طلعت من المطبخ وهي مشغوله بجوالها صدمته بالغلط
فارس بعصبيه : عميا انتي ماتشوفين ؟
ريم بخوف : آسسسفه
فارس : صدق ما منك فايده ،مدري ليه تزوجتك لو اني مخليك عند اهلك وفقرهم ابـرك
ريم انقهرت من كلامه : الفقر مب عيب
تنهد بعصبيه : اطلعي عن وجهي ما ابي اطلع حرتي فيك
_ راحت لغرفتها والدمعه بعينها _
،
دقت عليها صديقتها
ردت بتعب : هلا نوره
نوره : شفيه صوتك كذا !
ريـم بقهر : خلاص يا نوره تعبت والله تعبت ما اطيقه ولا اتحمل وجوده
يكفي اني متزوجته بالغصب وبعد يعاملني كذا ويسبني ويشتمني
نوره بحزن : والله مدري وش اقولك ،، بس مالك الا الصبر
£ سمعت صوت صراخه £
ريم بتوتر : يلا نوره مع السلامه هذا هو يبيني
" قـفلت ونزلت بسرعه "
،
ريم : ناديتني ؟
فارس : لي ساعه اناديك وحضرتك طالعه فوق ومطنشه
ريم : انت الي قلت لي اطلعي
فارس : لا تنافخين
ريم : بغيت شيء ؟
فارس : امي وخواتي الحين بيجون روحي عدلي شكلك وتجهزي والبسي زين " وبحده" ياويلك ان سمعت انك قايله لهم شيء فاهـمه ؟
سكتت
فارس بصراخ : ردي
فزت : فهـ،،مـت
فارس : روحي تجهزي
ريم : ببس ماعندي شيء زين البسه
