حب في زمن الفيس بوك

قالوا في الماضي إن الحب يأتي من أول نظرة وفي زمننا الحالي ومع التطور والتقدم في قرن التكنولوجيا والشبكة العنكبوتية أصبح يقال إن الحب يأتي من أول مراسلة إذ تطور الحب لينتقل نقلة جديدة ويصبح حباً إلكترونياً بعد أن كان على أرض الواقع وجهاً لوجه وأصبح الحب يتمثل في إيميل ورسائل غرامية عبر الإنترنت وهناك من أن الحب الارتباط عن طريق الإنترنت أمر مشروع وهادف بينما يجده آخرون فيروساً يهدد البيوت وأمراً مرفوضاً تماماً فهل نجح الحب عن طريق الإنترنت أم هو مجرد تسلية بمشاعر الآخرين
الفيس #
مينا 🔴
اسمي مينا عمري 18 طالبة علمي وهذا اخر سنة لي اود أن احقق حلمي واصبح دكتور ناجحة دقت الساعة تشر إلى8:00 صباحاً نهضت من فراشي دخلت إلى الحمام استحممت وجهزت نفسي ونزلت الى الاسفل كانوا امي وابي يتناولون الفطور اقترب منها وطبعت قبله على وجنتيهم
مينا:صباح الخير ماما 😘
مينا:صباح الخير بابا 😘
الاب والام:صباح النور مونا
وكنت انظر الى الطعام
مينا:واو شكل الاكل يشهي
الام:لعد تعالي اكلي
مينا:لا ماما اتأخرت ولازم اروح من وكت
الاب:امشي خل اوصلج
مينا:لا بابا ماكو داعي تتعب نفسك اني راح اروح راح تجي عليه نور ونروح سوه
الاب:طيب ديري بالج على نفسج
مينا:ماشي
وبعد لحظات انطرق الباب ذهبت لكي افتحه وكانت نور تطرق الباب
مينا:يلا وينج ليش تأخرت
نور:لج مو كعدت متأخرة اليوم
مينا:مو تدرين اليوم عنده دوام
نور:ولج شيسوي الانترنت ياخذ عقل الوحدة
مينا:يلا امشي
خرجنا من البيت و صلنا الى المدرسة دخلنا الى القاعة بدا الدرس وبعد ان انتهت دروسنا دعدت الى البيت
كانت امي في المطبخ تعد لنا الطعام
مينا:مساء الخير
الام:مساء النور حبيبتي بشري شلون جان دوامج اليوم
مينا:تمام
الام:الحمدلله
مينا:اكيد اكلج ماما شنو الغداء اليوم لان راح اموت من الجوع
الام:سويت دولمة
مينا:مممم خل اروح ابدل واجي بسرعة حتى ناكل
الاب:ماشي بلكت يوصل ابوج وناكل سوه
مينا:اني راح اغير ملابسي
ذهبت الى غرفتي غيرت ملابسي ونزلت الى الاسفل تناولت الغداء مع عائلتي وبعد أن انتهيت من تناول الطعام ذهبت ادرس في غرفتي وعندما انتيهت من دراستي فتحت هاتفي وجلست اتصفح الفيس وجدت طلب صداقة من شاب انا في العادة لا اوافق على طالبات الصداقة للشباب ولكن لا علم لما انجذبت الى هذا الشخص لا اعلم ولكن يوجد شيء بداخلي يدفعني إليه وافقت عليه ودخلت على صفحته الشخصية واصبحت اتصفح منشوراته كانت اكثر منشوراته عن الوحيدة يبدا بانه وحيد مثلي وفجأة سمعت صوت امي تنادي عليه غلقت هاتفي ونزلت الى الاسفل
مينا:نعم ماما
الام :يلا جهزي نفسج راح نروح البيت جدج
مينا:ما اكدر اروح عندي دروس
الام:من تجين اقري
مينا:من ارجع من بيت جدج اكيد اجي تعبانة وما اكدر اقرة ويروح عليه الدرس خليها مرة ثانية اروح وياكم
الاب:ماشي خليها تدرس لا تصرين عليها
الام:ماشي بس اقفلي الباب لا تفتحينه لاي احد
مينا:ماشي
الاب:يلا امشي خل نروح
خرجوا ابي وامي واقفلت الباب وصعدت الى غرفتي فتحت الفيس وجدت رسالة من الشخص الذي ضفته
الشاب:مرحبا
رديت عليه
مينا:اهلا
انتظرت بعد لحظات اجابني
الشاب:ممكن اتعرف
مينا:ممكن اتفضل
