حكاية مسافات

ليه ...

#رامي_ربيعة

عدى على تعب روان يومين و مفيش أي تحسن ،، السخونة بتروح و تيجي بس صوتها مرجعش و مبقتش تتكلم خالص ،، بقت تتعامل معانا بالإشارات او الكتابة. أنا قلبي واجعني عليها أوي .. عمري ما شوفتها بالمنظر دة قبل كدة و مش قادر بجد !! 💔

رنيم: كدة مش نافع ،، لازم ناخدها للدكتور .. قومي يا ردينة ساعديني 😢

ردينة قامت و روان قامت معاهم كدة و أنا و الشباب طلعنا برة علشان روان تغير .. ايه اللي حصل دة يا ربي ؟!

***

الدكتور: أول مرة أشوف حالة زي دي ،، بس إحنا محتاجين نعملها اشعة علشان نعرف ايه مصدر انها تفقد صوتها كدة. بس هنشوف في التحاليل.

روان بصتلي و كانت مرعوبة أوي و بدأت تعيط.. قومت حضنتها و عيط أنا كمان من غير صوت و هيا ماسكة فيا. يعني من أسبوع كنا مع بعض و فرحانين و كل حاجة كانت كويسة ،، في يوم و ليلة كل دة يتقلب 180 درجة !! الحمد لله على كل حال ،، بس أنا مش هستحمل لو خسرت روان.

###

#روان

بعدما خادوني علشان أعمل التحاليل ،، قعدت مسهمة.. بفتكر كل لحظة عيشتها في حياتي. افتكرت ماما و هيا حضناني و كنت متعورة و بتعالجلي الجرح.. بابا و هو جايبلي لعب و هدايا لما كان جاي من السفر ،، رنيم لما كانت بترجع من المدرسة و بتجبلي شيكولاتة و بتأكلهالي. آسر لما كان بيرجع مخصوص من المدرسة علشان يلعب معايا و بيشلني على ضهره.

إفتكرت أول يوم مدرسة لما قابلت مريم و سما. و بعدين اتعرفت على ريم و ردينة و بقوا صحابي.. و شوفت دنيا و تسنيم.. نجاحي في الثانوية العامة و تخرجي من كلية الهندسة.. و فتح مكتبي اللي سما معايا فيه.

أول مرة قابلت رامي و إزاي وقف جمبي و حبيته بسهولة و بسرعة ،، خطوبتنا و فرح ردينة لحد اخر حضن ادهولي لما كنت في المستشفى فوق.

و بعد كدة عملولي التحاليل و ادوني مخدر بعدها. بس لسة كل الكلام اللي رامي ادهولي بيتعاد في ودني بصوت واطي و بهدوء.

###

#رنيم

روان خرجوها و كانت نايمة و إحنا كنا قاعدين برة و الدكتور دخل و الممرضة كانت معاها الإشعة و شافها. بعد كدة علقوا لروان محاليل و هو طلع و روحناله.

أنا: خير يا دكتور ،، روان كويسة؟!

الدكتور: الأشعة اثببتت ان عندها ورم.. بس الورم مش باين إذا كان خبيث و لا حميد..

رامي: قصدك انه لو الورم خبيث يبقى روان عندها..

الدكتور: Thyorid Cancer أيوة بس هيا لازم تسافر لندن علشان تعمل العملية و نستأصل الورم دة.. بس في حالتها دي اعتقد ان الورم حميد.. ادعولها.. عن إذنكم.

مشي و أنا حطيت ايدي على بؤي و عيط و رامي حط ايديه ورا دماغه و اتزحلق عالأرض و سند نفسه عالحيطة. كلنا كنا بنعيط و خايفين.. آسر كان واقف بعيد و مش بيعمل حاجة.. ليلى كانت جمبه و هو بعد كدة مشي و سابها.

ليه أختي يا رب ؟! 💔

###

#ردينة

كلنا كنا قاعدين بنفكر ايه اللي ممكن يحصل لروان ،، أنا بدعي ان الورم يطلع حميد طبعا علشان لو خبيث ممكن روان تروح فيها لا قدر الله. روان دي أختي دي اقدم واحدة في الشلة معايا و من زمان.. لو حصلها حاجة أنا ممكن اتعب بعدها. يا رب استرها معاها يا رب و الورم يطلع حميد. لو مش عشاني يا رب عشان أبوها و أمها و اخواتها.. و الواد اللي بيحبها دة يا رب 🙏💔

###

#روان

فوقت و لقيت نفسي في أوضة لوحدي و متعلقلي محاليل و ممرضات واقفين بيتكلموا و لما شافوني ضحكوا و جم عليا.

الممرضة: حمد الله على سلامتك ،، محتاجة حاجة؟

عملتلهم بإيدي اني عايزة أشرب و جابولي مايه. لقيت واحدة طلعت و رامي دخلي و كان ساكت كدة.. الدكتور قالهم ايه؟

أنا: ر.. رامي؟

اتكلمت و صوتي كان ضعيف .. هو بصلي و بص في الأرض كدة. حطيت ايدي على ايدو و هو رفع راسه و كان بيعيط و فجأة لقيته بدأ يعيط جامد و حضني و فضل يعيط.

رامي: روان أنتي هتروحي مني !! مش عايزك تروحي مني !! أنا ما صدقت لقيتك 💔 !!

رفعت راسه و كانت عينه حمرا أوي و هو مسح دموعه و حاول يمسك نفسه كدة.

رامي: الدكتور قال انك لازم تسافري علشان تعملي عملية.  أنتي عندك ورم .. و مش عارفين إذا كان خبيث و لا حميد 💔

بصيتله و ضحكت كدة بالراحة و هو بصلي و هو مستغرب.

أنا: قلقان ليه؟ ان شاء الله هخف و كويسة و هيا محنة و هتعدي 😄✊

رامي: ليه مش خايفة ؟! أنتي ممكن .. بعد الشر تموتي 😢💔

أنا: كل حاجة مكتوبة عند ربنا و لو هموت دة قدري و لو عديت يبقى ربنا لطف بيا ،، ثقتي و املي في ربنا كبير و ربنا مبيعملش حاجة وحشة ✋❤

رامي ابتسم و حضني. هو صح أنا كنت خايفة بس أنا راضية باللي مكتوب و عمري ما هعترض.
____________________________________

بصوا معرفتش اكتب ايه 😂😂✋ فا كتبتلوا اي حاجة تتسلوا بيها لحد ما أنزل 😂😂💃

ايوة انتوا فكركو اني هنزل كل ويكيند و كدة 😂😂💔 اولا الباقة مش هتتجدد و الموب هيتاخد 😭😭💔

بس و الله هحاول انزل عشان انا بحب القيصة دي 😍💙

المهم ايش رأيكوا 😂😂 حلو و لا لا؟ قصير اه 😂😂👌 بس اصلا ماما بتزعقلي فا كتبت اي حاجة عالسريع كدزة 😂😂👏

و لو في اخطاء عدوا عدوا 😂😂😂✋

شهطول عليكم 😂✋

فوت/كومنت

سلام 👋❤