مستشفى اليرموک هي فاجعة ثانية واكبر من فاجعة الكرادة 😢
شنو ذنب هذولة الاطفال الراحو 😐 كل طفل عمرة ساعات اشاف من حياتة
لو امة! تعبت بي تسع اشهر تاليتهة يروح منهة بدقائق
شنو السبب؟؟؟؟
لحد الان محد عرف السبب بس نفس مصيبة الكرادة هم محد عرف سبب الحريق الصار بالمجمع بالكرادة
يعني معقولة مستشفى شكبرهة ماكو طفايات مال حرائق؟؟؟؟
اكو ممرضة تكول دخلت ايدي بالدخان دا اطلع طفل احتركت ايدي !! شنو هذا الدخان؟؟
والاطفاء والاسعاف؛
ورة شكد يلا وصلوا
بعد ما احتركو الاطفال وفحمو وصارو رماد !
يعني والله جرريمة طفل هستوة انولد بسبب سوء بالخدمات يموت!
اذا صار هيج بابناء النواب او غيرهم راح يسكتون ؟؟ لو يگلبون المستشفى
الله يساعد الام العراقية شكد متحملة هموم ومصايب وقهر وضيم
صورة الاطفال فوك ☝💔
الله يرحمهم راحو طيور للجنة ويصبر اهلهم وامهاتهم خاصة 💔😿
الفاتحة على ارواح الاطفال ❤