الشاب:اني اسمي وليد
مينا:مينا
وليد :اهلا وسهلا عاشت الاسامي
مينا:اهلا بيج
وليد :من وين
مينا:من العراق بغداد
وليد :تشرفنا
مينا :الشرف لي
وليد:واني هم من بغداد
مينا:اهلا بيك
وليد:شكد عمرج
مينا:18 سنة وانت
وليد:20
مينا:العمر كله
وليد:تسلمي والج
وهكذا بدا تعرفنا بشي بسيط عرفت بانه يدرس كليه حقوق في جامعة بغداد وصرنا نتكلم اربع ساعات حدثني عن عائلته واني ايضاً تكلمت معه عن عائلتي وما هي هوايتي المفضلة وبعد لحظات سمعت صوت الباب يطرق قالت له
مينا:يلا وليد احجي وياك بعدين لان يمكن بابا وماما وصلوا
وليد:ماشي انتظرج
اقفلت الهاتف وذهبت لكي افتح الباب
مينا:هلو ماما اجيتوا
الام:اي حبيبتي بيت جدج يسلمون عليج وهواي وكالوا ليش ما اجتي
مينا:ان شاء الله اروح مرة ثانية اشوفهم
الام:شلون البيت بالغيابي
مينا:ولا شي كاعدة ادرس
الام:درستي زين
مينا:اكيد
الاب:راح اموت من التعب اني راح انام
مينا:واني هم نعسانه اريد انام
الام:اي صدك حبيبتي روح ارتاحي شوية وبعدين ادرسي
مينا:ماشي يلا تصبحون على خير
الام:وانتي بخير
ذهبت الى غرفتي واقفلت الباب
مينا:اسفه ماما هاي اول يوم جاي ابدي اجذب بيه عليج
عدت فتحت هاتفي واكملت حديثنا مع بعض
وفي اليوم التالي
استيقظت فتحت عيني ونظرت الى الساعة كانت تشر الى الساعة 8:30 نهضت مفزوعة
مينا:عزة بعيني اتأخرت عن الدوم
نهضت بسرعة دخلت إلى الحمام استحممت وخرجت غيرت ملابسي وذهبت بسرعة الى المدرسة كانت نور تنتظرني في الشارع
مينا:اسفة حبي اتأخرت عليج
نور:وينج صارلي شكد منتظره
مينا:اسفة اليوم كعدت متاخرة
نور:ليش شنو السبب
مينا:بعدين احجي الج
نور:يعني صاير شي
مينا:اي
وصلنا المدرسة وفجأة سمعت صوت شخص ينادي علي التفت ورأيت ماهر ابن عمي
نور:لج هذا مو ابن عمج
مينا:اوف اي هو هذا شكو جاي
نور:ولج عيب روحي شوفي شنو يريد
تاففت وذهبت اليه
مينا:صباح الخير
ماهر:صباح النور شلونج مينا
مينا:الحمدالله وانت
ماهر:الحمدالله عايش
مينا:خير ليش اجيت
ماهر:بصراحة جان عندي شغل هنا وفجأة شفتج وكلت اجي اسلم عليج
مينا:ها الله يسلمك
ماهر:اي شنو اخبارج البارحة ليش ما اجيتي وياه اهلج
مينا:جنت ادرس وما كدرت اعوف الدراسة واجي
ماهر:ها
مينا:يلا هسة تريد شي لان تاخرت ولازم ادخل على الدرس
ماهر:هاا لا ما اريد شي يلا روحي على درسج
مينا:باي
ماهر:باي
تركت وعدت إلى نور
نور:ها شيريد منج
مينا :امشي خل ندخل حتى يروح
دخلنا الى المدرسة وذهب ماهر
نور:شبيج وياه والولد
مينا:لج وين ما اروح اشوفه
نور:شكله يحبج
مينا:يالله بس عوز هذا الجاهل
نور:بس الجهل منو عيب وبعدين الولد ما كدر يكمل دراسته بسبب مساعدته لاهله مو هذا كلامج
مينا:اي اني ما كلت شي بس مو توصل وياه يحبني اني وين وهو وين واني هاي اخر سنه و وصل للكليه وهو ما مكمل دراسة
نور:بس الحب معليه بالتعليم
مينا:لا بشرفج يعني اذا اجة واحد مثل ماهر يخطبج توافقين عليه
نور:ليش لا خوش ولد واخلاقة زينه ومو مهم التعليم
مينا:لا والله انتي تحجين صدك يعني تقبلين بواحد مثل هذا
نور:اي ليش بابا
مينا:لا اني ما اقبل بهيج واحد مستحيل
نور:يلا بدا الدرس خل ندخل احسن
دخلنا إلى القاعة بدا المدرس بشرح الدرس
