في الساعة التاسِعة صباحاً.
بطلتنا صحت على صوت مرت ابوها وهي تتهاوش مع الخدم.
مرت ابوها"غالية"وهي تكلم الخدامة؛انتي هي كم مره اقولج اغراضي ماتلمسينهم الله ياخذج ماتفهمين انتي!!!
نزلت بطلتنا"روان"؛خالتي خلاص سامحيها اكيد بالغلط ماتقصد.
غالية؛كم مرة اسامحها بس هذي ثولة ماتفهم.
روان؛خلاص انا بكلمها يمكن تسمع مني.
غالية؛زين زين طسي عن وجهي بس.
روان-تتنهد؛قولي لابوي اني بروح المكتبة اليوم.
غالية؛وليش انشاءالله المدرسة مطولة،ليكون بتصيعين من ورانا؟
روان؛شدخلل؟؟؟بس بخلص اغراضي مبجر احسن.
غالية؛اي زين بكلم ابوج.
روان صعدت غرفتها ومسكت فونها وكلمت رفيجتها"مريم" بالواتس.
روان؛مريوم؟
مريم؛هلا حُبي.
روان؛يمكن اليوم اروح المكتبة شرايج تروحين معاي؟
مريم؛اي اوكي ماعندي مانع بس متى؟
روان؛مادري اشوف ابوي وارد لج خبر.
مريم؛انزين،يلا باي بكمل مسلسلي😔.
روان:باي باي.
سكرت روان فونها وفتحت روايتها"الفجر البعيد"وقرتلها كم صفحة وسكرت الكتاب وانسدحت.
خنشوف روان بشنو تفكر؟
روان"ابي اعرف امي وينها ليش كل ماسألت ابوي يصد ومايبي يجاوبني؟عالاقل يقولي اذا حيه ولا ميته؟راسي صار يعورني من هالتفكير،بروح تحت بشوف غاليوه كلمت ابوي ولا"
نزلت روان وشافت غالية وابوها.
روان:السلام عليكم.
غالية وابوها"محمد":وعليكم السلام.
روان:يبا ابي المكتبه اليوم.
محمد:شعندج مستعجلة للحين ماجت المدرسة؟
روان:ادري بس بخلص اغراضي مبجر عشان ارتاح.
محمد:انزين متى بتروحين؟
روان:الساعة ٧باليل.
محمد:اجل ٧ الا ربع تكونين جاهزه.
روان-باست راس ابوها-:انشاءالله يُبا.
صعدت روان فوق جهزت عبايتها وحطت منبه ونامت.
انتهى البارت الأول.
أنت تقرأ
التقيتُك صدفة.
Randomفتَاة اجبرتها الظرُوف أن تُصبح 'تومبوي',فسنرى في هذه الرواية ماهذه الظروف وكيف استطاعت تخطيها بصعوبة،ثم بعد ذلك تعيش كمعيشة الفُقراء بعد أن كانت حالتها المادية جيدة،فتلتقي بـ تومبوي بالصدفة ثم يصبِحون أصدقاء وبعد ذلك تتعرف بأصدقاء هذا التومبوي ويصبح...
