Grabe itong pag-ibig na nararamdaman ko
Ako ay nababaliw sa kaiisip sa'yo
Sobrang mahal na mahal na nga talaga kita
Pag-ibig isang makapangyarihang salita
Ang sarap sa pakiramdam na may minamahal
Araw-araw merong pag-aalayan ng dasal
Na sana ika'y ligtas at masayang-masaya
Minahal kita ng bigla at di sinasadya
Pano yan? Hinahanap-hanap kita palagi
Sa aking isipan ika'y laging sumasagi
Sa weird ng mga kinikilos, di ka ba nagtataka?
Hindi kumpleto yung araw ko kapag wala ka
"Mahal" na ang tawagan natin sa isa't isa
Sabik tuwing naririnig o nababasa
Para akong nasa langit tuwing ika'y kausap
At tayo'y magkasama sa taas ng mga ulap
Malay ko ba oi di ko naman to inaasahan
Basta nasabi kong di na kita pakakawalan
Sobrang lalim ng bagsak ng puso ko sa iyo
Isasama kita sa 'king masayang palasyo
Basta lagi mong iisipin at tatandaan
"IKAW" lang kahit ilang taon man ang dumaan
At sisikapin kong maging tapat at totoo
Basta ako ay iyong-iyo ng buong-buo
Pagmamahalan natin ay hindi ordinaryo
Alam naman natin na tayo ay magkalayo
Pero hindi yun rason para di maging tayo
Kahit kalapkip nito ay mga sakripisyo
Ika'y nakikita ko sa aking hinaharap
At bawat oras natin ay aking nilalasap
Aking hiling lang naman ay ika'y makasama
Kahit sa buhay na puno ng saya o drama
Papatunayan kong ako ay karapat-dapat
Sa pagmamahal mo sa akin na sobrang sapat
Ikaw ay biyaya sa buhay kong malungkot
Pag-nandyan ka, nalalabanan lahat ng takot
Ang Pag-ibig ay hindi isang simpleng damdamin
Dapat mong ipagkatiwala o ihabilin
Ang sarili sa nabuong nyong pagmamahalan
At hindi na talaga kita pakakawalan :)