وبعد ان انتهينا من الدروسنا عدنا الى البيت وكنت اسير انا ونور
مينا:نسيت اكلج البارحة تعرفت على شاب بالفيس
نور:،بالفيس
مينا:اي شاب كولش حبابة يدرس بجامعة بغداد كليه حقوق ولج يخبل
نور:عزة بعينج واهلج يدرون
مينا:لا طبعا
نور:اي كملي
مينا:حجه عن اهلج حالتهم زينه يعني اغنياء
نور:لا والله
مينا:اي
نور:وانت صدكتي شمدريج يحجي صدك
مينا:مو دزلي الصور مالته بالبيت مالتهم
نور:حتى لو يجوز جذاب وبعدين لا تثقين بالحد بسرعة
مينا:لا ولج شكله خوش ولد وفقير
نور:ولو ديري بالج
مينا:يلا امشي خل نرجع للبيت لان اريد احجي وياه
نور:يلا امشي
وصلت الى البيت دخلت إلى غرفتي اتصلت به عن طريق الفيس لم يرد تركت له رسالة واقفلت الهاتف ونزلت اتناول الغداء مع عائلتي وبعد أن انتهيت عدت إلى الغرفة فتحت الهاتف وجدت رسالة منه
وليد:الو هلو مينا شلونج اشو ماكو
رديت عليه
مينا:الو
اجاب
وليد:الو
مينا:هلو وليد شلونك
وليد: الحمدالله وانتي
وبدانا نتكلم مع بعض استمرينا على هذا الحالة لشهرين اصبحت اعرف عنه كل شيء وهو يعرف عني كل شيء والى الان لم يراه وجهي لقد طلب مني ولكني رفضت هو لم يكرر هذا الطلب مرة اخرى انا وقعت في حبه واصبحت اعشقه كثيرا ولم يمر يوم في حياتي من غير أن اتحدث معه اصبح هو كل حياتي
وفي يوم من الايام ذهبت مع عائلتي الى بيت عمي وكان وليد منزعج مني لانني ذهبت معهم هو يعرف بان ابن عمي معجب بي ولقد تشاجر معي حاولت الرفض ولكن عائلتي اصرت عليه بان اذهب معهم فاذهبت معهم
وصلنا اليهم والقينا التحيه عليهم وجلست اتكلم مع وسن ابنة عمي الحمدلله لم يكن ماهر موجود
وسن:اي شلونج شخبارج بالدراسة
مينا:الحمدالله
وسن:اي عفية ترة اهم شي الدراسة
مينا:طبعا
وفجأة دخلت ماهر من الباب
ماهر:هاي شنو بيت عمي عدنا
ذهب الى ابي احتضنه وسلم عليه وسلم على امي واقترب مني وابتسم ابتسامة عريضة
ماهر:شلونج مينا
ابتسمت ابتسامة متصنعه
مينا:بخير
جلس امامي وكنت كل ما اعرف عيني اراه ينظر لي لقد ازعجتني نظراته تلك نهضت فورا وذهبت الى المطبخ لكي اشرب ماء واتخلص منه وفجأة سمعت صوته
ماهر:،ممكن وياج ماي
التفت له وسكبت الماء له
مينا:اتفضل
ماهر:انتي انزعجتي من نظراتي الج
مينا:هاا
تفاجئت لم أكن أعلم بانه انتبه لي
ماهر:اني اسف اذا هذا الموضوع ضايقج بس اني معجب بيج مينا من زمان
مينا:شنو
ماهر:اي مينا اني احبج يمكن هذا كلامي ضوجج مني بس اني لازم اكلج حتى تعرفين حقيقة مشاعري ناحيتج
مينا:طبعا انزعجت من كلامك انت مجرد ابن عمي وبس غير هذا ماكو شي بينه
ماهر:بس اني
مينا:مو سمحت لا ترجع تفتح ويايه هذا الموضوع والا راح يصير شي مو زين عن اذنك
تركته وعدت قلت لاهلي
مينا:يلا ماما خل نروح للبيت
الاب:ليش بنتي
مينا:اريد ارجع لان عندي درسه هواي ولازم ادرس
الام:يلا لعد امشي خل نرجع للبيت
عندما خرجنا رأيت ماهر كان يقف عنده الباب وكان شكله حزين جداً لم اهتم له تركته وركبت في سيارة ابي
الاب:خير ماهر شبيك واكف هنا
ماهر:لا عمي ماكو شي بس حبيت اغير جو
الاب:ها يلا احنه رايحين
ماهر:وين عمي بعد وكت
الاب:لا عمي مينا عدها دراسة وصار لازم نرجع ماهر:مع السلامة
