في الصباح
تحديدا في باريس الساعه9:30 صباحا
يوسف :ميمو كعدي حبيبي
ميرنا :اممم اريد انام
يوسف :اوك ضلي نامي
#يوسف
كمت سبحت وبدلت ورحت للمطبخ سويت ريوك وطلعت جبت صمون ورجعت للبيت شفت الساعه 10:30 صباحا رحت للغرفة وشفت ميرنا بعدها نايمه
يوسف :ميمو حبيبي يلا كعدي
ميرنا :اممم
يوسف :يلا
ميرنا :اوك كمت
يوسف :صباحو حب
ميرنا:كونايدن (صباح الخير بالتركي )
يوسف :كونايدن اشك (صباح الخير حبي )
#ميرنا
گعدني يوسف الصبح وكمت سبحت وطلعت لبست تراك مال بيت بعدين رحت للمطبخ وشفت يوسف كاعد ع طاولة الطعام ويلعب بفونه والطاوله مرتبه وعليها الريوك (بيض زيتون شاي وحليب جبن قيمر وصمون )
ميرنا :واااو شكل الاكل يشهي
يوسف :هههه يلا تعاي اكلي
ميرنا :اوك
ورة 20 دقيقه
ميرنا:الاكل روعه عاشت ايدك
يوسف :ايدج العايشه 😘...يلا كومي بدلي خل نطلع نفتر
ميرنا :اووك
الساعه 8:30 صباحا
تحديدا في العراق (بغداد )
ام ملاك :ملوكه ماما يلا كعدي
ملاك :ماما اليوم اني مريضه مااكدر اداوم
ام ملاك :شبيج حبيبتي
ملاك :ماما راسي يوجعني ومصخنه
ام ملاك :بله خل اشوفج..ياا صدك مصخنه لا داومين ماما اليوم
ملاك :اي ماما بس دكي ع محمد وكليله مااداوم علمود مايجي
ام ملاك :اوك حبيبتي انتي نامي وارتاحي
مكالمه بين ام ملاك ومحمد
ام ملاك :سلام عليكم
محمد :وعليكم السلام شلونج خاله
ام ملاك :حمد الله ابني ..محمد ابني اليوم ملاك مراح اداوم
محمد :ليش شبيها ملاك
ام ملاك:مصخنه وراسها يوجعها
محمد :اوك خالتي اني العصر اجيلكم
ام ملاك :اوك ابني
محمد :مع السلامه
ام ملاك :الله وياك «
#محمد
جنت اريد اطلع من بيتنه واروح بيت ملاك علمود اخذها واروح للجامعه واني جاي اركب بالسياره دكت ام ملاك وكالت ملاك مريضه قلقت عليها ورحت للجامعه دخلت اول محضارتين وطنشت بقية المحضارات لان مجان الي خلگ لا يوسف ولا ملاك موجودين فرجعت للبيت يعني تقريبا طلعت ساعه 2 ظهرا وصلت لبيتنه تغديت وصعدت درست شوي ونمت كعدت ساعه 5 عصرا رحت غسلت وبدلت ونزلت كلت الاهلي رايح الملاك ورحت لبيتهم وصلت ونزلت من السياره ودگيت باب بيت ملاك وره شوي طلعتلي ام ملاك
ام ملاك :اهلا وسهلا ابني تفظل
محمد :هلا بيج خاله زاد فضلج
ام ملاك:تكعد بالصاله لو تصعد لغرفة ملاك
محمد :لا اصعد لغرفة ملاك
ام ملاك :اوك ابني البيت بيتك
محمد :من رخصتج خاله
ام ملاك :اخذ راحتك
#ملاك
اجت امي گعدتني الصبح علمود اروح للجامعه بس جنت دايخه وحرارتي مرتفعه فكتلها مااروح وكتلها خابري ع محمد وبعدين نمت وكعدت ساعه 1 ظهرا وتغديت امي سوتلي شوربة وجابتها الي لغرفتي شربتها ونمت گعدت ساعة 5 رحت للحمام اخذت شاور ولبست تراك مال بيت وطلعت جنت امشط شعري وسمعت صوت الباب گلت اكيد ماما
