بيت شعر

عزف الحزن

يعزفلي الحزن عزفه جميل هواي
لمفارك محب عزف الحزن يهوه
انه مفارك حبيبي وبالي مامرتاح
ما ارتاح والله وهوه ماهوه
راحت وانست ايامنه الحلوات
ماترجع اظنه ايامنه الحلوه
تعال شبيك مامليت الافراك
تعال وشوفه بيه فراكك شسوه
صرت اني وحيد وبس اعد جروح
وانه جروح الاحبهم كثرن شدعوه
شدعواك ومشيت زعله زحمه وياي
الاسد يندل صدك من تزعل اللبوه
يقينن مقتنع بس اني اكولن لا
راح الي احبه جان الي سلوه
ابد ما ينطبق معنه اسمك ويه صار
هندس دنيتي واسمك عمر ضوه
الي بسوك الزلم مايسوه خمس فلوس
بله هواي خمسه فلس مايسوه
الماعنده غيره ومرجله واخلاص
الما يعرف يحب ماشايل مروه
يطلع رابح واصلا طلع ربحان
وانا الخاسر خسرت بنيه فد حلوه
وانا الما كعد حظي وياها الناس
وانا مضيع حبيبي وكلبي يتلوه
وانا الطيفك يمرني بلحظه من اشتاك
تشب روحي جنهم وفكري يتجوه
هيج وما بقت فد لحظه وياي
تفاركني واودعك تنسي العشره
يلمعذبني لا يمته واظل مجروح
وانه المكسور خاطر ردتك تجبره
انه بيه الصخر حس وانته ماحسيت
وعله ضيمي دمع بجيتهه الصخره
يل عونك ردت تتفرعن انته شبيك
وشنهي الغيرك انطيني بس فكره
لن حبيتك اني هواي ها يفلان
لن كلبي ويكلبك عايش بامره
يليل بعشرتك ماطلع الانهار
وانه كلبي بمحبتك ضيعت فجره
احلفك بالهويته وصار بعد وياك
اذكرني بحياتك ولو بس مره