تليفون كيصوني...
(شفت شكون معيط )
انا:مالك مصبحا عليا على صباح بيتا تحلمي بيا
نسرين:فيقي انعاسة صباح الخير ناس رآه هبطو تبحرو و جاو و نتي باقا ناعسا رآه صيف هدا هادي هي غنفيق بكري
انا: ورااه باقي لحال اصاحبتي رآه يالاه لعشرة هادي
نسرين :لمهم نودي وجدي راسك انا واحد الساعة ندوز عندك يالاه تلاحي
انا:بسلامة
.
.
آه نسيت معرفتكمش براسي انا ماجدة عندي 18 عام هاد العام خديت لباك لمهم غنقربكوم مني كتر انا بنت طويلة شوية لاطاي حوتي شعري طويل و كحل أما واحد مولاتي العينين لي شافهوم كيعجبوه حيت أنا عينيا كبار و مشفرين لونهم فشمس كيبان غري و هادي لي كنت كنهدر معها دابا هي صحبتي نسرين صداقتنا دامت كتر من 10 سنين يعني أصدقاء من الطفولة
لمهم ما علينا نضت دوشت و صليت جوج ركعات لبست كسوة قصيرة شوية طالعا على الركبة فالغوز و سنيديلة بيضة و خليت شعري مطلوق درت مكياج خفيف حيت مني غنعوم غيتحيد مع الما و نزلت
ماما:صباح الخير
انا:صباح نور يا احلى و أغلى أم فدنيا
ماما:بنتي سيري فيقي هبة (ختي) و تعالو باش تفطروا
طلعت نفيق فختي والوا مبغاتش تفيق عيت منفيق فيها و والو تغولي ميتة فكرت شنو ندير باش تفيق مشيت عمرت وحد سطل ديال لما بارد و خويتوا عليها فاقت قافزة
هبة :ناري مي تسونامي ضرب
انا:ههه بسم لله عليك الى منضتيش غنزيدك وحد سطل ديال ما اخور باش تحسي فحالا تسونامي ضرب ديال بصح
هبة:امالك ازمرا طيرتها مني خلعة
انا:سرك نتي راك مكتنعسيش راك كتغيبي و دابا نوضي بدلي هاد الحالة راه ماما كتسنانا ف الفطور
بدلت عليها و نزلنا يالاه بدينا فلفطور و حنا نسمعوا صونيط هادي مغتكون غير نسرين لمهم حلييت ليها دخلات تفطر معانا كملنا لفطور و خرجنا مشينا فطنوبلت نسرين و حنا غادين فطريق
نسرين:بغيت غير امتا تسالي هاد العطلة و ندخلو نقراو فالجامعة كيعودوا فيها الغير الباغص
انا:هادشي اش حاضيا نتي وخا اكون حالتوا تغولي عليه بغوص
نسرين :وباااز بغيت غير نعرف اصاحبتي علاش نتي مكتصاحبييش عيشي حياتك
انا:آه خنعيش حياتي ولاكن أي حاجة عندها علاقة بالرجال متجبدهاش ليا حيت بابا (وخا ميستاهلش هاد الكلمة)كرهني فالرجال و ما يجي منهم
نسرين :صافي اصاحبتي بردي و نساي عليك هاد الموضوع
لمهم وصلنا لبحر و أول حاجة درناها من بعد ما حطينا حوايجنا و قادينا بلاصتنا هي مشينا نعومو كان الجو هداك النهار زوين عمنا حتى بردنا هوايشنا من العومان من بعد ضربنا دويرة فلاكوط و تلاقينا مع واحد دري كان كيقرا معانا فسنكيام و كان معاه واحد الدري
انا:إسماعيل فين هاد الغبرة لدفنوه مبقاو زاروه
اسماعيل:غير مع الوقت و صافي
نسرين:لي سمعك اغول غير مدير ديال شي بنكة
اسماعيل:وعلاش لا انشعلاه
نسرين:اوا معرفتيناش بهاد الدري لمعاك
اسماعيل:هدا اسامة، 26 عام مدير شركة
انا و نسرين:متشرفين
اسماعيل :ياله خلينا ليكوم الراحة هاد الساعة
انا: بسلامة
طلعنا فلاوطو
نسرين:مشفتسش هاداك اسامة صاحب اسماعيل منزلش عينو علييك
انا :حتى نتي الله اهديك عرفاني خاوية رأسي من هاد التخربيق
نسرين:.....
تتمة.....
لي بغا لكمالة أدير )vote(