الاب:مع السلامة ابني
عدنا الى المنزل ذهبت فورا الى غرفتي فتحت الفيس وصرت اتحدث مع وليد
مينا:الو
وليد:وينج صارلي شكد منتظرج شنو عجبتج الكعده هناك يم بيت عمج
مينا:شسوي حياتي غير اهلي
وليد:اي شنو الاخبار هم شفتي هذا الحيوان ابن عمج هم حجه شي وياج
مينا:اي حجينه مع بعض طلع خوش ولد
وليد:اي والله
مينا:اي
وليد:اي روحي لعد خلي ابن عمج يفيدج
اصبحت اضحك عليه
مينا:حبيبي جنت اشاقة وياك معقول تحبني هيج وتغار علية
وليد:طبعا انتي حياتي اذا ما اغار عليج لعد على منو اغار
مينا:واني هم احبك وخليك متأكد انو عيوني ما تشوف احد غيرك
وليد:حبيبتي اريد اطلب منج طلب
مينا:اتفضل
وليد:صارلنا شكد من نعرف بعض
مينا:راح يصير 3 اشهر تقريبا
وليد:معقول صارلي ثلاثة أشهر احجي وياج وصرت احبج لدرجة الادمان وما تخليني اشوفج
صمتت لم ارد
وليد:الو ليش ما تجاوبين
مينا:حبيبي وكلتلك مو هسة
وليد:شوكت يعني صارلي شكد من منتظر معقول بعدج ما تثقين بيه
مينا:لا حبيبي مو هذا قصدي بس
وليد:بس شنو مينا اني وليد حبيبج ما عندج ثقة بيه
مينا:اني اخاف
وليد:من شنو
مينا:اخاف يصير فد يوم مشكله بينه و..
وليد:و شنو متوقعه اسوي مينا اني احبج ومستحيل اسوي شي مو زين بحقج
مينا:لا و مو هيج قصدي
وليد:لا مينا عرفت شنو قصدج انتي للاسف ما عندج ثقة بيه عن اذنج
منيا:لا انتظر خلص اني اثق بيك واحبك وحتى اثبت لك هذا الشي راح ادزلك صورتي
وليد:لا مينا اذا مو اثقه بيه لا تدزين صورتج
مينا:اني واثقه بيك واحبك ولهذا السبب راح ادزلك صورتي حتى تتأكد بأني اثق بيك
اخترت صورة من صوري وبعثتها إليه
وليد:واو هاي انتي
مينا:اي
وليد:ما جنت متوقع انتي هيج حلوة
ابتسمت بخجل
مينا:شكرا
وليد:ومينا اريد اشوفج
مينا:تشوفني
وليد:اي ليش بس لا عندج مانع
مينا:بس شنو
وليد:بس شنو
مينا:مو هل فترة انتظر عليه شوية
وليد:ما امشي انتظر مثل ما تردين
وبعد مرور شهر قررت بان التقي مع وليد فا ذهبنا الى منتزه كورنيش الاعظمية وكانت هذه اول مرة اخرج مع وليد ارتديت ملابس المدرسة ونزلت الى الاسفل
مينا:يلا اني رايحة
الام:اشو اليوم طالعة من وكت
مينا:اي ماما لان اليوم عندي درس اضافي
الام:تمام روحي
مينا:يلا باي
الام:باي
خرجت من البيت وذهبت الى بيت نور
نور:يلا واخيرا اجيتي
مينا:حضرتي الفستان
نور:والله طلعت الج فساتين ثنين وانتي اختاري
مينا:اعذريني حبي لان جاي اخذ منج ملابس بس شسوي ما اريد ماما تدري
نور:لا ولج خبلة شنو هذا الحجي يلا اختاري اي واحد
مينا:الازرق حلو
نور:اي حلو
ارتديت الفستان ووضعت قليلاً من مستحضرات التجميل و رفعت شعري على شكل كعكة وارتديت الحذاء
مينا:ها هسة شلون طلعت
نور:تخبلين
ابتسمت شكرا
نور:مينا ديري بالج على نفسج
مينا:لا تخافين طول ما وليد يمي اكيد مراح يصير عليه شي
نور:حتى لو ديري بالج ولو اني محابه هاي الروحة بس شسوي
مينا:اوف لا تصيري مكروهة
نور:ماشي خلاص مراح اضوجج
وفجأة رن هاتفي نظرت كان رقم وليد
مينا:يلا اني صار لازم اروح لان وصل وليد
خرجت من بيتهم وكان وليد ينتظرني امام البيت وكان ركاب سيارة بيضاء اللون جلست بجانبه
مينا:صباح الخير
وليد:صباح النور هاي شنو انتي على الطبيعية تخبلين
