أنت كاذب أيها القلب

الفصل الثاني

كان ينطلق بسيارته بأقصي سرعة وبجانبه صديق طفولته الذي قال بصراخ :-

-هنموووووت ، هنمووووت الله يخربيتك يا ساهر هدي السرعة شوية

ساهر بحماس :-

-ماتجمد قلبك يا زومي الله

-ياعم انا كدا هقطع الخلف وانا عايز اتجوز واخلف عيال كتيير

ساهر بسخرية :-

-بتموت ف الستات زي عنيك انتا

-وأنت مبتطيقش سيرتهم حتي ، انا مش عارف ماشي معاك ازاي والله

-ليه ياعم ماشبهش ولا ماشبهش

-لا تشبه ياخويا يلا اركن بقا عشان نلحق نخش

قام ساهر بركن سيارته ثم ترجل منها هو وصديقه حازم ، كان حازم شابا طويلا لديه ملامح تتميز بالوسامة والمرح طيب القلب يحب صديقه الوحيد بشدة ، دخلا معا وسط أعين المحيطين وخاصة الفتيات كان حازم يلقي السلام علي الجميع بعكس ساهر الذي ارتدي قناع البرود المفضل له ، انه شخص مرح جدا وطيب ولكنه لا يحب الاختلاط بأحد خصوصا الفتيات ، اقتربت منه مهرة مع تالين بينما قال حازم بإبتسامة واسعة :-

-ازيكو يا بنات عاملين ايه؟

مهرة بنفس الابتسامة :-

-الحمدلله ، ازيك يا ساهر

ساهر بإبتسامة خفيفة :-

-كويس يا مهرة الحمدلله

مهرة بتساؤل :-

-ايه عندكو محاضرة ناو ولا ايه؟

ساهر :-

-اه يلا بقا مع السلامة

مهرة بإحباط :-

-ماشي سلام

جذب حازم من يده بينما قال الأخير :-

-ايه يا عم كذبت عليهم ليه؟! احنا معندناش حاجة دلوقتي !

ساهر بخفوت :-

-انت عارف مبرتاحش اقف مع بنت وخصوصا لو كانت البنت دي مهرة

حازم بتعجب :-

-ومالها مهرة؟! انت نسيت انها بنت عمك ولا ايه؟

ساهر ببرود :-

-اه بنت عمي علي عيني وراسي طبعا بس انت عارف انا مش بحب اسلوبها ف التعامل مع اللي حواليها ده

حازم بضجر :-

-يووووه ماشي يا معقد انت يلا بينا عالكافيتريا عشان مفطرتش

نظر ساهر نحو مهرة فوجد باسل يقترب منها فقرر أن يبقي ليشاهد الموقف ، ساهر وهو ينظر نحو مهرة :-

-استنا يا حازم

كان باسل فتي معروف في الجامعة بلعوبيته وأنه لا يترك أي فتاة تمر من تحت يده وبالطبع لا توجد فتاة تستحق ان تكون هدفا له أكثر من مهرة ، اقترب منها قائلا بإبتسامة :-