وحد مايستهلش ركبت لى داري قعدت نقراء بس كان اصيل طول الوقت في بالي وماقدرتش انركز علي القرايه
نسمع في صوت ماما وملاك جو
نزلت نجري حضنت ماما
ماما :خيرك بنيتي شنو فيك
اني :.............
ملاك:ههههههه شكلها استاحشاتك ماما
ماما :فرح خيرك شغلتيني
اني :مافي شي ماما بس استاحشتك زي ماقالت ملاك
ماما :باهي تغديتي
اني :ايه تغديت يسلمو ايديك
ماما :اليوم عندي ليكم خبر حلو
اني _ملاك :شنو
ماما :اليوم خالتك كلمتني على ملاك
ملاك:خيرني
انى 😂😂
ماما :تبي تخطبك لولدها قيس
ملاك :😊(علي اساس ماتندريش على الموضوع أربعة سنين وهي عايشه قصة حب مع قيس ومدايرا فيها مصدومه )
اني باركت لى ملاك و قعدنا نهدرزو شويه بعدين قالت ماما ان خالتى احلام (ام قيس )
يوم الخميس الجاي ...
. .....ً.....................................
اختصار عن شخصية عاءىلة خالتي احلام
احلام :اكبر خالاتي عندها 2بنات و2صبيان
قيس :اكبر اخوانه عمره 28سنه خريج محاسبه وعنده مكتب محاسبه
مريم : اخت قيس متزوجه من 9شهور عمرها 24سنه وخريجة فنون
قصي :عمره 22يدرس اخر سنه إدارة اعمال ويشتغل في شركة ابوه
اسراء :عمرها 19 سنه ،سنه اولى طب بشرى
عمو عمر :زوج خالتي احلام طيوب ويحب الناس واهوا تاجر كبير وعنده شركات
................................................
صباح يوم جديد
منبه الساعة 7 ص نوضت اخدت شوار وصليت الصبح لبست ملابس المدرسه اخدت شنطى ولبست شوزي ورحت للمدرسه بس اليوم ماطلعني الاستاذ انى وسلمى علي خاطر ماكنيش عندي نيه حتي في الهدرزه
رجعت من المدرسه ورقدت
..............................................
اصيل
بعد ماسمعت انه فرح ماتبيش تتكلم معاي اصريت علي وليد انه يعطيني رقمها اعطاني رقمها وتصلت بيها بس في البدايه ماردتش وبعدين مقفل تاكدت انها ماتبيش تتكلم معاي
بس انى حبيتها ايه حبيتها بالحق من اول ماشفتها مش حنقدر ننساها
قطعت سلسلة تفكيري رنين الموبايل فرحت نحسابها فرح بس طلعت سلمي
سلمى :سلام اصيل
اصيل :اهلين سلمى خير في حاجه !؟
سلمى:لازم ايكون في سبب باش نتصل
اصيل :بس اني مشغول كان مافي شي بنسكر
سلمى :لابس قالي وليد انك تبي تتصل بفرح ا تصلت بيها ؟
اصيل :ايه بس موبايلها امسكر
سلمي :قتلك انى هيا ماتبيش تكلم
اصيل:باي
سلمى :رد بالك على روحك
...................................ً.........
فرح نضت علي صوت رنين الموبايل اقعدت اندور فيه نفظت البطانيه وطاح التليفون اتكسر
اووووووف مش وقتك بكل
(ملاحظه :الى كان يتصل اصيل بس طبعا فرح ماكنتيش تعرف ولهده السبب تلفونها اتسكر )
فرح نضت وكانت حفلة الخطوبة ملاك بعد اسبوع
نزلت تغديت وهدرزة اني وملاك علي تجهيزات الخطوبه
اكيدا اني الي بنصور انى😮😮😮
ملاك :اكيدا حبيبتي
بس نوضي دري دوره علي الكاميرا📷 وبضاعتها مانببش شي ناقص
اني :اوكي ياملاكي علي قولت السيد قيس
ملاك :ههههه تحشمي 😊
انى ههههه امدايرا روحك متحشمه صدقت تعرفي
ركبت الدرا وقعدت انشوف في الكاميرا وخيط الشحن والعدسه فالقيت الممرى (بطاقة الذاكره ) امعبيه ضرورى نشرو وحده جديدة
نزلت
انى :ملاك نبي نشري ممري جديد للكاميرا لخطوبتك
ملاك :اغدوا بنطلع نحجز الحلوى بري معاي ونشرو الممري
