بِعٌدِ 5cm

الفصل1

تدور الاحداث حول فتاة اسمها"علا"(هيج ينقري"عولا"وانه هيج راح اكتبه باقي الفصول)

كان لديها صديق فتى طفولتها امضت طفولتها معه الى ان وانفصلت عنه لسبب عائلي..

اسم بطلتنا'"عولا عمرها 18 الان وهية من عائلة متوسطة قليلا.مع اهلها ولكنها الان تعيش وحدها لسبب الدراسة فتاة لطيفة وخجولة ...نتعرف عليها في باقي الفصول

اياد" شاب في عمر 22 من عمره صديق طفولة عولا..ويعيش مع ابيه فقط.يذهب الى منطقة اخرى لسبب عمل ابيه ويترك صديقته عولا لعدد سنين وينتظر القدر حتى يلتقي بها...وسوف نتعرف عنه في باقي الفصول.

العودة للماضي.كنا جاليسن على الرصيف في الشارع نتحدث
عولا:ايااااااد صدگ راح تسافر
اياد:اي حياتي راح اشتاقلج
عولا:لااااا لاتسافر ولله اني حبقة بحدي(انزلت راسها بحزن وقالت)راح اشتاقلك
اياد:لاضوجين يجي يوم ونلقتي نشالله
عولا:بس اذا التقينه راح اعرفك اني بوكتهة
اياد:وليش ماتعرفيني اذا مراح تنسين ملامح وجهي
عولا:بفففف(زفرت بحزن)
اياد:اوعدج نشالله ارجع......كلة بسبب عمل بابا (بشكل حزين)
عولا:بس ليش عمل ابوك ماتقبلو هنا
اياد:مادري يمكن نبقة خمس سنوات لو نستقر هناك بغداد
عولا:لاااااا لا لا تگول هيج اشش(وضعت يدي على فمه)
اياد:هههههههه اوكي اوكي نشالله ارجع من ينهتي بابا من شغلة

العودة للحاضر

عولا:وهاي تمر سادس سنه ونتة لاتتصل ولا شي معقولة نسيتني(كنت واقفه امام الشباك وانظر للسماء وهي تمطر)اروح انام احسلي لان باجر وراي مدرسة....
(هنا في الحاضر عمري 18كما قلت لكم واياد 22....)
........

اياد:اوفف يالله ماتصلت بيهة لحد لان شنو راح اكللهة هسة عبالها نسيتهة(كنت واقف امام الشباك وانظر للمطر)اروح ادرس احسلي..

وفي اليوم تالي في بصره.مع عولا.
عولا:لج حتة اتصال ميتصل شنو هاي
رفل:زين يمكن عندة ضروف مخلته يتصل بيج
عولا:ضروف تخلي ميتصل بية ست سنوات شنوو من ضروف هاي
.......

وفي لبغداد مع اياد كان يسير في ساحة الكلية مع صديقه
علي:ولك اياد ليش متصلت بيهة ولله هسة اذا اتصلت مراح تسامح ابد ويمكن حتة مترد
اياد:انتة مشفت الصار بية والحسن ماكدرت تدري عمل ابوي خلاني اترك سنه من كلية مااداومهة
علي:بس حاول تتصل بيهة اليوم
اياد:واذا اتصلت شكللهة بلة سامحيني لان ماتصلت بيج لو شنو
علي:كللها على وضعك الي عشته وراح تسامحك يمكن
اياد:علي برايك هسة اتغيرت مو(وانا انضر سماء)
علي:لله اعلم هو اني شايفهة ههههه
اياد:زين اذا اشوفهة راح اعرفها
علي:من تشوفهة كلبك راح يكلك
اياد:شيكلي..
علي:هههههه من تشوفهة راح تعرف(ودخلنا الى الصف)

....
مع عولا.كنت جالسة على مقعدي في طابق ثاني وحدي اعيش انا وعائلتي بطابق تحت لان انا ادرس ولا اريد ضوضاء لذا اعيش وحدي
..كنت ادرس واتتني رسالة منه
"هلاوي😢(انا بدا قلبي يخفق..اخذت الهاتف واتصلت بيه)

:بعد وكت
اياد:سااامحيني والله مو بيدي
عولا:لعد بيدمن ها يعني ست سنوات لا حس ولا خبر شنو هاي ماكلت هاي شصار بيهة ماصار
اياد:حياتي والله شغل ابوي حتة الكلية خلاني اتاخر عليها سنه ولله
عولا:هذا مو عذر..وبعدين ليش ماتصلت لو خابرت
اياد:بابا ماسمحلي اخلي جهاز ابد وجنت بس ادرس وبالعطلة اشتغل ويا يعني اتخيلي عمري 16 واتشغل شنو هاي..والله راحة ماخذت.
عولا:اوكي وهسة شنو شوكت ترجعون
اياد:مادري يمكن نستقر
عولا:اوكي عندك شي اروح ادرس
اياد:بتوفيق اوكي(اغلقت الخط ورميت الهاتف على سرير)خررب زعلت شوف..(عدتُ ادرس وانا افكر بها)
....
عولا:(كنت ابكي بحرقة كيف له ان يتركني ست سنوات ثم يتصل كييف)خرب بس معقولة ماحب هناك..(كانت دائما افكار سلبية تدرو في عقلي..عدت الى نوم ولم اذاكر حتى)
...

اياد..كنت اعود الى المنزل دائما مع صديقة لي كانت بقرب منزلنا..وكانت دائما تتحدث معي وكنا كل مانعود ننزل لنتشري الحليب ونجلس على الطاولة.

فرح(صديقة اياد عمرها18 كلية مرحلة اولة)..شبيك ليش هيج مهموم
اياد:ها لا هيج بس دراسة مدوختني
فرح(كنت دائما اراه مهموم وينضر للسماء دائما ويفكر ربما لديه حبيبة او يحن الى شيء ما.
فرح:السما حلوة اليوم(كنت انظر للسماء وانا اقول هذا)
اياد:اي تتذكر الماضي(كنت انظر للسماء ايضا
فرح:ليش انتة وين جنت
اياد:بالبصرة
فرح:لعد ليش اجيت هنا
اياد:بسسب عمل ابوي اجيت هنا
فرح:جان شگد عمرك واجيت هنا
اياد:16 بس مشتاق للبصرة كلش
فرح:نشالله ترجع روح بالعطلة ليش ماتروح
فرح:لا ماكدر اني بالعطلة اشتغل وية بابا
فرح:هممممم(اخذت حقيبتي وقلت له)يلة نرجع لا تمطر
اياد:اوكي(قمتُ من مكاني واخذت حقيبتي واتجهنا للمنزل
......

عولا(كنت واقفة انتظر الباص ليأتي ياخذني ورايت فتى يشبه اياد والتفت له وقال لي)
الشاب:خير اكو شي
عولا:لا ماكو شي اسفة اتشبهت بيك بشخص
الشاب:ها لعد اسف( اوقف سيارة تكسي وركب بها وذهب)
عولا:يشبه اياد كلش(ركبت في الباص وتوجهت للمنزل )

ستوووب
✋

شلونهة رواية😂
هاي اول روايا الي بالفصحى مع قليل من النكهات العراقية😂😂

اول حبيت اسويها فصحى بس ماعرفت😐لان ماعرف احجي مفصح هواي😂😂
فخليتهة عراقية مفصحة😂حلوة يعني ههه

شنو رايكم بيهة اكمل او ابطل😌

غردو بتعليقاتكم..

احبتم..😍