ابتسمت بخجل
مينا:شكرا
وليد:يمة فدوه للخجول
نظر إلى ملابسي
وليد:هذا اللون عليج يخبل
مينا:شكرا
وليد:يلا خلينه نمشي اليوم راح اطلعج احله طلعه بحياتج
حرك السيارة وذهبنا الى المنتزه وعندما وصلنا رأيت اناس كثيرون هناك
مينا:اكلك هواي ناس هنا واني اخاف لا احد يشوفنا
وليد:لا تخافين منو راح يجي هنا وبعدين اني يمج احمج
ابتسمت
وليد:يمة تخبلين يلا انزل ياحلو
ترجلنا من السيارة ودخلنا الى وجلسنا على احد المقاعد
مينا:حلو المكان هنا
وليد:حلو لان انتي موجودة بيه شنو تحبين تشربين
مينا:اي شي
اشار الى النادل واحضر لنا المشروبات الغازية
وفجأة امسك بيدي
وليد:لو تدرين شكد تمنيت هاي اللحظة الي اشوفج بيها واحجي وياج
مينا:واني
وليد:انتي ليش خجلانة مني
مينا:ما اعرف يمكن هاي امرة مرة
وليد:لا تخجلين مني انتي حبيبتي وبعد يومين تصيرين مرتي
منيا:مرتك
وليد:اي شنو ما تردين نزوج
مينا:لا بس
وليد:بس شنو مينا اني احبج واريد علاقتي وياج تكون جديه اريد اجيب اهلي واجي اخطبج
مينا:بهاي السرعة احنه ما صارلنا هواي من نعرف بعض هي كم اشهر
وليد:وبهاي الاشهر عرفت عنج كل شي واني ما العب بيج اني علاقتي وياج صدك احبج من كل كلبي
مينا:واني هم احبك
وفجأة سمعت صوت ماهر ابن عمي
ماهر:مينا
التفت وكان يقف امامي نهضت مفزوعة
مينا:ماهر
ماهر:انتي شتسوي هنا ومنو هذا
نهض وليد من مكانه
وليد:وانت منو
ماهر:اسكت انت حسابي وياك بعدين احجي انتي شتسوين هنا
مينا:ااني
دفعني وليد ووقفت رواء
وليد:انت منو من وين تعرف مينا
ماهر:اني ابن عمها
وليد:هاا هذا انت
ماهر:شنو انت تعرفني
وليد:طبعا
ماهر:على العموم ما يهمني
نظر لي بغضب سحبني من يدي
ماهر:امشي انتي ويايه للبيت بسرعة
امسك وليد بيدي
وليد:وين تروح وياك شنو ما شايفها واكفة يمي
نظر له بغضب
ماهر:اسمع لك تروح مني لا والله امسح المنتزه بيك هسة
وليد:امشي لك حيوان
ودفعه بيده وسقط ماهر على الارض ومن ثم نهض بسرعة امسك بوليد وضربه بوكس وسقط على الارض وثم سحبني من يدي بقوة واخرجني من المنتزة ركبت في سيارة وذهبنا وكنت طوال الطريق ابكي واتشاجر معه
مينا:انت شلون تسوي هيج منو سمح لك هاي حياتي واني حرة بيها ما اسمح لك تتدخل بيها
وفجأة صفعني كف على وجهي
ماهر:انجبي واسكتي صوتج ما اريد اسمعه والا والله ادفنج هنا افتهمتي
لم انطق بشيء كنت ابكي وعندما وصل الى البيت قلت له
مينا:لا توديني على البيت اريد اغير ملابسي ما اريد اهلي يشوفوني هيج
ماهر بعصبية:وين اخذج لعد
مينا:على بيت صديقتي نور
حرك السيارة وذهبنا الى بيت نور اتصل بها وطلبت منها بان تفتح لي الباب وعندما وصلنا كانت تنتظرني نزلت من السيارة
نور:مينا شبيج ليش تبجين
مينا:بعدين احجي هسة اريد اغير ملابسي
نور:ماشي ادخل
دخلت إلى بيتها غيرت ملابسي وخرجت ركبت بالسيارة وذهبنا اوصلني الى بيتي وذهب عندما دخلت رايت امي
الام:هاا حبيبتي اشو اجيتي
مينا:ماكو دوام وطلعنا من وكت
الام:هاا
مينا:اني طالعه فوك ارتاح
ذهبت الى غرفتي تمددت على السرير وصرت ابكي ولم اخرج من غرفتي طول النهار وكنت اتصل على وليد ولكنه لا يجيب على اتصالاتي
