حقد وحب

part 1

في احد الاحياء الفقيرة كان هناك منزل صغير فيه 4 افراد (ريما .. دعاء .. ابان .. زهراء ).. جمعتهم المحبه والمودة واصبحوا عائلة واحدة على الرغم من انهم لا ينتمون لبعضهم .. لا توجد صله قرابه بينهم .. حتى الدم الي يجري في شريانهم يختلف .. كانوا لا يعرفون من هم واين اهلهم .. كانن فتيات صغيرات .. الفتاة الكبرى هي ريما واخذت على عاتقها الاهتمام بهن وتوفير احتياجاتهم ..والعمل في اكثر من مكان .. كبروا الفتيات ومازالت ريما تعتني بهم وهي تعتبر الوصيه عليهم ... استطاعت دعاء ان تجد عائلة تتبناه وسافرت معهم اما باقي الفتياة كانوا يسكنون مع امراة كبيرة في السن اسمها زينب .. ريما كانت لا تحب زينب لانها متورطة بأعمال قذرة ولكنها مجبرة ان تتحمل وتسكن معها
في الجامعة
هشام : ابان
ابان : نعم استاذ
هشام : شلونج
ابان : بخير استاذ
هشام : محتاجة شي او اكو شي مافاهمتة
ابان : لا شكرا استاذ لان الحمدالله انتبه وافتهم لشرحك
هشام : اكيد
ابان : اي اكيد
هشام : اذا احتاجيتي شي اني موجود فاهمة
ابان : اوك استاذ
هشام : تكدرين تاخذين راحتج
ابان : عن اذنك
هشام : الله وياج ....

ريما : مروشة يرادلي شغل جديد
مروة: مثل شنو
ريما : اي شي بس يكون بمكان محترم وقريب وناس زينين
مروة : اليوم اسألج
ريما : لتنسيني
مروة : لا ماانساج
ذهبت ريما لتقدم قائمة الطعام الى الزبائن وهناك وجدت زهراء مع الياس
ريما : تفضلوا
زهراء : ريما
ريما : نعم بشنو اخدمكم
زهراء: ريما والله اني
ريما : تفضل بشنو اخدمكم وشنو طلبكم
ياس : زهراء هي هاي اختج ريما
زهراء : اي هي هاي
يياس مد يده ليصافح ريما : اتشرفت بمعرفتج اني ياس
ريما : اهلا بيك
ياس: مااريد تفهمينا غلط واني مستعد اوضحلج كل شي
ريما : لو سمحتم اني هنا اشتغل نادلة ومكان عمل مو خصوصيات
ياس: اوك متفهم وان شاءالله بأقرب وقت لازم نتقابل ونحجي
ريما : ان شاءالله
زهراء: ياس خلي نروح
ياس: بس مااكلنا شي
زهراء : مااريد
ياس : على راحتج وبعدها اخذها وخرج من المطعم ...

زهراء ذهبت لغرفة ريما
زهراء : ريما
ريما : خير
زهراء: اني اسفة
ريما : تعبانة واريد انام
زهراء: ماريدج تزعلين علية لان انتي امي وابوية وكل دنيتي
ريما: بس مع ذالك تزعليني
زهراء: وداعتج يااغلى مااملك بهاي الدنيا ياس بعد مااشوفة او احجي وياه بس اهم شي لتزعلين علية
ريما احتضنت زهراء : غبية اني اخاف عليج واريد مصلحتج مو زعلانة منج بس زعلانة ع الي راح يصير بيج انتي بعدج صغيرة وتلحكين ع الحب وهاي السوالف وبعدين منو هذا ووين تعرفتي علية
زهراء: هو جان بجي لمدرستنا وصديقتي عرفتني علية
ريما : يعني
زهراء: هو يصير ابو صديقتي
ريما : صديقتج عمرها شكد
زهراء: نفس عمري
ريما قامت واخذت النعال لتضرب زهراء ولكن زهراء هربت لغرفتها واقفلت الباب
ريما : اليوم اطيح حظج ولج انتي هم عندج عقل وتفكرين يعني بنتة بكدج بس اريد افتهم عقلج وين
زهراء من خلف الباب : العمر مو مهم بالحب والاهم هي الروح وحتى لو جان جبير المهم يحبني
ريما : غبية صوتج مااريد اسمعة وقسم بالله لو شفتج وياه اعوفج لزينب وماعلية بيج
زهراء: اني احبة حرام عليج هيج تسوين
ريما: اتريدين تجلطيني مووو ولج اي حب ونتي شكدوتج
ابان : ريما هدي ليش معصبة
ريما: هاي الطايحة حظ كعدي واحجي وياها وفهميها لان اقل غلطة تسويها بعد اعوفها ومعلية بيها
ابان : تعرفين بيها طايشة ومتفتهم
ريما: دماغ سزز الة اربيج من جديد
ابان : روحي ارتاحي ونامي واني احجي وياها
ريما: اي نوم يجي وهاي الغبية وسوالفها
ابان : هدي واتوضي وصلي واقري قران ونامي
ريما : لو هسة اختم القران كلة هم من سوالفهة ماارتاح
ابان : هي زعطوط تخلين عقلج وياها
ريما : هم صدك اروح لغرفتي احسن
ابان : اوك روحي ..
ابان : فتحي الباب راحت
زهراء: كولي والله
ابان : والله
زهراء فتحت الباب ودخلت ابان الى الغرفة وجلست على السرير : تعالي احجيلي شمصخمة هاي المرة
زهراء: مامسوية شي
ابان : ولج شنو مامسوية شي
زهراء: اي مامسوية شي
ابان : ريما رادت تنجلط وتكوليلي مامسويى شي
زهراء: هي تنفعل بسرعة اني شدخلني
ابان : اوك احجيلي شصار
زهراء: رحت اعتذر منها لان شافتني بالمطعم ويا ياس
ابان : اي
زهراء: اي هاي كل السالفة
ابان : احجي كملي شسويتي او شحجيتي انتي
زهراء: هاي هي شبيج
ابان : ولج احجي ليش مااعرف سوالفج اكيد اكو سالفة ثانية
زهراء: اها اتذكرت
ابان : اي ام المصايب شتذكرتي
زهراء: من عرفت بنت ياس صديقتي ونفس عمري عصبت
ابان : الياس عندة ابنية نفس عمرج
زهراء: اي
ابان : الله يصخم وجهج
زهراء: انتي الثانية شبيج
ابان: يعني مالكيتي غيرة مبين جبير
زهراء: لا مو جبير وعمرة 36
ابان : وانتي عمرج 16 ياغبية وشوفي فرق العمر
زهراء: الحب ميعرف عمر
ابان : اي حب هذا
زهراء: لتصيرين مثلها
ابان : انجبي هي هاي سالفتج تدخل العقل اصلا
زهراء: يالله ليش محد يفهمني
ابان : اروح اني احسن ماانجلط من وراج
زهراء: اي روحي ومحد يفهمني ولا يفهم احساسي
ابان : انجبي توج بالبيضة وسوالفج شكبرها
زهراء: محد يحس
ابان : انجبي لدوخيني ......
مروة اتصلت على ريما
ريما : هلا مروشة اي ....اي مكان ... شنو هو الشغل ...اي عادي ادبر روحي بيه لحد ماالكي شغل احسن منة ..اوك ..شكرا الج تعبتج وياية ..