شبح القط الأسود ( مكتملة )

اقتناء قط

الجزء الاول 
في يوم من ايام اجازة الصيف قررت عيلة سمر انها تروح الى الحديقة عشان الاولاد يغيروا جو ويلعبوا بالألعاب والمراجيح مع اصدقائهم وفعلا جهزوا كل حاجة من اكل وشرب وعصاير وحلويات عشان يقضوا اكبر وقت ممكن واول ما وصلوا الحديقة الاولاد لقوا  شاب يبيع الحيوانات الأليفة ومعاه قطط شكلها حلو قوي فجريوا جري على باباهم بابا بابا ايوة يا ولاد في ايه
ممكن تقوم معانا لو سمحت عايزين ايه فلوس
لا يا بابا عايزينك تيجي معانا ها نوريك حاجة
حاجة ايه يا ولااااااااد انا قاعد شوية مع عمكم اسامة الله
روح معاهم مش تزعلهم حاضر يا سي اسامة لما نشوف اخرتها
وقام معاهم وراح لغاية الشاب اللي عنده القطط وقال الله انا كان قلبي حاسس انكم جايبيني هنا عشان القطط صح ولا لا ؟
الولاد قالوا في نفس واحد صح يا بابا لو سمحت عايزينك تنفذ وعدك لينا وتجيب لينا قط زي ما وعدتنا ممكن قالهم خلاص انا موافق بس المشكلة في ماما مش ها توافق يعني انت عند كلمتك
انت موافق
اه لو ماما وافقت انا موافق
جريوا من غير ما يقولوا جري على مامتهم ماما ماما لو سمحتي ممكن تقومي معانا بابا عايزك بسرررررررررررررررررعة
قالت لهم في اية
قالوا ما نعرفش بابا عايزك بسرعة اجري يا ماما لا يزعق
قامت سمر معاهم بسرعة راحت لغاية اسامة لاقته واقف قدام قفص القطط وقال لها الولاد عايزين قط
و انا قررت اننا نشتري قط مش الولاد عايزين كدة
قالت له بس دة عايز رعاية وعناية كبيرة قوي مين بقى ها ياخد باله منه ؟؟
ردت ابنتهما انا يا ماما ملكيش دعوة بيه خالص بس بسرعة نقي قبل ما يُخلصوا
وقفت محتارة تختار اي قط فوقعت عينها على قط مشمشي اللون واختارته لان لون عينيه كانت مميزة رجعت بيه للبيت والاولاد كانوا فرحانين قوي بالقط فضلوا يلعبوا معاه لغاية ما جة ميعاد نومهم ودخلوا كلهم ناموا وسابوا القط المشمشي في اوضة الجلوس لوحده ودخلت سمر تنام بعد ما اطمنت على ولادها ونيمتهم حاولت تنام ولكن  بالها كان مشغول  فقالت ها اقوم اتوضأ واصلي ركعتين لعل وعسى عيني تغمض فأول ما  قامت وفتحت باب اوضتها لمحت شبح قط اسود في آخر الطرقة فأنتفض جسدها وتصببت عرقاً غزيراً ولم تستطع ان تتحرك من مكانها