مر على ذلك الموقف اسبوعين وكنت كل ما اتصل على وليد لا يجيب على اتصالاتي وفي يوم كنت ذاهبه إلى المدرسة مع صديقتي نور ورأيت وليد ينتطرني في سيارته
مينا:لج هذا وليد
نور:وينه
مينا:هذا ابو سيارة راح اروح اشوفه
نور:ماشي بس بسرعة
ذهبت إليه فتحت الباب وجلست بجانبه
مينا:حبيبي مشتاقتلك هواي ليش ما ترد عليه
وليد:اسف حبيبتي بس جنت مشغول شوية وزعلان منج
مينا:ليش حبيبي
وليد:شلون ترحين وياه هذا السافل وتعوفيني
مينا:خفت ما اروح يايه يروح يحجي لاهلي
وليد:واذا طبه مرض احنه راح نزوج ما يهم اي شي
مينا:شنو راح نزوج
وليد:اي اني حجيت ويا امي وهي وافقت مينا:صدك
وليد:طبعا حبيبتي بس
مينا:بس شنو
وليد:هي هسة مريضة ان شاءالله من تتحسن نجي عليكم بس انتي لازم تنطيني عنوان بيتكم حتى ادز امي عليكم
مينا:ماشي
اعطيته عنوان منزلي
وليد:ماشي حبيبتي ان شاءالله من تتحسن امي نجي نخطبج بس الزواج من تخلصن مدرسة
مينا:اي تمام
خرجت من السيارة وذهبت الى نور اركض
مينا:ولج نور راح يجي يخطبني
نور:صدك
مينا:اي والله انطيته عنوان بيتنه وراح يدز امه علينه
نور:،انتي خبلة
مينا:شبيج
نور:شلون تسوي هيج ليش تنطيه عنوان بيتكم بهاي السهوله شمدريج كلامه صدك او لا
مينا:هاي شبيج انتي جاي تخوفيني منه على طول
نور:حبي اني جاي افهمج حتى لا توكعين بالغلط
مينا:اني مو صغيرة واعرف الصح من الغلط
نور:اوكي لا تزعلين مني اني خايفة عليج واريد مصلحتج
مينا:اي ادري بيج حياتي اني ما زعلانه
في اليوم التالي ذهبوا عائلتي لزيارة بيت جدي وانا بقيت لوحدي في اليوم كنت ادرس في غرفتي وفجأة سمعت صوت الباب
مينا:معقول اهلي رجعوا همه كالو راح يتأخرون لليل يلا يجون
نزلت إلى الاسفل وفتحت الباب وتفاجئت برؤية وليد
مينا:وليد انت شتسوي هنا
وليد:جنت يم صديقي واجيت اشوفج
مينا:شنو تشوفني اني الوحدي بالبيت
وليد:اي ادري اهلج طلعوا شفتهم
مينا:اي وشتريد
وليد:اجيت اشوفج
مينا:شنو تشوفني روح لا احد يشوفنه
وليد:اريد اشرب ماي راح اموت من العطش
مينا:ما اكدر ادخلك بالبيت
وليد:شنو خايفة مني راح شسويلج
مينا:ما اكدر ادخلك بالبيت روحي
وليد:ما اكدر اكف هنا الناس يشوفوني بس اشرب ماي واطلع شبيج خايفة
كنت خائفة ولا اعلم ماذا افعل
مينا:يلا ادخل خلصني
دخل إلى غرفة الجلوس
وليد:بيتكم حلو
مينا:اي
كنت قلقة جدا
مينا:لحظة راح اجيب ماي واجي
احضرت له ماء وشرب الماء
مينا:يلا خلصت روح هسة
وليد:هاي شبيج خايفة تعالي خل نكعد نسولف شوية
مينا:شنو نسولف روح عفية لا احد يجي ويشوفك
وليد: يالله منج ليش خايفة مني
مينا:وليد وجودك هنا مو زين علية وعليك واني اخاف لا اهلي يجون
وليد:لا تخافين همه هسة راحوا فأكيد راح يتأخرون شوية تعالي تكعدي يمي خل نحجي عن العرس
مينا:بعدين نحجي روح هسة الله يخليك
وليد:هاي شبيج تعالي خل نحجي مراح اكلج لا تخافين مني
ذهبت جلست بجانبه
وليد:هاي شبيج كاعدة بعيد تعالي اتقربي يمي
مينا:لا هيج مرتاحة
وليد:بس اني ما مرتاح طول ما انتي بعيدة عني
اقترب مني و وضع يده على ظهري
مينا:وليد جاي شتسوي
وليد:هاي شبيج اريد احضنج
مينا:وليد ميصير هيج وخر مني
اقترب مني اكثر
مينا:وليد لا تتقرب ابتعد مني لو سمحت
وليد:انتي حلوة مينا ما اكدر امنع نفسي عنج
