Talaga namang kay hirap kalaban
Kapag nagalit ay ang kalikasan
Kahit ikaw pa medyo ay may kahandaan
May mga bagay pa ding hindi maiiwasan
Nagdaang bagyong naghasik
Hatid ay hanging mabagsik
Parang lalamuna'y nalagyan ng tinik
May mga nawalang hindi na maibabalik
Sa mga nawalang ng gamit at bahay
Nagpapasalamat at hindi nawala ay buhay
Sa maykapal sila'y nagpupugay
Sa ikalawang buhay na sa kanila'y ibinigay
Maraming kabahayang gumuho
May mga pinagdaaanang panibugho
Ngunit sa pagsubok ay hindi susuko
Pag-asa pa din sa puso ay buo
Ngayo'y tapos na ang sakuna
Asam asam ay bagong pag-asa
Babangon ng buong sigla
Sa darating na bagong umaga
Kahit anu pang sungit ng panahon
Tuloy-tuloy ang tulong upang makaahon
Gaano man kalalim ang pagsubok na ibaon
HIndi tayo matitinag at laging babangon
