فيري: استاذ ياسر شنو الموضوع صحيح مسافرين لندن انت ودنيا
ياسر: اي صحيح صارت مشاكل بالمناقصه وراح اروح احل المشكله
فيري: بس دنيا ماتعرف تفاصيل المناقصه والمناقصه اني جنت متابعتها من جنت بفرع اربيل
ياسر : ماكو فرق بينج وبينها اثنينكم موظفات وثاني شي وليد يحتاجج هنا اكثر مني عندج شي ثاني لان حاليا مشغول
فيري : اوكي استاذ اسفه اني من رخصتك
ياسر : بطريقج صيحي اليه وليد
فيري : صار
وليد : ها فيري كولي
فيري : استاذ ياسر يريدك
وليد : اوك ... ها ياسر شو بعدك مارايح
ياسر : اني طالع هسه راح اتصل بيك اول مانوصل
وليد : الله وياك
في البيت
دنيا : الحمد لله خلصنه كلشي حتى جنطه ياسر
سناء: استاذ ياسر كولش نحس بتحضير جنطه هسه يضل يحجي
دنيا : 😃😃 لاتخافين اني اريده يتعارك ويايه ههه
سناء : الله اليستر
وصل ياسر للبيت
ياسر : ها دنيا كملتي اغراضج لان كولش متأخرين
دنيا : كملت كولشي حتى جنطتك جهزتها
ياسر : اه صدوك همزين لعد صعدي بالسيارة بين مااجيب الجنط
دنيا : 😕😕 ماشفتها اخاف اكو نقص
ياسر :😃 متأكد ماكو نقص مايحتاج اشوفها مستعجل كولش
دنيا : يله راح اروح اصعد بالسيارة
ياسر : اي ماشي .. دقيقه وين رايحه هشكل ترى احنه رايحين للنجف
دنيا : باوع بأيدي لازمتهم هاي العبايه وهذا الحجاب
ياسر : اوك يله اصعدي
صعدو السيارة وتوجهو للنجف دنيا نامت بالطريق
ياسر : دنيا اكعدي راح ندخل النجف البسي حجاب
دنيا : اي هسه اعدله اكول ياسر نروح للمقبرة بالاول لو للفندق
ياسر : لا راح نروح للمقبرة قبل ماتظلم الدنيا وبعدين نروح نزور الامام علي عليه السلام والنوب للفندق
دنيا : ان شالله
وصلو للمقبرة
دنيا: ماما سامحيني والله مدا اكدر اعيش بدون رضاج ربي غضبان عليه لان انتي غضبانه عليه 😭😭😭😭😭 يااامي ليش عفتيني وحدي بهذي الغابه
ياسر : دنيا اني يمج صدكيني ماراح اعوفج ... توجه لقبر ام دنيا .. خاله نامي بقبرج مرتاحه دنيا امانه بركبتي لحد ماموت شمايكون مااتخلى عنها
دنيا : ياسر ممكن تعوفني شوية 😭😭
ياسر : راح اقره الفاتحه وسورة ياسين واعوفج وانتي اقريهم الها
دنيا : اوك😭😭
بعد انتهاءهم من قراءة سورة الفاتحه وسورة ياسين تركها وصعد بالسيارة
دنيا: امي محتاجتج ماكدر اتحمل ابقى ويا وماكدر اتركه لان بس هو بقالي عمي وخالتي تخلو عني بس هو بقالي ماما اعرف انتي ماتردين ابقى يمه بس اني مضطرة والله سامحيني ادعيلي انت قريبه من رب العالمين
ياسر: ها دنيا نروح للامام نزور ونطلع للفندق
دنيا : 😢😢 ااي ماشي
بعد زيارة الامام توجهو للفندق
في الفندق
ياسر : يلة دنيا نصعد راح يجيبون الجنط ورانه
دنيا : اي زين
ياسر : تفضلي دخلي هاي الغرفه
دنيا : هاي وين داخل للغرفه
ياسر : شبيج غرفتنه اني وياج
دنيا : ليش ماحجزت غرفتين
ياسر : انتي مخبله ترديهم يضحكون عليه يكولون زوجته وهو بغرفه تحملي بس اليوم
دنيا: 😒😒
ندك باب الغرفه
ياسر : اكيد الجنط وصلت راح افتح الباب ..... تفضل دخلهم
دنيا : يله راح اطلع ملابس ادخل للحمام
ياسر : ليش مانسبح سوة 😋😋
دنيا : 😠😠 امشي من كدامي احسن بلا هالحجي
ياسر: 😀😀😀😀
استحمت دنيا وبعدها دخل ياسر وطلع لابس بس شورت
دنيا : شنو هالبس البس تراكسود اي شي
ياسر : شبيج شبيج خبلتيني ترى مصختيها شوو ابعدي يله
دنيا : وين وين وين
ياسر : وهو ينام ع السرير ... راح انام شكو
دنيا : ياسر ترى مايصير
ياسر : دنيا تسكتين لو اسكتج بطريقتي ترى خوش فرصه 😉😉😉
دنيا :😕😕 نام ورانه سفر احسن من الحجي وادنه شويه وديربالك تتقرب
ياسر: 😴😴😴😴😴😴😴
دنيا : شبسرعه نام يله خل انام اني هماتين
في الصباح
ياسر : دنيا اخرتينه فضيها
دنيا : ماعندي شي وين تأخرنه بعد وقت
طلعو من الفندق وتوجهو للمطار وصعدو بالطيارة الي متوجهه الى تركيا وبعدها سافرو الى لندن
ياسر : واخير وصلنه لندن
دنيا : واخير بس سؤال عندي
ياسر : اسئلي
دنيا : انت راح تروح بيتك زين اني وين اروح
ياسر: تنهد ... دنيا راح تكعدين بالفندق اليوم وباجر تكعدين بشقه اليه بنفس العمارة الي ساكن بيها
دنيا : زين الشركه شوكت نروحلها
ياسر : انتي ارتاحي اليوم واني راح اروح هسه
حجز ياسر فندق لدنيا وتركها ترتاح وراح ع الشركه حتى يبدءه شغل
مراد : استاذ ياسر الحمد لله على سلامتك
ياسر : شنو صاير شلون يصير هشكل بالمناقصه المفروض مانخسر
مراد : احنه لازم نعوض خسارتنه ونعرف منو السبب
ياسر : مراد اريد اسوي اجتماع حالا اها ونسيت شغله جبت مساعدتي ويايه راح تباشر الاسبوع الجاي خليلها مكتب يم ربا
مراد: ماشي
انتهى اليوم الطويل بالعمل وتوجهه للشقه مالته
