Checkmate? Ito ang katagang tatapos sa larong chess. Maihahalintulad sa larong ito ang ating buhay sa kung saan hindi ka dapat mawala sa focus kahit may distraction. Sa isang maling galaw mo, pwedeng magulo ang lahat. Dapat mag-isip mabuti bago ka gumawa ng move at dapat wag kang magpapadala sa mga panlilinlang na ginagawa ng iyong kalaban. Isang maling galaw, tapos ang laban at ang masaklap ikaw ang tatawaging talunan. Hitik sa pagsubok at problema, na siyang susukat kung gaano ka katibay. Iyan ang maikling diskripsyon ng ating buhay. Tulad sa chess, talino ang batayan upang maipanalo ang naturang laban, dapat mong pag-igihan ang paggawa ng depensa at opensa.