اقترب مني وقبلني حاولت أن ابتعد عنه لم استطيع كان يمسك بي بقوة دفعته بيدي واردت النهوض ولكنه امسك بي ودفعني على الاريكة
وليد:تعالي ولج صايرة شريفة عليه
صار يقبلني بكل قوة كنت اصرخ واتوسل إليه بان يتركني ولكنه كان مثل الوحش
مينا:وخر مني ياحيوان
ضربته بقدمي وركضت الى غرفتي اقفلت الباب عليه وكان هاتفي على الارض اتصل على ماهر
ماهر:الو
مينا:الو ماهر الحكلي الله يخليك
ماهر:شكو شبيج
مينا:تعال للبيت مالتنه بسرعة لا تكول لاحد بسرعة الله يوفقك
ماهر :ماشي هسة جاي
اقفلت الخط وفجأة انكسر الباب ودخل وليد
مينا:وليد الله يخليك لا تتقرب مني اترجاك
وليد:امشي ولج صاير شريفة عليه ليش دخلتيني للبيت
دفعني على السرير اصبح فوقي واصبح يقبلني بوحشية وانا كنت اصرخ واتوسل إليه
وفجأة دخل ماهر وامسك بيه وضربه بقوة سقط على الارض واصبح يضربه بكل قوة الى أن هرب وليد من البيت واتى ماهر لي
ماهر:انتي بخير سوه الج شي
مينا:لا بس لو ما اجيت انت جان هذا الكلب دمر حياتي
ماهر:لا اهدي اني يمج
احتضنته وصرت ابكي
ماهر:لا تخافين مراح يصير شي اني يمج
وفجأة رن هاتفي انظرت كان وليد
مينا:هذا الحيوان جاي يتصل بيه
ماهر:انطيني الموبايل اني ارد عليه
وليد:الو
ماهر:شتريد يا كلب
وليد:ها ابن العم بعدك يمها على العموم كول للشريفة صورها باجر الصبح كلها راح تنشر العراق كله راح يشوفها والله الا افضحها فضيحة ما صايرة بسيطة
واقفل الخط
مينا:ها شنو كال
ماهر:انتي انطيتيه صورج
مينا:شنو
ماهر بعصبية:انتي انطيتيه صورج
مينا:اي
ماهر بعصبية:انتي غبية شلون تسوي هيج
مينا:شكو
ماهر:لج خابر هسة يكول باجر راح ينشر كل صورج
مينا. بصدمة:شنو
ماهر:اي
مينا:عزة بعيني شسوي هسة
وصرت ابكي واصرخ
ماهر:بس اسكتي خل نشوف حل
مينا:شلون ساعدني الله يخليك
ماهر:ما تعرفين وين بيتهم
مينا:لا
ماهر:شلون هسة
مينا:راح انفضح شسوي
مرة اليوم التالي لم تنشر اي صور لحد الان وقد علموا اهلي وتشاجرو معي وابي منعني من الذهاب الى المدرسة وكنت اجلس في غرفة الجلوس مع ابي والام وماهر وفجأة رن هاتفي نظرت كان رقم وليد
نظرت لهم
مينا:هذا وليد
الاب:انطينيه
ماهر:لا عمي خليني اني ارد عليه
ماهر:الو
وليد:الو ماهو
ماهر:اي شتريد ياحيوان
وليد:اني اريد اشوف مينا
ماهر:وين تشوفها يا كلب
وليد:لا تخاف مراح اسوي لها شي بس احجي وياهه
ماهر:ماكو تحجي وياهه عندج حجي احجي ويايه
وليد :ماشي زين اريد اشوفك
ماهر:وين
وليد:براس الشارع مال بيت مينا انتظرك
ماهر:هسة جاي انتظرني
اقفل الخط
الاب:شكو شنو كلك هذا الكلب
ماهر:،عمي يريد يشوفني لازم اروح اشوفه
مينا:وين رايح اخاف يسويلك شي
ماهر:لا ان شاءالله ماكو شي بس انتو لحد يطلع
خرج من ماهر من البيت وبقينا ننتظر وعدته وبعد ساعتين انطرق الباب ذهبت بسرعة فتحته وكان ماهر
مينا:ها ماهر بشر شنو الاخبار
اعطاني هاتف
مينا:شنو هذا
ماهر:هذا موبايل وليد بيه كل صورج يكول خل تمسحهن كلهن
مينا:شنو
ماهر:اي
مينا:ليش وشعجب انطاك الموبايل
الاب:شنو القصة
ماهر:البارحة من رجع للبيت مالتهم لكه امه صايرة بيها جلطة وميته بسبب اخته
مينا:شنو ليش
ماهر:اخته جانت عدهه علاقة بواحد وصورها صور مو زينة والبارحة نشر كل صورها وامه من شافت الصور مالته صارت بيها جلطة وماتت