انى :اوكي اصلا حتى موبايلي فسد نعرفوه للصلاح
ملاك :اوكى تمام الساعة 4نمشو
ركبت فتحت الفيسبوك شويه وبعدين قعدت نقرا
يوم جديد
امشيت للمدرسه وسلمي كانت غايبه وحتى امس متكلمتش انى وياها. ولا فتحت الفيسبوك ياربي خيرها
مشي يوم في المدرسه ممل من غير سوسو
اول ماروحت اتصلت بيها موبايلها مقفل الفيسبوك امتعها امسكر ياربي خيرها
جت الساعة 4
ملاك :فرررح هيا
فرح :انى نازله
ملاك :اني في السياره انراجي فيك
فرح نزلت وركبت في السياره
انى :ملوكتى
ملاك :شنو تبي
اني :حطينى عند سلمى اليوم غايبه على مدرسه وموبايلها امسكر وحتي الفيسبوك
ووانتي بري لمحل الحلوي وبعدين تعالي نمشو مع بعض للمصور
ملاك :اوكي انشاء الله خير
وصلنا لحوش سلمي
ملاك :اسمعي انشرنلك تطلع مش نقعد ⌚ساعه انراجي فيك
اني :تي باهي
فتحلى الباب خو سلمى دخلت للحوش سلمت على ام سلمى
انى :وين سلمى خالتى انشغلت عليها اليوم
ام سلمي :فوق في دارها اركبلها وتو تحكيلك هيا القصه
انى :اوكي نستادن انى توا
ركبت لقيت سلمى وجها كله ارهاق وعلمات التعب وعيونها حمر وتبكي
انى :خيرك
سلمي جت حضنتنى وتبكي
غير تكلمي خيرك
سلمى :خوي محمد عرف انه نكلم في وليد ونطلع انى وياها امس خدى منى الموبايل وقص الانترنت وقالى معاش في مشي للمدرسه
اني :😱😱😱
سلمى :معاش عرفت شنو اندير وامي ماقدرتش تقنعه يخلينى نمشي للمدرسه وحتي بابا قالي معاش في مشي
اني:معليشي حبيبتي اكيدا توا بس علي خاطر متعفلقين (معصبين) توا يهدو ومحمد هوا بروحك يرفعك للمدرسه
سلمى:ووووليد يافرح
انى :توا انكلمه اني ونفهمه الموضوع كله
موبايلي ايرن
سلمى :موبايل من هده
انى :هده موبايلي موبايلي الاول اتكسر يومها ايشرين شوي قمت البطانيه طاح وفسد توا بنرفعه للصلاح
سلمى :فهمت انه الي كان ايرن وقتها هوا اصيل
اني نستاذن انى توا هده ملاك اكيدا بتروح بيا ووليد توا انكلمه اني تمام
سلمي :شكرا حبيبتى
اني :يلا se you
نزلت وركبت السيارة
ملاك :هده كله وقتلك بسرعه
اني :الله غالب موضوعها كبير طلع
موبايلي ايرن اوووه هده وليد شنو بنقوله توا
وليد:الو
انى :سلام
وليد :كيف حالك
انى :تمام وانت؟
وليد :الحمد الله صوت دوشه بحداك شنو طالعه
اني :ايه موبايلي فسد بنرفعه للتصليح
وليد :اه نعرف محل اكويس ايصلح
اني :وين
وليد :شارع عمر المختار هو مصور بس ايصلح حتى
انى :اوكي100%
وليد :بنسالك كلماتك سلمى نتصل بيه مقفل
اني :توا كنت عندها خوها واخد منها الموبايل
وليد :ليش !؟؟؟
اني:قصه طويله نروح ونكلمك
وليد :اوكي باي
امشينا للمحل الي قال عليه
نزلت سالت علي التصليح خداه من الشب وقالي بيرفعه للمدير هوا لى صلح فيهم عشان يعرف خيره
شرية الممري للكاميرا 📷
وفجاه طلع المدير وكان هوا اصيل
انى😮😮😮
شنو كانت ردة فعل فرح لما شافت اصيل ؟
وشنو دار اصيل لما بشوف فرح كل هده في البارات الجاي
تعليقاتكم تهمنى
أنت تقرأ
فرح الحياة
Romanceفرح :عمرها ١٨ سنه تقراء سنه ثالته ثانوي قسم علمي محترفه في التصوير طولها 165ونحيفه وشعرها طويل لونه كستناءي وبيضاء ام فرح (ماجده):عمرها ٤٣ تشتغل معلمه وزوجها الي اهو ابو فرح متوفي من 8سنين سمر :اخت فرح الاكبر عمرها 22سنه خريجة طب اسنان وتشتغل في ع...