مينا:يالله دخيلك
والاب:كما تدين تدان هاي العدالة
الام:الحمدلله والشكر
ماهر:وطلب منج تسامحينه وكال هذا الموبايل امسحي كل صورج طلب مني انطيج الموبايل حتى تسمحين الصور الموجودة بيه
اخذت الهاتف وحذفت جميع صوري و عاد ماهر الهاتف الى وليد والحمدالله خرجت من هذا المحنه على خير لقد تحسنت علاقتي بماهر واصبحنا اصدقاء ونلتقي كثيراً اقنع ماهر ابي بان اعود إلى الدراسة ولكن بشرط هو ان ماهر يوصلنا الى المدرسة كل يوم وافق ماهر واصبح على طول ياخذني للمدرسة ونعود مع بعض ولقد اصبحت عندي مشاعر حب ناحية ماهر لقد اصبحت احبه كثيرا
وفي يوم من الايام ذهبت مع عائلتي الى بيت ماهر وكنا نتحدث مع بعض في الحديقة
ماهر:مينا
مينا:نعم
ماهر:اريد اكلج شي
مينا:اتفضل
ماهر:بس متردد شوية
مينا:ليش متردد احجي
ماهر:اني اريد اطلب يد صديقتج نور
انصدمت
مينا:شنو
ماهر:اني وما اعرف شلون احجي وياهه وكلت انتي صديقتها وصديقتي واكيد راح تساعديني
لم ارد  عليه كنت مصدومة
ماهر:شبيج مينا
مينا:هاا لا ولاشي خلص اني راح احجي وياهه ماهر:صدك
مينا:اي اكيد
ماهر:اي عفية حبابة انتظر منج جواب ماشي
مينا:يلا هسة اني صار لازم ارجع
ماهر:وين رايحة بعد وكت
مينا:لا مو باجر عندي امتحان ولازم ادرس
ماهر:،ماشي
عدت الى البيت مع عائلتي دخلت إلى غرفتي وصرت ابكي
مينا:شنو مفكرة راح يحبج انتي بعد كل الي صار انتي ضيعتي من يدج بسبب غبائج اكيد راح يحب نور هي احسن منج وتستحق واحد مثله يحبها
لم انام طول الليل كنت ابكي الى اصبحت الساعة السابعة صباحاً دخلت إلى الحمام استحممت وخرجت غيرت ملابسي وخرجت من البيت كان ماهر ينتظرني لكي ياخذني الى المدرسة وعندما وصلنا وقبل أن انزل قال لي
ماهر:اكلج مو تنسين الموضوع احجي وياهه عفية
مينا:اكيد
نزلت من السيارة  ودخلت إلى المدرسة وعندما دخلت رأيت نور
نور:صباح الخير
مينا:صباح النور
نور:شبيج شكلج ضايجة شكو
مينا:ماكو شي بس تعبانة من الدراسة
نور:يمعودة مابقى شي ونتخرج ونروح للكلية
مينا:اكلج عندي شي اريد احجي وياج
نور:شنو
مينا:ماهر
نور:ابن عمج شبيه
مينا:يريد يخطبج
نور:شنو
مينا:اي البارحة حجه ويايه بالموضوع
نور:انتي تحجي صدك
منيا:طبعا
نور:اني تفاجئت ما جنت متوقعه هذا الشي
مينا:هو ينتظر خبر منج شنو اكله
نور:مينا انتي شنو تشوفين
مينا:هاي حياتج شعليه اني
نور:هو خوش ولد وحباب
مينا:اي لعد شبيج
ابتسمت وقالت
نور:ماشي موافقة
مينا:صدك
نور:اي وين الكه احسن منه
مينا:طيب مبروك
نور:شكرا
مرت الايام وسمعت بان وليد اخذ اخته وسافر إلى خارج العراق تمت خطوبة ماهر نور وكنت سعيدة من اجلهم برغم الحزين الذي كان بداخلي هذه الحياة تجارب ويجب ان نتعلم من تجاربنا وأخطائنا الحمدالله  دخلت للكلية صرت ادرس طب واتمنى بان احقق حلمي في يوم من الايام واصبح الان لا يهمني شيء سوى دراستي فقط لا اريد أن اكرر غلطتي مرة اخرى
.
.
.
.
.
#رواية_حب_في_زمن_الفيس_بوك
النهاية شنو رايكم بالرواية اتمنى عجبتكم صح هي قصيرة بس اتمنى كون وصلت وجهة نظري وصلت فكرتي من خلال هاي الرواية  يلا انتظروني برواية جديدة تصبحون على خير